الانتحار حلال

موضوع: الانتحار حلال الإثنين أغسطس 10, 2009 8:58 am

الأنتحار الحلال

طول عمرنا عارفين إن الانتحار حرام وعيب ومايصحش، والغريبة إنه ضار جداً بالصحة،
ده غير إنه كمان بيودي النار، لكن المفاجأة الذكية اللي اكتشفناها مؤخراً
إن فيه انتحارات جديدة لانج نزلت السوق مؤخراً مابتوديش النار؛
لأن اللي ميت منتحر الحكومة بتسميه شهيد بالصلاة ع النبي..

هنا 6 أنواع للانتحار بيدخلوا الجنة..

الطريقة الأولى:
لو عايز تنتحر وماتبقاش منتحر في نفس الوقت عليك وعلى حي الدويقة ومنشية ناصر
اللي الخنازير ماشية بتلعب فيها، والناس بتهشهم ولا كأنهم قطط!!
ده غير الروائح الكريهة الصعبة لدرجة إن فيه سكان هناك بيحلفوا إنهم عمرهم ما فتحوا بلكوناتهم من ييجي أكتر من 30 سنة..
كل ما عليك لو سيادتك مش لاقي شقة تسكن فيها وعايز تنتحر لهذا السبب،
إنك تجيب كام صفيحة حديد على كام خشبة مسوّسة، وتبني بيهم عشة في حضن جبل المقطم،
مع مراعاة أن يكون تسريب الصرف الصحي الخاص بك على أعلى الجبل،
وكلها شويتين والجبل مش هيستحمل الصرف الصحي بتاعك أنت واللي معاك
وهينزل على نافوخكم واحد واحد وكلكم تتكلوا على الله في ثواني،
وحتى اللي هينجى منكم وهيفضل حي تحت الأنقاض محدش هيعرف ينقذه أو يوصل له وبرضه هيموت هيموت
، والذنب طبعاً هيكون على الحكومة اللي ما وفرتلناش سكن غير في المناطق العشوائية اللي في حضن الجبل
اللي صخوره وحجارته مابترحمش وبتنزل على الغلابة تدفنهم بالحيا.

الطريقة التانية:
ركوب الأوتوبيسات اللي بتطلع على الكباري وهي متكدسة بالبشر
زي الأوتوبيس اللي وقع بالركاب بتوعه من كام سنة من على كوبري في الجيزة وكل اللي فيه ماتوا،
والناس الغلابة اللي كانوا ماشيين في حالهم لا بيهم ولا عليهم تحت الكوبري برضه ماتوا،
وعندك كمان كوبري السيدة عائشة اللي كل سنة يقع من عليه أوتوبيس أو ملاكي أو تاكسي أو عربية جيش،
وآخر مرة الأرض هبطت تحت الكوبري،
وطبعاً الحكومة هتعتبرك شهيد وتصرف لأهلك مكافآت كمان.

الطريقة التالتة:
بعد صلاة الفجر تصلي ركعتين لله تودع بيهم دنيتك
وتسلم على كل أهلك ومعارفك وتسدد الديون اللي عليك وتسيب وصيتك وتجهز نفسك للعملية الانتحارية..
لأ يا راجل.. يا راجل مش في فلسطين.. إحنا بنتكلم عن عملية انتحارية هنا في مصر
بتحصل كل فجرية في طوابير العيش على الأفران البلدي
ولو أخلصت النية لله هتموت يعني هتموت مالهاش حل تاني..

الطريقة الرابعة:
حج البيت لمن استطاع إليه سبيلاً..
تجهز كل تحويشة عمرك وفي الغالب مش هتكفي إنك تطلع للسعودية طيران،
يبقى يا معلم مفيش غير العبارة،
ناقص بس تلبس ملابس الإحرام وأنت في العبارة عشان تكون متكفن جاهز
وشوية وهتغرق بيك المركب ولو ما موتش غرقان يبقى القرش هياكلك
وهتبقى ميت شهيد وتبقى آبا الحاج الشهيد، وسلم لي على "ممدوح إسماعيل"!

الطريقة الخامسة:
أكيد طبعاً شفت إعلانات الحكومة اللي بتقول لك لازم تلحق القطر قبل ما القطر يفوتك..
لو أنت ليك مزاج تموت بقى وخايف تتحسب عليك الموتة انتحار وتدخل جهنم
يبقى عليك وعلى الحكومة..
أيوه زي ما بقول لك كده يالا بسرعة إجري إلحق القطر،
وساعتها تبقى موتة ومكتوبة لك حاجة ببلاش كده..
يا إما القطر هيولع بيك والسواق هيفصل العربيات المحروقة
عشان تواجه مصيرك مع نفسك زي ما حصل في قطر الصعيد من 6 سنين،
يا إما هتتزنق وتروح الحمام وممكن وأنت قاعد منسجم وواخد راحتك ع الآخر
تلاقي دورة المياه وقعت بيك تحت القطر
يا إما القطر يخرج عن القضبان ويتشقلب بيك في الهوا،
يا إما عربية تريلا فراملها تسيب وتلبس في القطر زي قطر مطروح،
وفي كل الأحوال سيادتك ميت ميت.

الطريقة السادسة:
محدش فينا ماسمعش عن طريق المحور اللي المفروض إنه بيختصر الطريق..
وماحدش فينا برضه ماسمعش عن الحوادث والكوارث اللي بتحصل عليه كل يوم..
كل ما عليك بقى لو أنت عايز تنتحر بشياكة إنك تتلكك وتروح أي مشوار بيعدي من على المحور،
ولو حتى تروح تجيب من هناك ترمس،
وساعتها هتلبس هتلبس مفيهاش كلام
وتبقى برضه ميت شهيد على حسب تصريحات السيد وزير النقل والمواصلات والسيد وزير الصحة والسكان
وقبل منهم السيد رئيس الوزراء وصورتك تيجي في الجرايد ببلاش
من غير ما تكلف عيلتك حق النعي
في صفحة الوفيات.. وصباح الخير يا مصر..

واللي مايعرفش .. يقول عدس

بجد عندك حق يابسبس Very Happy

توبيك رائع

زائر

دا على اساس ان الانواع دى من الانتحار بقصد ولا من غير قصد اصل انا اول مرة اسمع ان فى انتحا لانج وا انتحار اولد

زائر

بص انت عندك حق في كل اللي قولتهوالموضوع رائع ماشاء الله بس يا ريت محدش يجيب سيرة العبارات وكده عشان خطري محدش يقول موت ف عبارات وخاصه من السعوديه

زائر

ليه يا روزى انتى متعقدة من العبارات ولا فى حاجة تانية اصل انا شايفة ان دى الحقيقة فعلا

زائر

يارب بلاش العبارات دي ربنا يستر
بس نيس توبيك يا بيسو

زائر

لا بجد يا جماعه ابعدوا عن موضوع العبارات وانتي المفروض انك فاهمة ليه

زائر

لا بجد يا روزى انا غايبة عنى الحكاية دى مش فاكرة عالعموم لما اشوفك افتكرمنك

زائر

الحمدلله انك وصلتيلى الحكاية يا روزى بس بجد عندهم حق بلاش حكاية العبارة يا بام الحمد لله انتى شائمتنى معاك

فرح كتب:: الحمدلله انك وصلتيلى الحكاية يا روزى بس بجد عندهم حق بلاش حكاية العبارة يا بام الحمد لله انتى شائمتنى معاك

انا مش فاهم حاجه خالص بس هوه اكيد صح Very Happy

زائر

الحمد لله انك مش فاهم عشان لو فهمت حتبطل تكتب مواضيع من النوع ده

فرح كتب:: الحمد لله انك مش فاهم عشان لو فهمت حتبطل تكتب مواضيع من النوع ده

طيب ليهكده خلاص معتش هنزل مواضيع من دى

زائر

لا مش للدرجه دي بس هي كانت حاجه مزعجه

Rozita كتب:: لا مش للدرجه دي بس هي كانت حاجه مزعجه

بطلو الغاز بقى

زائر

لا مش الغاز ولا حاجة يا باسم اكتب اكتب يا باسم الحمد لله الموضوع انتهى

زائر

هههههههههههههههههه عسل يابيسو

والله موضوعك جامد يا بيسو

وعشان خطرى يا باسم اعمل مواضيع فيها عبارات وموت

lol!

عند فى البنات lol!

موضوع: رد: الانتحار حلال الأحد مارس 14, 2010 5:27 am

ههههههههههههههههههههههههههه

جامد يا بيسو

وبجد هشوف وادرس الواضيع السته دى

واختارلى منهم واحده
ثااااااااااااااااااااااااااااااااااااااااااااااااانكس

موضوع: رد: الانتحار حلال الأحد مارس 14, 2010 8:57 am

نايس توبيك يا بيسو

بس في موتة سابعة وثامنة ومليون كمان

روح بس مستشفي وهناك قلة العناية هتموتك

روح هات عيش وكله والمسامير هتقف في زورك وتموتك

يعني انتا ميت ميت يابني

تقبل مروري بقي متخليناش نعك

ثانكس ليكم وبلاش حد يفكر فى الانتحار الى ترجعو وتقولو بااااسم

» هل الغناء حلال ام حرام ؟؟!!!!!!!!!!!!