الواد حلو ومتربي

نائر: دودو لازم يقطع علاقته بحماصة فوراً

نئير: ليه ؟؟، دودو أخونا و متربي كويس و عارف بيعمل ايه و حماصة صاحبه من زمان

نائر: دودو مبقاش دودو، خلاص كبر ما شاء الله و انا خايف حماصة يضيعه

نئير: ليه ما طول عمرهم صحاب و انته تعرف حاجة عن حماصة؟؟

نائر: امبارح و انا بأفتح جامعة اون لاين من السيبر لاقيت حماصة فاتح موقع من المواقع اياها

نئير: و احنا مالنا يا سيدي هوه يفتح براحته أنما اخونا متربي يا جدع ده انته اللي مربي دودو يا نائر

نائر: بص دودو في سن المراهقة و الدراسات أثبتت ان في السن ده المراهقين بيحاولوا الحصول على معلومات جنسية بأي شكل

نئير : طيب ، كده المشكلة اتحلت

نائر: أزاي يا عبقري زمانك ؟

نئير: حماصة يفتح المواقع و يقول لدودو على اللى عاوز يعرفه ، بدل ما يحرجنا أحنا و نتكسف نقوله

نائر: احنا مش اتفقنا قبل كده ان المعلومات دي غلط ، و بعدين انته فاكر ان حماصة صاحب رسالة لتثقيف الشباب مثلاً، الدراسات برده اكدت ان عدد كبير من المراهقين اللي بيدخلوا بيبقوا عايزين معلومات يبادلوها مع أصحابهم ، يعني كده حماصة حيخلي دودو يعمل زيه ، و بعدين المفروض دودو يعرف اللى محتاجه من البيت لاننا عمرنا ما حنضره و المواضيع دي مفيهاش احراج

نئير: خلاص احنا نقول لدودو يبعد عنه

نائر: بعد كل اللي قلته ده و لسه حنكلم دودو براحة لازم دودو يقطع علاقته بحماصة و يشوف له صحاب محترمين

نئير: معاك حق

نائر: اخيراً اتفقنا

منور التوبيك يا فرحانة