صفر جامعة حلوان

١٠٠٠ طالب وطالبة فى الفرقة الرابعة بكلية التجارة وإدارة الأعمال جامعة حلوان تقدموا بشكوى جماعية إلى رئيس الجامعة الدكتور عبدالله بركات، اتهموا فيها أستاذ مادة «محاسبة التكاليف» بـ«تعمد إسقاطهم» فى مادته، وحصول أكثر من ٤٠٠ طالب منهم على درجة «صفر»، رغم حصولهم على تقديرات عالية -حسب الشكوى- فى باقى المواد. قال الطلاب فى شكواهم إنهم قدموا عدداً من التظلمات والالتماسات، ولكن «لم ينظر إليها أحد».

وأضافوا «توجهنا إلى دكتور المادة نفسه لنعرف منه أسباب هذا الرسوب، لكنه رفض الاستماع إلينا، بل صدر منه ما يؤكد أننا إذا دخلنا الدور الثانى (دور سبتمبر) لن ننجح فى مادته، بمعنى أن من رسب سوف يعيد المادة العام المقبل»، مشيرين إلى أنهم لا يريدون سوى حقهم ورفع الظلم عنهم حتى إذا اضطروا إلى توصيل الأمر لرئيس الجمهورية.

وقال الدكتور عبدالله بركات، رئيس جامعة حلوان، «مجلس الكلية شكل لجنة لدراسة موضوع الطلاب، وسوف أعلن ما توصلت إليه من نتائج خلال أيام»، مشيراً إلى أن أستاذ المادة قال إنه لا يستطيع أن يتعمد إرساب طالب وهو يستحق النجاح.

وده مش بس في جامعة حلوان لكن بنواجه الحاجات دي في جميع الجامعات المصرية

مثلا جامعة طنطا

انا وناس ياما فيها مش عارفين نقيموا النجاح في الجامعة بمعني ان اي حد بينجح واي حد بيرسبلكن ازاي بنجح وزاي بسقط دي حاجة في علم الغيب وعلي حسب الدكتور مثلا في مادة السنة اللي فاتت كان واحد صاحبي حل فيها سؤال واحد من الامتحان وسبحان الله نجح فيها اما مادة المنظمات الدولية بتاعت سنة اولي علشان الدكتور بتاعها مش بيدي تقديرات فا 3/4 من الدفه معدوش فيها وفي بقا اللي طلع سنة رابعة ولشة معاه والحاجت دي

اما عن اللي بينجحوا فيها تيجي تسالهم ازاي بتنجحوا يا جماعة الرد المعروف (الله اعلم)

احنا بندخل الامتحام ربنا كرمنا وطلعنا ورق نحل منه الامتحان او ان كرم ربنا كان زيادة شوية يبقي بنقعد جنب واحد مذاكر ونتعامل معاه بدل من اننا بنطلع ورق والكلام ده وبعد كدة بننجح بقا ازاي الله اعلم اهم حاجة اننا نكتب حتي لو كتبت اغاني انت اكتب العناصر وبعدين اكتب اي حاجة المهم اول سطرين يا جماعة ودي نصيحة حاول اول سطرين يكونوا من الكتاب بعد السطرين اكتب اغنية هيفاء وهبي بعد هيفاء نعيد السطرين تاني وبعدين بقا ياريت نعمل ميجا مكس لعمرو دياب وبعدين نعيد السطرين تاني لو سمحتوا

كدة يبقي امتياز ان شاء الله ومش بعيدة تدرس مكان الدكتور لو كانت اغنية هيفاء اللي بيحبها اللي موجودة

نيجي بقا لاسيوط

جامعة اسيوط يا جماعة من اجمد الجامعات في مصر بامانة نظام اوروبي في كل حاجة ما عدا التصحيح

تلاقي الدكتور داخل المحاضرة في ميعاده ويقعد يقول يا جماعة متقلقوش من حاجة انا بالقي ورقة الواحد منكم شكلها كدة صح بنجحها علي طول لو حتي كان جايب ضعيف جدا

المهم انك تحب المادة بتاعته وتذاكر وتقول انا كدة ضمنت المادة وتلاقي اخر السنة نفسك طالع بيها
بس في فرق معلش يعني ده لطلاب الانتساب والمغتربين اما الانتظام بقا حاجة تانية خالص بامانة
كل ما عليك فعله هو كتاب ورقة الاسئلة في كراسة الاجابة ومش لازم تتعب نفسك وتنقل ورقة الاسئلة كلها لا ممكن تكتب سؤالين بس كفاية وجيد احسن من مقبول وها مرضي يا عم

اما الانتساب فشوف انت ساقط ساقط لان نسبة سقوط الكلية بتتطلع من الانتساب بس وهما عددهم كام يعني فا عادي لما يسقط كل دفعة الانتساب ما عدا ابن الدكتور وابن اختة وبنت بنت بنت اخته وواحد كان معدي من قدام البيت عنده دول مش مهم لاكن بقيت الدفعة دول بيدفعوا 500 جنيه يا عم الحاج يعني بيجيبوا فلوس حلوة حلوة يعني

وفي النهاية

اولا

انا اتكلمت عن الجامعتين دول بس لاني انا شوفت نظام التعليم فيهم اما الباقي انا ماقدرش اتكلم عنه الا لما اشوف مع اني عارف ان اللي بيحصل هنا بيحصل هنا بس برضو يعني

ثانيا

انا كتبت بالغة العماية علشان اخواننا اللي مش بيفهموا اللغة العربية ومفكرين نفسهم بيفهمو انجلش بس ادي اللغة العامية اهي

ثالثا

انا مش عايز حد يقلق خالص من التعليم العالي يا جماعة احنا عندنا احسن جامعات في العالم واحسن اساتذة والوزارة يا جماعة بتعمل علي مص دم الاهالي يبقي نقلق فين بقا

وعلشان القلق الزايد ده في نصف جنية لكل طالب في الجامعات المصرية يالا علشان تجيبوا عسلية وانتم مروحين

تحياتي

DOODYMASTER

ههههههههههههههههههههههههه ده تهريج ده موش تعليم ده سوق خضار بس كله فيه على بركه الله وموش بيتباع فيه غير الكوسه كوسااااااااااااااياا كوسكوسه

خد بالك من نفسك
وامشى جنب الحيط يحتار عدوك فيك
مش معنى انك برلمانى يبقى تعض فى الحكومة
هههههههههههههههههههههههههههههه

ههههههههههههههههههههههههههه
احنا لينا حق النقد والاعتراض والتذمر من غير حتى البرلمااااااااان بس اهم حاجه انكم متبوعونيش لما نروح ان الدنه

المفروض نراعي الحفاظ علي سرية الكاتب لانه دة ممكن يضره بشكل كبير خصوصا انه لسةبيدرس في حقوق طنطا.يعني اي معلومات عن اللي بيقول رايه لازم يكون موافق انها تتقال عنه.وعلي فكرة انا نفسي واجهت حاجات شبيهة باللي بيقول كانت في ناس في كليتنا_جامعة اسكندرية_ مش بيحضروا خاااااااااالص وبيجيبوا تقدير بين جيد وامتيازمنهم كانت حظ مش اكتر ومنهم قرايب الدكاترة لدرجة ان في بنت كانت معايا في لجنتي النظري كنت نشوف اسمها ناجحة كل تيرم بس ماتشرفت بمعرفتها .الانسة كانت بتيجي متاخرة وبتمشي اول واحدة في اللجنة...اول مرة نشوفها في امتحانات عملي سنة رابعةوعرفت انها اشتغلت في مدرسة مشهورة في اسكندرية..عقبال الساااامعين........وبعدين اكبر دليل علي صحة كلامه وانه مصادره صحيحة ان جميع الجامعات المصرية خرجت ولأول مرة في تاريخها من انها تصنف ضمن افضل 500جامعة علي مستوي العالم وان اسرائل دخلت 13 جامعة فيها ضمن التصنيف.........عظيمة يا مصر يا أرض اللواء............

اوك يا باشا مرسى بجد على وجهه نظر السليمه وانا اسف جدااااااااااااااااااااااا

than.................................x

eshm3na gam3et asyot we gam3et tanta ya gnede

«

°·.¸

ghoost ScOrPiOn

¸.•°°

»

بالظبط هوه ده كان قصدى بس اتقلبت هزار والله نفس الكلام كان فى دماغى وكنت بقولهم كده بس همه مصدقوش

ماشى يا سياده الوكيله طبعا انتى عمرك مبتقولى حاجه غلط

زائر

نيس توبيك