عاشت الصين الشعبيه "معكش تلفون صينى بـ300جنيه؟

بسم الله الرحمن الرحيم


معانا عربيه صينى بتمشى والله خدها وصيع وفسح المدام والعيال وعلم توتو السواقه وهات لفيفى عربيه
وادفعلك عشرينايه ولاتلاتينايه بالكتير بدل ماتجيب عربيه بكام 100 الف والحنتوس ابنك يطلع بيها فوق عربيه كارو والحمار يدشدها ويتخرب بيتكم




طب بقولكم ايه تعالو اسمعوا اتنين سناكيح شايفهم على نصيه القهوة وانا داخل
الاول : ايه رايك فى n95 ده
التانى : ايه ده يابنى ده صينى
الاول : وماله ده ب 300 جنيه بس
التانى : والله حلو وبيقضى الغرض بدل ماجيب واحد ب 2500



وطبعا من الكلام ده بالهبل لما اتعمينا ايه حكايه الصين ومنتجاتها اللى غرقتنا دى
عربيات .. دهب .. اجهزه .. هدوم ...كله بقى صينى
انا خايف اروح البيت الاقى ابويا صينى

واحنا فين من العالم دى ياعمى وليه هما نجحوا بالشكل ده وياترى هنبقى زيهم ولا موت ياحمار

مش احنا باين بتوع الحضارة والاهرامات والتحنيط اللى محير العالم لحد دلوقتى ... يلا سلملى على الحضارة

السبب وبلا فخر فى حكومتنا

ايه يا ياض اللى انت بتقوله ده سبب ازاى بس يابنى
هما ياعم اللى طلعوا العيب فى الشعب ... قالوا احنا اللى مضيعيين موارد البلد ... ومش عارفين نستغلها ... وان احنا كام مليون وطلعوا القطط الفطسانه على اللى جابونا

طب نتكلم بالعقل
الصين مليااااااااااااار واكتر واحنا 75 مليون بس
احنا عندنا كل المواااااااارد
بترول غاز فحم طاقه شمسية فلوس بالهبل عمال على افا من يشيل
كله حاجه وربنا مش ناقصنا اى حاجة
هما معندوهمش نص اللى عندنا وبرضه احسن مننا يخربيت اهلنا


هنقول فرقونا فى التعليم ..
هقولك حكومتنا برضه هى السبب


ضيعوا هيبه التعليم بمناهج عقيمه وملهاش لزمة
شالوا سنة ساته حطوها كله نظام فااااااااااشل
ضيعوا هيبه التعليم بضياع كرامه المدرس لحد مابقى ملطشه
ضيعوا هيبه التعليم لما شجعوا الدروس لما شجعوا ان التعليم يبقى للنجاح وبس من غير استفادة لما قالوا ان التعليم الخاص احسن
بقى الواحد بيروح يشترى شهادة بفلوس ابوه
غير تنسيق الثانوية وجحيم الثانوية
عرفت دلوقتى ان التعليم باظ والسبب حكومتنا وسمعنى سلام التيت تربت تت تيت
بتوع الصين بقى بيتعلموا عشان يفهموا يطبقوا
ياراجل امتحانتهم عمليه مش دبش نظرى
اقولك على حاجة هناك ف الثانوية امتحانهم اصنع اله حاسبه .. طبعا لو قولنا كده فى مصر نجيب خبراء وعلماء ومقرئين ومفتى الجمهورية كمان

طب ده التعليم
قالت حكومتنا البلد فقيرة ..
طب باماره ايه قناه السويس ولا السياحه ولا الدهب ولا المحاصيل اللى بنزرعها ونصدرها ونرجع نستوردها
ولا البترول اللى مالى البلد ... ولا ايه بالظبط قولى فقيرة ازاى

طب الصين دى عندها زى اللى عندنا يزمتك
الوزرا بتوع بلدنا الفنانين سورى الموقرين اقل واحد فيهم عنده مليار جنيه غير العقارات
طب منين يا خالو

ماتيجى نتكلم عن الحريه احسن

لو صليت بقيت ارهابى .. لو قولت امريكا بقيت سياسى وفى المعتقل هتعرف شغلك
لو قولت بنوك سويسرا المصريه بقيت بتتكلم فى الاقتصاد وانت عارف اقتصادنا .. العالم كله بيهدد باقتصاد بلده واحنا اقتصادنا فى ازدهار
بنغلى الاسعار ليه يقولك موت من الجوع
فين المستشفيات ..موجوده بس الاجهزة بتتصنع
فين الاكل هنموت من الجوع .. يقولوا كل انت وبلاش احنا

شغلتوا الناس بالفقر عشان لانفكر ولا نخطط ولانحصل الصين ولا حتى موزبيق الشقيقه
المعونه ...
والله مافى مصرى بينتفع بيها خير اخوانا الجعانين بتوع المناصب العليا
طبعا لازم نهج من البلد ونهرب وابقى قابلنى ياهتموت غرقان فى عبارة ياهتموت برصاصه او محدوف من طيارة

تفتكروا بقى الكلام ده موجود فى الصين
والله ابدا هناك بيشجعوا على الحريه وتنميه بلدهم ومواهبهم مش احنا اللى عندنا موهبه بنطلعه امريكا ونديله جنسيه وسلملى على زويل
هناك خططوا ازاى يبقى الاوائل فى العالم .. عرفوا نقطه ضعف العالم وخصوصا مصر
وغرقونا بمنتجاتهم وبسع التراب واحنا مابنصدق وبنجرى وراهم وبنشجعهم وبنتطور منهم بدل مانطور من نفسنا
الحمد لله انى عايش لسه وسلملى على الحضارة ياابو تريكة انت وشيكابالا
بيتهيالى الفرع مش بيختل الا لو اختل الاساس ماشى ياحكووووووووووووووومه
امضاء المعتقل السياسى السابق لموضوع انت شايف ايه؟؟؟؟؟

خبينى ياهيرو بوند
ــــــــــــــــــــــــــــــــــــــــــــــــــــــ
هذا عرض لوجهة نظر احد الاشخاص والذى اتفق معه واختلف معه ايضا فليست الحكومه مسئوله عن كل شئ نحن ايضا نحتاج لحقن النشاط والحماس والاصرار .................... ولا اييييييه؟
منقووووووووووول

انا اعتقد يا ايسسو تسفرى عند اى حد من اقريبك اللى فى السويس علشان الحكومه بدور عليكى

بس ايه التوبيك الجامد دا بجد حاجه جامده مووووووووووووووووووت

بس انا اعتقد ان العيب من الناس والحكومه مش الحكومه الواحده لان الناس بردوه مأسرين لازم الناس تتحرك

جميل جدا اننا نعرض وجهات نظر الاخرين ونقول احنا معاها فى ايه وضدها فى ايه
الاجمل اننا مش نكون مقلدين وبس
يعنى زى مايقولوا نقول اّمين وخلاص وبدال مانتفرج ونمصمص شفايفنا ونقول ياعييييييييييييينى
ماتيجوا ناخد من الموضوع دا عبرة وعظة ونفكر نفكر شوية صغيرين
ونسال نفسنا سؤال واحد بس
هما بقوا كدة ازاى؟
والاجابة حنلاقيها عندنا وجوانا وحوالينا مش بعيدة عن اعيننا ولا عن متناول ايدينا
بس نفكر وصدقونى حنلاقى الاجابة
وفى جلسة البرلمان اللى جاية ياريت نتناقش فى الموضوع دا
وعلى فكرة انا عندى الاجابة والافكار والحل بس مش قايله النهاردة ولا فى الجلسة القادمة
انا عاوز اسمعه منكم انتم وبالليل نبقى ندخل المنتدى ونكمل مناقشة
وفى النهاية لايسعنى الا ان اشكر من اتى بهذا الموضوع ومن قام بالرد
بس ليا طلب واحد بس
ياريت بلاش استظراف ههههههههههههههههههه
ونهاية كلامى سلامى

طبعا مرسيييييييييييييه لمرورك ولردك


بس انا قولت ردى واعتراضى على وجهه النظر يعنى انا بره اللعبه بتاعت معاهم وعليهم
ومفيش استظراف ولا حاجه دول كانوا شويه برد وراحوا لحالهم ولا ايه يا محمد
وان شاء الله نحضر للجلسه

هههههههههه نايس توبيك يا ايسو

ثانكس لمرورك بس ده الى ربنا قدرك عليه؟!!!!!!!!

هههههه الصين غزت العالم بصناعتها

شكرا يا ايسو ع الموضوع وهو فعلا موضوع حاو ع الرغم من الفكاهه اللي فيه بس فيه فكرة وياريت تناقشوها ف جلساتكم بس مش لمجرد انكم تناقشوها بس حاولوا تنفذوا ولو جزء صغير اوي منها بجد موضوع حلو توي ومحتاج تشيع من الناس كلها

نيس توبيك

الاول نيس توبيك


وقبل ما حد يقول مصر والحكومة انتى لو بتشترى هدوم ولقيتى حاجه مصرى وحاجه مستورد عتجيبى انه فيهم

وبالنسبة للاهرامات اكتشفو ان مكتوب عليها من تحت
صنتع فى الصين

تقبلى مرورى

نيس توبيك هو موضوع جميل وفعلااااااا الصين بقت بتصنع كل حاجه دلواتى بجد حاجه فظيعه
وابو الهول اكتشفوا ان مبيتكلمش عشان باظ والصينى داه معروف
تقبلى مرورى

يا ريت الناس كلها تفهم القلتية
موضوووووووووووووووووووووووووووووووووووووع جاحد
تقبلي مروري

ثانكس لمروركوا جميعا

وان شاء الله نناقش الموضوع ده يا روزى وبتمنى من كل قلبى انك تكونى موجوده وتعملى انتى ورشه العمل عنه

انا مش عارف اقول اية بس خايف اقول ان احنا بتوع كلام بس تزعلوا ومش عاوز انافق المهم تقبل مرورى

ثانكس لمرورك يا حماده

بس ياريت توضح اكتر وجهه نظرك

عاشت يا عم الدنجاون
منورنى