الاضراب والاعمال المتعطلة

نائر
نئير
من زمان و انا متأكد ان البلد ديه مش هتتغير الا لما الناس تفوق و تعرف ازاى تعبر عما بداخلها لكن مش بطريقه عنيفه عارقه فى الدماء و لكن عن طريق اضاب عام يوقف البلد عشان الحكومه الظالمه ديه تعرف كويس ان الكبت لا يولد الا الأنفجار
و اول ما سمعت ان فى اضراب يوم سته إبريل حسيت ان اليوم اللى بحلم بيه جه و لم اتردد لحظه فى المشاركه
هو الاضراب منجحش اوى بس اهى بدايه و بعد كده هيبقى اقوى و اقوى لغايه ما نسترد كل حقوقنا
هى مش هتيجى غير كده
و ده بيثبت ان الشعب ده فيه خير بس اللى يعرف يطلعه
و اللى حصل فى المحله ده تصرف فردى مش معقوله اضراب يعدى كده من غير اى حاجه كده ده عامل زى الفلفل الحامى عشان بس يحرش الاكله لكن مش هو الاكله كلها


انا مش معترض على فكره الاضراب بشكل عام لكن انا معترض على الاضراب ده بالذات
يعنى مثلا انا اول ما سمعت عن الاضراب حاولت اعرف مين اللى ورا الموضوع ده لكن كل محاولاتى بائت بالفشل
لكن بعد كده و مره واحده لقيت بتوع كفايه و حزب العمل بيقولو انهم همه اللى شجعوا الاضراب و بعد كده يقبضو على بنت من حزب الغد و يقولو انها هى اللى عمت الحمله على النت مبقيتش عارف هو مين بيعمل ايه
و بعدين هو فى اضراب يحصل بالشكل ده
ده اضراب يا جدعان مش سلق بيض
فجأه كده من غير لا احم و لا دستور لقينا فى اضراب
يا حلاوه يا ولاد مكنش حد غلب
و بعدين ممكن جدا يكون الاضراب ده عملاه الحكومه عشان تقيس رد فعل الشارع لحاجه زى ديه لو حصلت بجد
و بعدين شوف اللى حصل فى المحله تخيل ده لو حصل فى مصر كلها
البلد كلها تبوظ ربنا يستر


قلنا إنت مع مين فيهم و ليه ؟؟
فى تعليقك تحت