قضية التحرش الجنسي والمعاكسات الكلامية

منذ تم انشاء هذا المنتدي منتدي كلام × كلام والادمين يحاورني ويصمم علي انشاء موضوع يتضمن ذلك العنوان وذلك لوجهة نظره ان هذه هي اكثر المشكلات التي يواجهها الشعب المصري نساءً ورجالاً ، خصوصا اننا نعلم جميعا ان الرجل هوا الذي يتحرش بالمرأة او يضايقها بالمعاكسات والمضايقات الكلامية ، لكن قد ظهر نوعاً جديداً من التحرش ، حيث النساء يتحرشون بالرجال ، والقضية الجديدة أيضاً ذلك الشاب الذي اغتصب عجوز في الخامسة والتسعون في عمرها ، وذلك الشاب الذي اغتصب الطفلة انها وهي في التاسعة من عمرها ، علق الشباب مبررين ان السبب في ذلك هوا النساتء اللذين يرتدون البنطلون الجنيز الضيق والبتطلون الابيض الشفاف الذي لا يستر عورات المرأة ، لكن هل تلك العجوز وهتك الفتاة كانوا يرتدون بنطلونا ضيقا أو شفافاً .

في منتديات كلام في كلام نناقش تلك القضية ونرد علي تساؤلاتي وتساؤلات كل المصريين

هل السبب الاول والاخير هوا سبب اخلاقي وقلة اخلاق وعدم توافر التربية من الاباء ام السبب في الابناء انفسهم وتداعيهم بالاختلاط بشباب انعدمت منهم جميع مظاهر الاخلاق والتربية .

ارجو المشاركة وابداء الآراء والرد علي تساؤلاتي

قدمها لكم مشرفين المنتدي

أحمد فرحانة والاجئة والادمين

زائر

نيس توبيك
وبجد موضوع فعلا مهم جدا

انا شايفة ان الموضوع ده مسؤل عنه ناس كتير الاول طبعا الانسان اللي بقوم بالفعل ده وهو التحرش الجنسي لانه بينزع من نفسه كل معاني كلمة انسان
ده مش بيكون انسان ده بيكون اقل من الحيوان
واللي مسؤل كمان البنات والنساء لان فيه بعض النساء وطبعا مش كل النساء اللي بيشجعوا الرجال على القيام بمثل هذا التحرش
واللبس عامل مهم حيث ان اللبس الضيق والجينز ملفت جدا للنظر والانتباه ودي بقت مشكلة وبتدق ناقوس الخطر لينا مش ف مصر بس ولكن ف الدول العربية والعالم كله
لم تعد المراة تلتزم بالحجاب بل ان هناك بنات يرتدين الحجاب لمجرد اسم فتاه محجبة مع ان باقى الملابس منها الضيق ومنها الشفاف وغير ذلك الكثير

ولكن احنا كمسلمين المفروض ان الظاهرة دي لاتكون موجوده عندنا

والمسؤل التالت والاصعب هو الاباء والامهات اللي بيسمحوا للبنات بالخروج ف اوقات متاخرة والسهر ومايسمى المصاحبة غير الشريفة
حتى اصبحنا مثل الدول الاوروبية وتلاشت الاخلاق الحميدة من الشباب والبنات
والاباء والامهات ايضا مسئولين عن تربية الاولاد اذا لم يعلموهم مكارم الاخلاق وتعاليم الدين الاسلامي

يوجد ايضا عامل المخدرات والبانجو والحشيش وكل مذهبات العقل التي تجعل الشباب فاقدوا الوعي تماما

اعتقد ان لازم يكون فيه توعية اكتر للبنات وللشباب وبث تعاليم الدين اكثر ف نفوسهم

زائر

ادمين عنده حق فعلا يا احمد الموضوع ده كان لازم ينكتب من زمان لان القضية دى بقت كبيرة دلوقت وفى ناس كتيرة اوى بتخافتقول ع المو ضوع ده بس شوف المتحرش ده بيجرح كام واحد وكام واحد بيكتم فى نفسه و زى ما ممتس قالت الموضوع ده ليه عوامل كتيرة

موضوع يستحق الاهتمام فعلا يااحمد واليكم تعليقى

الناس اللى بتقول ان الحريم السبب مش عشان انت متعقد منهم يبقى تقول انهم هما بس السبب

زى واحد زملكاوى تقوله انتم بتخسروا البطولات ليه يقولك احنا اللى مش عاوزين

ماعلينا بلاش الزمالك احسن واحد صاحبنا يزعل

ياجماعة القضية خطيرة جدا ولازم ناخد بالنا منها كويس حد يقولى طب ازاى؟؟؟؟؟

اْقولكم اْنا ازاى

فى مثل بيقول ابداْ بنفسك

ازاى ؟ لو اْنا عندى اْخت اْحافظ عليها باْتى اْنصحها واْوجهها التوجيه السليم او لو كانت بنتى

اْنى مثلا لما اْشوف منظر مش عجبنى بلاش ابص واْبعد دا اْضعف الايمان

لو كل واحد بداْ بنفسه سيتطرق ذلك لبيته ومن ثم الى اْهله جميعهم ثم الشارع ثم الحى وهكذا

وصدقونى مش صعبة والله جربوا انتم كدة وشوفوا التغيير

السلام عليكم

اولا يا ريت كابتن ملكش دعوه بالزمالك وياريت متجبش سيرته فى امثالك دى

ثانيا

انا من وجهه نظرى ان قضيه التحرش دى زادت بشكلغير طبيعى فى هذا العصر

واظن ان العيب على الاسره انها مش مربيه ابنها صح ومش معلماه تعاليم ربنا

والعيب على الاسره انها بتطلع بنتها بلبس مش ظريف

وعيب برضه على الحكومه انها مش موفره الامن فى الشوارع

العيبب مش عيب حد واحده العيب عيب وطن باكمله

والله الشعب المصري بيعاني قلة الاخلاق لو مكنتش انعدمت

زائر

دي مشكلة من مشاكل الشعب المصري

تم حذف مشاركات كل من

schweinsteiger
و
وياكنزي لامور

نظرا لوجود كلمات خارجة من وجهة نظر ادارة المنتدي

طيب يا كنزي لامور انا مش هامسح ردك المرة دي

بس هارد عليك

لو انت قولت رايك بصراحة محدش هايقدر يتكلم معاك ولا يعمل اي حاجة

ولكن لو انت قولت رايك بصراحة و معاها كدة حاجة اسمها عدم احترام في الكلام و عدم احترام للاخرين وعدم احترام للكلام اللي كتبينه

ساعتها انا ميشرفنيش العضو ده في المنتدي اصلا مش بس امسح رده

بس في حاجة ممكن توضح عدم الاحترام اللي بتكلم عنه

اولا حضرتك بعد القرار اللي اتخذناه يا لامور داخل ومش عاجبك القرار طيب ما تشوف الرد اللي مسحته كنت كاتب في ايه

وغير كدة او ثانيا حضرتك تكرمت والف شكر علي كدة و سبيت كل ادارة المنتدي ده طبعا احترام زايد منك والله احنا اه صحاب بس انا مرداش بكدة عمري

ولكن نهاية الكلام انا مش هاطردك وفي نفس الوقت مش مستني منك مشاركة يعني عادي لو شاركت هاتفيد نفسك وتفيدنا معاك بمشاركاتك ولو مشاركتش مضرتش نفسك ولا ضريتنا يعني هانبقي زي ما احنا والادارة اللي مش عاجباك دي هيا اللي هاتطور ان شاء الله بمساعدة الناس اللي منقدرش نستغني عنهم هم اعضاء المنتدي

شكرا يا لامور علي مرورك

والكلام ده يا جماعة مكنش لي لامور لوحده كن لاي عضو يكتب حاجة خارجة او مش ايجابية

السلام عليكم

DOODYMASTER

انا اسف يا جماعه انا مكنش قصدى اغلط
هو ممكن يكون فى وجهه نظركم عدم احترام
لكن فى نظرى انا حقيقه بس دى طبعا مش لكل البنات
دى للبنات اللى بيلبسو لبس خارج
وبرده
انا اسف

لا مافيش حاجة يا باشا هي حقيقة فعلا في وجهة نظرك ونظري ونظر الكل لانها موجودة فعلا لكن انا كنت بتكلم علي التعبير انا ممكن اوصل اللي عايز اقوله مهما كان بس باسلوب ميخليش اللي قدامي يستقل بيا يعني انا قصدي علي التعبير مش علي رايك ورايك احنا كلنا معاك فيه

زائر

ويريت نهتم بالتكاتك عشان اعرف واحدة كانت راكبة توكتوك و السواق رفع عليها المطوة قالها هاتي كل اللي معاكي فعطته الدهب ونطت من التوكتوك

وتاني حاجة لادمين انا كنت عامل توبيك عن اعياد ميلاد الاعضاء في كلام في كلام هو فين؟

ارجو الرد

احنا قولنا يا باشا ان كلام في كلام التوبيكات فيه محدودة ل 3 فقط فرحانة وايسو و الادمين وقولنا بعد اذن الاعضاء ممنوع رفع توبيكات فيه

زائر

الموضوع ده مش معيش الناس فى امان خوفا على اولادهم ومبهدل الدنيا والموضوع ده مش من مشاكل مصر بس ده من مشاكل العالم كله وخاصة العالم العربى

زائر

ok man makontsh 3af lesa aref menak

الموضوع مغلق حالياً نظراً لمضي الوقت المحدد له من جهة ادارة المنتدي

شكراً لكم لفتح صدوركم لهذا الموضوع المحق للعرض والمشاركة

وشكراً لكل عضو شارك برداً او مشاهدة

شكرا

» قضية المرأة - سياسيّة أولاً
» صحف السبت: أسرار تراجع الزمالك في قضية جدو والروح تقود الأهلى أمام الشبيبة