الطريق

بعدنا عن الطريق المطلوب

طريقنا بقى كله طوب في طوب

ماشين فيه ونفسنا منه نتوب

ونرجع ونقول كله مقدر ومكتوب

ليه نتعب نفسنا ونحسب في المحسوب

ونتوه جوه مغارات ودهاليز ودروب

وتظلم الدنيا علينا ويختفي طريق الهروب

ويضيع حلمنا الوردي وفي همنا نقعد ندوب

يازمنا ماتفهمنا وتقولنا ايه هوة ده المللعوب

حقنا ليه دايما بقى رايح كده مننا منهوب

حلمنا بقى رايح مننا يادنيا كده مسلوب

وبنندم على حالنا في كل شروق وغروب

احزان مشاكل وهموم بقت لينا زي المشروب

ده اللي بايعنا ومضيعنا لقلبنا يادنيا محبوب

واللي شارينا ومقدرنا للأسف لقلبنا مش مطلوب

خير شر صديق عدو كله بقى معانا بالمقلوب

قلبنا خلاص من الأساس يا دنيتنا منك مرعوب

ضحكتي علينا يا دنيا بحته حلم طلع مضروب