[size=18]خلى بالى من الهدوم
مره واحد سرق فرخه وراح عند البحر نضفها وكلها جه الضابط وقاله انت سرقت الفرخه قاله لا يا باشا قاله الضابط والريش ده؟ قاله دى نزلت تستحمى و قالتلى اخلى بالى من الهدوم
خرم الباب
مرة واحد مسطول مروح البيت وبقالو ساعة مش عارف يفتح الباب مراتة من البلكونة بتقولو ارميلك المفتاح قالها لا المفتاح معاية ارميلى خرم الباب
معدولة
واحد ساب عربيتة معدولة رجع لقاها مع رمزى
اسماعيلي
لاعب كرة امة خاصمتة قالها اسماعيلي يا ماما
خلقة ربنا
واحد شكله وحش قوى قوى قوى عايز يتزوج فراح و اتقدم لواحده فبيقول لابوها انا يا عمى و بلا فخر عملت نفسى بنفسى رد ابوها وقال : ما انا كمان بقول استحاله تكون خلقة ربنا
بسرعة
وهو يفتش في البيت طلعت عليه صاحبه البيت وكانت تخينه اوي ومسكته ورمته على الارض وقعدت عليه وراحت تنادي ولدها: محمد انده ابوك من على القهوه الحرامي قاله بسرعه يامحمد وحياة والدك بسرعة
إنتهاء العقد
واحد متجوز وقاعد في البيت وبيبص كتير في عقد الزواج، مراته قالت له: "بتبص في عقد الزواج ليه يا حبيبي؟" قالها: "بأبحث عن تاريخ إنتهاء العقد
النجوم
مرة واحد ماشى مع خطيبته وآخر انسجام فقالها "عارفة ايه هو الحب وايه الجواز؟" قالته "لا" قالها: "الحب زى النجوم الجميلة اللى فى السماء . قالتله"طب والجواز؟" قالها:"دى البلاعة اللى واحنا بنبص على النجوم بنقع فيها
طب بيطري
مرة واحد بيدرس طب بيطري راح على امتحان كان طول الليل بيدرسله راح الامتحان لقى الامتحان عبارة عن سؤال واحد بس وهو اعرف نوع الطير من رجليه وكل الرسمات زي بعضها معرفش يحل حاجة وعصر مخه معرفش يحل الامتحان قال انا حقوم ومش حكتب اسمي بالورقة وسلم الورقة شافه الدكتور قلع انت اسمك ايه قاله اسمي انا قله اه راح مشمر رجليه وقله اشوف حتعرف اسمي ولا لاء
شطرنج
اتنين صعايده بيلعبوا شطرنج واحد قال للتاني موتلك الحصان التاني اتضايق أوي وقاله ثانية واحده نص ساعه ورجع قاله سممتلك البهايم
مايوة
واحد صعيدى لما بينزل البحر فى الشتاء بيلبس مايوة صوف
إنت مجنون ؟
صعيدى راح لضابط بوزارة الداخلية قاله عايز اترشح لرئاسة الجمهورية , قله الضابط إنت مجنون ؟ فأجاب الصعيدى : هو شرط يعني
عملية
صعيدى عمل عملية جراحية .. نجحت .. قام عملها مرة تانية
الموساد
الموساد قررت تشغل واحد صعيدي معاها و بعد تدريب مكثف لمدة 3 شهور قرروا يرجع مصر ويبتدي الشغل هريدي: وانا لما احب اتصل بيكم ابعتلكم جواب واللا اية؟ مدرب الموساد: جواب اية حتضيعنا الله يخرب بيتك......... احنا لما نعوزك حنبعتلك مندوب لحد عندك حيقولك ( ازيك كده وازي امك) ودي حتكون كلمة السر هريدي: تمام ياااااااااااافندم و سافر هريدي لمصر شهر اتنين تلاتة و الموساد احتاجت تديله تعليمات قاموا باعتين المندوب على مصر.... وصل العمارة سأل البواب : يا ترى هريدي بيه موجود؟؟ البواب (بقرف): أنهي هريدي بيه فيهم .... عندنا اربعة هريدي في العمارة المندوب(خاف لينكشف) : اي واحد فيهم البواب: عندك في الدور الأول طلع المندوب الدور الأول .. فتح الباب راجل.. قام قاله: انت هريدي ... قاللوه ايوه .... قاللوه: ازيك كده وازاي امك... قاللوه: العنوان غلط يا استاذ ... هريدي الداسوس ساكن في الدور الرابع
محدش واخد منها حاجة
اتنين بلدياتنا عاوزين يشربو سجاير ومش معاهم قالو ندخل ميتم بيوزعو سجاير هناك ، دخلو قعدو جمب واحد فى الصوان بيدخن قال الاول : انفاس معدودة وقال التانى : كلنا لها رد الراجل : محدش واخد منها حاجة
النهائى
مرة الصعايدة اتجمعوا وراحوا لحسنى مبارك قالولة ابنيلنا مدينة قلهم هاسالكوا سوالين لو جابتو عليهم هابنهالكم قالوا ماشى فقالهم مين اللى انتصر فى غزوة بدر قالو المسلمين قال صح قال هاسال السوال التانى فقال مين اللى كسب فى مباراة الاهلى والزمالك الاخيرة قالوا الاهلى قالهم صح هابنيهالكم طلع واحد غبى قال يعن المسلمين هيقابلوا الاهلى عالنهائي
اجتماع
واحد صعيدى عينوه مدير ملجأ أيتام اول قرار اخده اجتماع لأولياء الامور
إنت إلى سايق
مرة إتنين مساطيل راكبين عربية فواحد قال للتانى : حاسب قدامك شجرة فالتانى مردش عليه فعلى صوته شوية : قدامك شجرة برضه مردش عليه فقاله : حاسب قداااامك شجرررر .. طاخ خبطوا فى الشجرة فطلع من العربية و قاله .. مش قلتلك قدامك شجرة ؟؟؟ فالتانى رد عليه : و أنا أعملك إيه مش إنت إلى سايق ؟؟؟
فاضي ياسطة
مرة واحد سكران بيوقف تاكسي فسأله: فاضي ياسطة فقال له الأسطة: ايوة فاضي فقال له السكران طيب ماتيجي تقعد معايا شوية
ضابط المرور
ضابط المرور بيحقق فى حادث... سأل الاول .. فرد .. يا بية انا اديتة كلاكس .. واديتة انوار وصرخت فية علشان يبعد ومفيش فايده.. سأل التانى ... فرد ... يابية انا اعمل اية ، انا قاعد فى الكشك بتاعى
مسمار
واحد صعيدى دخل فى رجله مسمار معرفش يطلعة تناه
الاشارة
مرة اتنين مساطيل ركبين عرابية اللى بيسوق قال للى جنبة انزل شوف الاشارة دى شغالة ولا لا فنزل من العرابية قال لة:شغالة مش شغالة شغالة مش شغالة
كمبيوتر
مرة كمبيوتر قال لمراته الكمبيوترة إنت طالق قلتله إزاى والسى دى إلى فى بطنى
لمبه جديده
اثنين صعايدة ساكنين في أوضه ، اتحرقت اللمبه راحو جابو لمبه جديده واتخاصموا كل واحد يقول للتاني انت ركبها، أخيرا اتفقو عوضين يطلع على اكتاف حسنين ويركب اللمبه ، طلع عوضين مسك اللمبه بإيده وقال : لف يا حسنين
كورة
اتنين مساطيل طينة طلبت معاهم ان اول واحد هيعدى من الشارع يقطعوا رقبته ويلعبوا بيها كورة فلقوا واحد معدى من الشارع اتارية مسطول اكتر منهم المهم وقفوه وقالوله احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا اخرمها قبل ما تلعبوا بيها
مجاملة
تلاتة صعايدة وأبوهم دخلوا يحيو فرح راح الاول نقط بخمسة جنية وضرب طلقة في الجو راح التاني منقط بعشرة جنية وضرب طلقتين في الجو راح التالت منقط بعشرين وضرب ثلاثة طلقات في الجو جه ابوهم وحب يعمل مجاملة نقط بمائة جنية ورمي قنبلة علي الفرح
أسد
مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس
مذكرات
تلاتة دخلوا مسابقة واحد فرنسى وامريكى والصعيدى الاصيل كانت المسابقة عن انى واحد يكتب اكبر مذكرات الفرنسى كتب 100 صفحة والامريكى كتب200 الصعيدى الاصيل بقة كتب 500 فكسب شافوا بقة مذكراتة لقوة كاتب فى اول صفحة حمدان ركب الحصان وفى اخر صفحة حمدان نزل من على الحصان بيشفوا فى النص لقوة كاتب درجن درجن درجن
حلاق
مرة حلاق و ابنة بيتفرجوا على متش كورة فقال المذيع :وشطها بمشط رجلة و جت فى المقص فقال ابن الحلاق : بابا دول بيلعبوا فى العدة
يرحمكم الله
واحد بلدياتنا كان قائد فى الجيش و قدامه أربع صفوف عساكر ....واحد من العساكر عطس..القائد سأل أول صف مين اللى عطس محدش رد فتح عليهم النار قتلهم كلهم و بعدين سأل الصف التانى مين اللى عطس محدش رد ..راح فاتح النار عليهم ....و إدور على الصف التالت قام واحد خاف و قاله انا اللى عطست ياباشا...قاله القائد يرحمكم الله
مين اكتر نداله
تلاته اندال اتفقوا يشوفوا مين اكتر نداله الاول شاف راجل عجوز عايز يعدي الشارع مسك ايده و سابه في نصف الشارع واتاني عداه وضربه التالت ضحك وقال انا اكتر
ناطحة سحاب
مرة اثنين ساكنين فى ناطحة سحاب لكن المصعد كان معطل فطلعوا على رجليهم فوصلوا الى الدور 99 فقال واحد للاخر عندى خبرين الاول حلو والثانى وحش الحلو ان احنا وصلنا الى الدور 99 والوحش ان العمارة مش بتاعتنا
كمان واحد
خبيث دخل أحد المطاعم وطلب صحن فول، وبعدما أنتهي من آكله سأل الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج ال13 قرش ورماها على الارض.. وتكرر المشهد 3 أيام متتالية. وفي اليوم الرابع دخل المطعم وما معاه صرافة فاعطى الجرسون ربع جنيه(25) قرش وقال له واحد فول، طبعا الجرسون حب ينتقم منه فاحضر الباقي(12)قرش ورماهم على الارض وقال له خذ الباقي، فاخرج الخبيث قرش من جيبه ورماه فوق ال( 12) قرش وقال للجرسون كمان واحد فول لو سمحت.
بامية
مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس ... يالهوي وعملتي إية .. عملت بامية وامري لله
الحصبه
مره واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين جلها الحصبه ماتت
الساعه 6:30
واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل , وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى
![♂♂l][Ξ¯▪ـ‗_Barlaman_‗ـ▪¯Ξ][l♂♂](https://2img.net/s/t/11/44/70/i_logo.jpg){kind=logo}
موضوع: نكت جامدة 
الأربعاء أغسطس 19, 2009 2:11 am
