ارم سلاحك "السيجارة" ..... القاتل البطيء

يا من يريد دمار صحته و يهوى الموت منتحرا بلا سكين
ابشر فان مثلك واجد كل ما يرجوه في التدخين
قد اصبحت بجهلك لصانع تلك السموم خير معين
تعطيهم المال الذي لولاه لم يستطيعوا كيد هذا الدين
فاهنأ بما حققت للشيطان من نصر و للاعداء من تمكين

التدخين مضر جدا بالصحة و يسبب الوفاة
التدخين يسبب امراض القلب و الشرايين

كلام اتقال و بيتقال و حتى مكتوب على علبة السلاح
طب يقولولك ايه تاني ده ناقص السيجارة تصوت و تقولك حقتلك
حرام عليك بتخسر نفسك بايديك
و ده سببه ايه ....ضحكوا عليك لما قلولك دي رجوله و وجاهة
و ضحكوا عليكي لما قلولك برستيج

كسبت اللي قالولك عليه!!!!!!
ضحكوا عليك
انت خسرت مالك و وقتك و صحتك و نفسك و ولادك و دنيتك
طب ما تلحق اخرتك

شوف نفسك شكلك ايه و ايه رأيك في شكلك وانت عمال تحرق في نفسك
مثير للشفقة
طب ايه رأيك تروح قدام ربك و انت سيجارتك في ايدك
قدام ولدك كنت بتخبيها طب قدام ربك لو جدع خبيها

تحب تموت ازاي
منتحر بسيجارة و خد بالك من مات على شئ بعث عليه يعني حتبعث بسيجارتك
ولا تموت بحسن خاتمة و كل نفس شربته متحول لحسنات

بايدك تختار دلوقتي
انت مؤمن .......ولا مدمن
انت عضو في جمعية القاتل البطيء ....ولا عضو في امة النبي
ومش محتاجة افكرك بان "من قتل نفسا بغير نفس او فسادا في الارض فكانما قتل الناس جميعا"

ارم سلاحك و سلم نفسك لله
بطل سجاير و انت ان شاء الله حتاخد على كل نفس تبت عنه حسنات
او متبطلش .... و موت منتحر و احرق نفسك بايدك
خليك كده عايش عبد ذليل للسيجارة شوية دخان
معمول من مبيدات و منظفات
و برافو ضحكوا عليك

لو قلت انا حر ..
حقولك اذا كان من حقق ان تدخن ...فمن حقي ان استنشق هواء نظيف
طبعا لو قلتلك خد سكينة و اقتل بني ادم حتقلي لا مقدرش
حقولك انت بتدبح كل اللي حوليك و بتدبح اولادك بدخان حقير قدروا يضحكوا بيه عليك

عايز تنتحر انت حر بس بعيد عنا
متقتلناش معاك

روح في غرفة مغلقة زي اللي عنده وباء و اشربها
و خليك عبد للدخان و خليك مدمن مسلوب الارادة و خليك قاتل
و مت منتحر
مش هو ده اللي انت عايزه !!!!!!!
خليك اقوى منها
و قول كلمة حق
قول للدخان لا