عطشان يا صبايا

بقالنا اسبوعين وأكتر دلوقتى فى أزمة مياه الشرب فى قرى ومحافظات مصر ، والغريب فى الموضوع ان مجلس الوزرا ما اجتمعش ولا مرة من بداية الازمة الا بعدها بحوالى 12 يوم
وطلعوا يقولوا لينا ان الازمة فى طريقها للحل !!!! يا فرحتى ، والناس اللى ها تموت من العطش دى تعمل ايه ؟؟
انا اعرف ان الناس ممكن تستحمل الجوع بس ما فيش بنى ادم يقدر يقعد اكتر من 12 ساعه من غير لما يشرب
ولما يشرب بعد المده دى بيقربعله تلات اربع ازايز ميه
انما الغريب فى الموضوع ان ثلاث رجال الاعمال فى الامارات واميرة سعودية واخرين بيتبرعوا للمصريين بكراتين مياه معدنيه بواقع كرتونه لكل اسرة والتوزيع بيكون بالبطاقه الشخصية وكان ده فى قرية واحده بس فى بشبيش فى المحلة الكبرى
انما الخبر اللى سمعته وكنت عاوز اخش بعد ما سمعته الحمام : ان احد المسئولين يحذر المواطنين من الافراط من شرب المياه وعدم اهدار المياه واستخدامها فقط للشرب دون استخدامها فى الحمام مثلا أو الاكل او الغسيل !!!!! يا بجاحتك يا اخى واللى قال كده مسئولين من المحافظة
وبعدين السيد وزير الاسكان الذى احترمه واقدره كثيرا وعد بحل ازمة المياه فى القرى والمناطق المحرومه فى غضون خمسة اشهر !!!! يا
سيادة الوزير أحمد المغربى انى احترمك جدا واقدر مجهودك ولكنك لم تتعامل مع الازمة بطريقة تتطمئن الناس الغلابة اللى موش لاقيين يشربوا
طيب والاراضى الزراعية ها تتروى ازاى ؟؟؟ وطبعا المحاصيل اللى باظت مين اللى ها يتحمل تمنها ؟؟؟؟ طبعا الفلاحين هما اللى ها يتحملوا الخسارة وخراب البيوت
والاغرب فى الموضوع ان بعد ما وصلت عدد القرى المحرومة من المياه الى حوالى 12 قرية فى خمس محافظات ان بعد ما الناس الغلابة شافت ان ما فيش فايدة من النداءات والاستغاثات والترجى قرروا يعملوا مظاهرة واضراب جماعى عن الطعام
قوم ايه الامن فى محافظة الدقهليه يهددهم ويخيرهم اما بفض المظاهرة او الاعتقال ؟؟؟؟؟
حتى انا بكلم واحد صحبى من المحله وسالته عن سعر الميه المعدنيه قاللى الميه المعدنيه فى المحله الازازة اللتر بتتباع بسعر 3 جنيه وفى اماكن تلاقيها بخمسه؟؟؟ والكلام على لسان اللى قاللى موش لسانى انا
عجبت لك يا زمن
حتى الميه موش لاقيين نشربها وبنتسول الميه من رجال الاعمال الخليجيين والعرب ؟؟؟؟؟
وأصبح لسان حالنا بيقول دلوقتى : خلى الغلابة يدوقوا و يشربوا الميه المعدنيه


وقال ايه المياه فى الدلنجات قاطعه 3 ايام بدون اى تنبيه

bosbos


www.delengat.ahlamontada.com

معلش يا بيسو اشرب من البحر
وابقي ادخل علي جزء اعرف محافظتك

فعلا مشكله المياه دي بقت مشكله كبيره والمياه عالطول سوداء طول اليوم ولو مش سوداء قاطعه بقالها كذا يوم علي كده وما فيش قدام الناس غير المياه المعدنيه و دي مشكله مش محتاجه حد يهتم بيها شويه محتاجه حد يهتم بيها كتير تقبل مروري

مرسى لمروركم

وفعلا عندك حق يا دينا

[/size][rand][/rand]الاول انا بشكر باسم كتيييييييييييييييير خاااااااااااااااااااالص


لمجهوده الحلو
ده

بس على راى المثل
لو صبر القاتل عالمقتول كان مات لوحده وعلى راى الكابتن من هنا للعيد مش بعيييييييييييييييييييييييييييييييييييد

ههههههههههههههه
والله حاجة غريبة دا احنا عندنا نهر النيل اللى الدول بتتهافت عليه عشان توصل منه فروع ليها واللى ياخد من ميائه
طيب ازاى تكون فيه مشكلة ف المياه واحنا عندنا الخير دا
الخير بتاع النيل اللى كان سبب اساسي ف حضارة مصر العظيمة دي
والله حاجة غريبة وانا بستغرب جدا ع الموضوع دا
يلا هو المصري دايما موعود كدا
موعود بالغلب والشقاء والهم وكمان نقص الميه

يارب تكون الميه رجعت يا بيسو

عشان متتظرظرش علينا كده