بعد شئ من الاحتراف روزيتا على كرسى الاعتراف

مع تحيات
bosbos

هبدا ببعض الاسئله الخفيفه واكمل بعدين

1-مجموعك السنه الى فاتت
2-اهلاويه ولا زملكاويه
3-بتحبى الدلنجات
4-ايه شعورك وانتى بتتفرجى على برامج التوك شو وجرايد المعارضه

5-ايه شعورك وانتى بتقرى جرايد مصر القوميه

6-ما هو انطباعك عن البرلمان


7-هل الان تفكرين فى حضور جلسات البرلمان ولو لجلسه واحده

8-اكتر حاجه بتحبيها فى شخصيتك

9-اكتر موقف احرجك

10-بتخافى من حد
11-اكتر مدرس بتحبيه فى الاعدادى

12-مدرسه

ايه الى كان نفسك تعمليه او على بالك لما نزلتك كرسى الاعتراف13-

انا قلت شويه اسئله وهكمل بكره فى الساخن شويه

استنونى فال ونواصل

هاي روزيتا دي بقي اسئلتي ليكي

ياريت تجاوبي بصراحة وياريت اسئلتي متخنأكيش

1- اسمك

2- سنك

3- تاريخ ميلادك

4- هواياتك

5- مجموعك في سنه سته

6- مجموعك في سنة تالته

7- نفسك تطلعي ايه

8- نفسك تبقي ازاي

9- ايه اكتر صفة حباها في نفسك

10- اكتر صفة كرهاها في نفسك

11- اكتر صفة حساها فيكي

12- اوصفي في كلمتين ، وبيمثلك إيه الأتي :

* روزيتا

* متمس

* ايسو

* بيسو

* انا

* مدرس تحبيه ( مع ذكره طبعا )

* مدرسة بتحبيها

* زميلة جامدة ليكي

* صديقة جامدة ليكي

* ممثل بتحبيه

* ممثلة

* مغنية

* مغني

مكان بتحبية

* الحب

* الجمال

* الانسانية

* الدلنجات

* مصر

* الرومانسية

* زمايل الابتدائي

* زمايل الاعدادي

* الثانوية من قبل ما تدخليها

* الواقعية

* الذكاء

* الدنيا

* دينك

* شخص بتحبيه

* قدوتك

* البرلمان

13- ليه مش راضيه تيجي البرلمان

14- نفسك تيجي البرلمان

15- مقتنعه اساسا بفكرته

16- حاسه انه عامل ازاي من قبل ما تشوفيه

17- انطباعك عنه ايه

19- وجهة نظرك عنه ايه

20- الاول عارفة ايه الفرق بين وجهة النظر والانطباع الاول

21- لو عارفه يبقي تردي علي الكام سؤال اللي فاتوا دول بصراحة

22- لو مش عارفة يبقي لانك محضرتيش جلسات البرلمان ولو عايزه تعرفي الفرق يبقي ادعيكي للبرلمان

23- تعرفي ايه عن الميتافزيقا

24- بما انك بقي عارفة نفسك كويس قوليلي عن :

* حد بيحتويكي

* قوليلي بقه موقف احرجك اوي

* وموقف زعلك اوي

* وموقف حسيتي قيه انك انسانة جدعة

* حد ان في حد بيحبك من نظراته او باهتمامه بيكي مثلا

* انتي راضية عن نفسك

* شايفة ان متمس هي دي صاحبتك ولا عايزة تدوري علي حد تاني

* لو قلتلك شخصيتك تشبه شخصية حيوان تبقي ايه / وليه

* ولو تشبه شخصية ممثل يبقي مين / وليه

* فيلم حاسه ان انتي بطلته فعلاً / هوا ايه / وليه

* اغنية بتعبر عن حياتك هيا ايه

* قوليلي بقي طموح نفسك يتحقق

* طموح كان نفسك يتحقق ومتحققش

* طموح كان نفسك يتحقق واتحقق

* طموح طموح نفسك يتحقق وحاسه انه مش هيتحقق

* طموح كان نفسك فيه وكنت متوقعة مية في المية انه مش هيتحقق والحمدلله تحقق

* طموح كان نفسك انه يتحقق وانتي متاكده انه هيتحقق وللاسف متحققش

* الاول عارفه يعني ايه طموح

* لو عارفة يبقي تجاوبي عن اللي فات بصراحة

* لو مش عارفة انا بدعيكي تيجي تحضري جلسات البرلمان

25 - نفسك ايه يحصل للدلنجات

26- عاجبك ايه في الدلنجات

27- حاجة مش عجباكي في الدلنجات

28- نفسك تعيشي هنا ولا في حتة تانية غير الدلنجات

29- نفسك تعيشي فين غير الدلنجات

30- انتي ليه مشتركة بالمنتدي

31- هل البرلمان للرجال فقط

32- لما انتي معلوماتك محدودة عن البرلمان مسالتيش ليه

33- لو سالتي اي حد في البرلمان وعرفتي هوا بيمثله ايه ممكن تشتركي فيه ولا لا

34- لو عرفتي ان البرلمان بيمثلي وبيمثل لباسم وميدو وايسو وغيرهم انه بقي حاجة بتجري في دمنا دا ميشوقكيش انك تشتركي فيه

35- حبيتي قبل كدا

36- لو حبيتي حبيتي كام مرة

37- لو لا ليه هل انتي بترجعي تقولي لا دا دي مراهقة ومينفعش ولا ملقتيش اللي يستاهل كدا ولا ايه

38- لو حبيتي تعملي ايه

39- ممكن تصارحي اللي بتحبيه دا بحبك

40- ممكن لو هوا صارحك تقبل كلامه ولا تصديه

41- لو انتي حبيتي واحد وعرفتي انه بيحب حد تاني تعملي ايه

42- لو عرفتي انه اللي بيحبها دي انتمتك تعملي ايه

43- ولا متفرقش معاكي المهم انه حب غيري وخلاص

44- لو واحد مش بيحبك اتصل بيكي وقالك انه بيحبك تعملي ايه

45- ايه رايك في شبابا الدلنجات

46- وبنات الدلنجات

47- اكتر حاجة حباها في بنات وشباب جيالك

48- واكتر حاجة كرهاكي

49- نفسك يبقوا ازاي

50- بتؤمني انه في صداقة بين ولد وبنت

51- قوليلي بقي اغنية بتحبي تسمعيها اوي

52- فيلم عربي

53- فيلم اجنبي

54- مسلسل عربي

55- مسلسل اجنبي

56- حاسة بايه وانتي علي الكرسي

57- هل جاوبتي بصراحة ولا لا

58- لو لا طيب جاوبتي بصراحة بنسبة كام في المية

59- اكتر سؤال عجبك في اسئلتي

60- اكتر سؤال معجبكيش او احرجك

61- سؤال كنت خايفة منه ولقتيني بسالهولك

62- سؤال كان نفسك اني اسالهولك ، هوا ايه وجاوبي عنه

63- مين اكتر واحد حسيتي انه جاوب بصراحة في التلاته اللي وقعوا دول

64- اكتر واحد عجبك اسئلته

64- واحد كان نفسك تساليه كمان بس ملحقتيش

64- واحد كان نفسك تساليه بس اتحرجتي منه

65- واحد نفسك تساليه بس لسه موقعش في الكرسي

66- حسيتي انك اتهريتي اسئلة

67- ممكن توقعيني عشان الاسئلة اليامه ديا

68- نفسك توقعي مين

69- عايزة اسئلة كمان

70- اتحرجتي من اسئلتي ولا لسه

71- تقوليلي ايه بعد الاسئلة دي

سلام بقي يا روزي

72- رديتي السلام ولا ملكيش نفس

حرام عليك يا احمد براحة شوية على روزي
بس مش معنى كده اني مش هسالها
هسالك برده يا روزي بس لما اجمع شوية اسئلة جامدة

طبعا هو كفاية عليكي اسئلة باسم واحمد بس مينفعش لازم اسالك بئة وكله على الله
1/بتحسي بإيه اول ما تدخلي المنتدى؟

2/زعلتي مني كام مرة ولا هم كتير؟

3/ اخر مرة بامانة لسه زعلانة ولا صافي يا لبن؟

4/ايه اكتر حاجة بتضايقك فيا؟

5/بتحبى نفسك وراضية عنها؟

6/بتعملى اللي عليكى لما بتذاكري ولا ساعات ساعات؟

7/بتحسي اني مجنونة وطايشة ولا لا؟

8/بتحسي انك مجنونة وطايشة ولا لا؟

9/شايفة اننا متفقين في حاجات كتير زي ما العضو دينا بتقول ولا لا؟

10/فاكرة اول مرة عرفنا فيها بعض؟

11/بيمثلك ايه مدرسين الابتدائي؟

12/بتحبي نفسك وراضية عنها ولا لا؟

13/تقولي ل مين؟
*بحبك وحشتيني؟
*ارجعلك يعني حرق الدم
*بعدك عني انتحار

14/ لو جبتلك عصير فيه سم تشربيه ولا لا؟

15/نفسك توقعيني ف كرسي الاعتراف ولا لا؟

16/ اسئلتي تقيلة ولا خفيفة عليكي؟

17/كان فيه سؤال كنت متوقعة اسالهولك ومسالتوش

18/لو اه ايه هو؟ وجاوبي عليه؟

توقعي مني اسئلة كمان قريب

انا عندي شوية اسئلة
ايه شعورك تجاه تصرفات اخوكي ؟
و ايه رائيك في صحابه ؟
ليه مش بتيجي البرلمان انت و اخوكي؟
ايه اكتر موقف زعلك ف حياتك؟و ايه المقف اللي فرحك ؟
احسن مجموع جبتيه كان كام؟
وليكي ف الكورة و لالا؟
ومين اكتر شخصية بتحترميها ف المنتدي؟
ايه شعورك تجاه
متمس
احمد رحانة
باسم
و انا؟
بتحبي تاكلي بره البيت ولا لا ؟
ايه اكلتك المفضله ؟
بتحب تمارس اي رياضة؟
ممكن تيجي البرلمان بعد كده و لالا؟
انت نفسك تطلعي ايه؟
وهل ده في حد بيعارضك عليه؟
بتابعي المنتخب؟
وايه فرصته في التاهل للمنديال ؟
ايه رائك في الدوري السنة اللي فاتت؟

علي فكرة يا باسم هي اكيد اهلوية

اولا هرد ع اسئلة باسم بس يا جماعة خليكوا حلوين وبلاش اسئلة محرجه

1-مجموعك كام السنة اللي فاتت؟255 تقريبا
2-اهلاوية ولا زملكاويه؟ انا بشجع منتخب مصر
3-بتحبي الدلنجات؟ هو انا مكنتش بحبها اوي كانت بلد عادية بس فعلا بقيت احبها جدا
4-ايه شعورك وانتي بتتفرجي ع برامج التوك شو وجرايد المعارضه؟انا مش بتعجبني برامج التوك شو اوي ومبقراش جرايد غير بالصدفة لما يبقى ليا مزاج
5- ايه شعورك لما بتقري جرايد مصر القومية؟ انا مش بقرأ جرايد كتير بس لما بقرأ جرايد بحس ان مصر لسه بخير
6-انطباعي عن البرلمان..انه كويس ومفيد بس انطباعي مكملش لاني معرفش حاجات كتير عنه
7-هل الان تفكرين فى حضور جلسات البرلمان ولو لجلسه واحده؟ انا اتمني بس مش هينفع
8-اكتر حاجه بتحبيها فى شخصيتك؟ اني طيبة بس سعات الطيبة دي بتتقلب عليا وكمان بحب فيا ان انا بسمع اللي قدامي كويس
9-اكتر موقف احرجك؟ هو موقف بصراحه يضحك بس هو احرجني وقتها هو ان احنا كنا خارجين من درس العلوم السنه اللي فاتت تقريبا وكانت مجموعتنا ولاد وبنات وكان فيه ولد معانا عايز يدفعلنا فلوس التصوير وكان عمل الحكاية دي قبل كده واحنا عديناها واحنا رفضنا انه يدفع وهو رفض انه ياخد فلوس فقومت انا رحت احط الفلوس عند مكنة التصوير وانا جاية اخرج اتكعبلت ف حاجه ف الارض وكنت هقع بس ربنا ستر
10-بتخافى من حد؟ لامظنش غير ربنا طبعا (انا مش بخاف من حد انا بخاف ع شعور كل الناس مش بخاف منهم)
11-اكتر مدرس بتحبيه فى الاعدادى؟ الاستاذ محمد لويزي طبعا
12- مدرسة؟ مس ناديا
13-ايه الى كان نفسك تعمليه او على بالك لما نزلتك كرسى الاعتراف؟ مفيش حاجه معينة

نيجي بقى لاسئلة احمد فرحانة وهي كتير جدا بس مش مشكلة
1- اسمي ؟ ؟؟؟
2-سني ؟ بتاريخ النهارده 19/7/2009 يبقى 15 سنه و 4 شهور و 18 يوم .
3- تاريخ ميلادك؟ 1/3/1994.
4-هواياتك؟ الرسم , سماع الاغاني الومانس واحزينه , اني اتعلم لغه جديده بس الهوايه دي مش دايما
5-مجموعك ف سنه سته؟ فعلا مش فاكراه (الزهايمر بقى)
6-مجموعك في سنه تالته؟ 279
7-نفسك تطلعي ايه؟ مهندسة ديكور
8-نفسك تبقي ازاي؟ من ناحية ايه بالظبط وضح شويا
9-ايه اكتر صفة حباها في نفسك؟ الطيبة
10-اكتر صفة كارهاها في نفسك؟ اني مش عارفه انا عايزة ايه باظبط يعني متحيره ع طول
11- اكتر صفة حساها فيا؟ الرومانسية اوي والكونترول الاوي اوي ع نفسي
12- اوصفي ف كلمتين
--- روزيتا <<<طيبة وغلبانه ومجنونه ف نفس الوقت
--- متمس<<< صحبتي طبعا من زمان جدا وعاقله لدرجه كبيره
---ايسو<<< انا معرفهاش اوي بس حاسه انها جدعة اوي
---بيسو<<<طيب وصاحب صحبه
هكمل بعدين

معلش هتقل عليكى شويه هكمل الاسئله


1-بتحسى بايه اتجاه

مصر
الدلنجات
البحيره

الاغانى
الافلام الاجنبى

السجاير
الحب
الرومانسيه

عائله الحداد

اصدقائك
المنتدى

2-اوصفى فى كلمتين

مصر

متمس

ادمين

ايسو

ابو تريكه

منتخب مصر

الزمالك
الجهلى

الرومانسيه

3-كم مره اعجبتى بحد او حبتيه


4-بتحبى حد ولا لا

5-مين هدير الى انتى بتقولى عليها دى عشان انا مش فاهم حاجه

6-افضل فيلم عربى بالنسبالك

7-افضل سنه عشتيها فى المدرسه

8-نفسك تعيشى فى سنه كام

9-الشارع بيمثلك ايه

10-عندك الجراءه انك تنزلى تتمشى فى الشارع الساعه 4 بالليل

11-اكتر حاجه بتعصبك

12-مواصفات شريك حياتك


13-حاسه ان فى حد بيخلص فى الحب الزمن ده

14-تعرفى ايسو منين

15-قوليلى اول يوم قابلتى متمس اتصاحبتم ازاى


16-فى سؤال كان نفسك اسالهولك او توقعتى انى اساله

لو فيه ايه هوه وجاوبى عليه


17-ليه مش بتحبى الشات والايميل


18-عندك الثقه فى اعضاء المنتدى الى بيكلموكى عليه ولا لا

19-ليه محسسنا ان شباب الدلنجات كله فاسد

20-بنات الدلنجات معظمهم ***** عندى حق ولا لا

21-عمرك بعدتى عن صديقه ليكى بمجرد انك عرفتى انها بتكلم شاب ولا نو




ارجو ان الاسئله تكون خفيفه
بس فعلا هيا مش خفيفه
بس انتى احرجتينى لازم ارضهالك

معلش بقى





bosbos

احمد فرحانه<<< انطوائي شويه وعاقل
مدرس بحبه ؟ محمد لويزي
مدرسه ؟ مس ناديا
زميلة ليا جامده ؟ بدون ذكر اسماء هي واحده بجد بعشقها وهيا طيووبه جدا
صديقة جامده ليا ؟ هما اتنين متمس و واحده تانية بس مش هذكر اسمها
ممثل بحبه؟ احمد حلمي والسقا و برات بيت وجورج كلوني واحمد عز طبعا
ممثلة ؟ منى زكي و غاده عادل

مغنية طبعا فيروز و بعد كده جنات واليسا واصاله
مغني ممكن فضل ووائل جسار و lionel richie
مكان بحبه؟ اي مكان ببقى فرحانه فيه و هما مش كتير بس اكتر الاماكن عند خالتو ولما ببقى ف الكس
الحب اجمل شئ ف الدنيا بس للي يلاقيه
الجمال يعني الطبيعه
الانسانيه هي المفروض حاجه موجوده ف كل الناس بس بدات تقل واحتمال تنقرض
الدلنجات بلدي
مصر ام الدنيا طبعا
الرومانسيه اجمل احساس واجمل حاجه ف الدنيا بس من غير ماتزيد عن حدها
زمايل الابتدائي معظمهم صحابي دلوقتي
زمايل الاعدادي كل يوم بيزيدوا
الثانوية قبل ما ادخلها مرحلة جديده يارب تبقى حلوه
الواقعيه هيا حلوة بس الحلم احلي
الذكاء عند كل الناس بس الذكي بجد هو اللي يستغله ويوجهه للصح
الدنيا حلوه
ديني علاقتي بربي
شخص بحبه اختي
قدوتي اختي
البرلمان فكرة جديده وحلوة وان شاء الله مفيده
مش راضيه اجي البرلمان لانه no comment
نفسي اجي البرلمان؟ فعلا نفسي
مقتنعة اساسا بفكرته؟ هو انا مهتمه بس لازم اعرف اكتر عنه
حاسه انه عامل ازاي قبل ماتشوفيه؟ بصراحه مش حاطاله تخيل
انا مستنيه تقوللي الفرق بين وجهة النظر والانطباع عشان ارد

تعرفي ايه عن الميتافزيقا؟ ولا الهوا
بص هو انا مش عارفه نفسي كويس اوي بس هجاوب
حد بيحتويكي ؟ مش دايما
موقف احرجني ؟ انا قولته فووق
موقف زعلني اوي ؟ موقف عملته متمس بس مش لازم احكيه عشان فعلا زعلني
موقف حسيتي فيه انك انسانه جدعه؟ انا بحس اني جدعه لما بساعد حد من صحابي بانه يشيل الزعل شويه وياخد شويه امل
حد ان في حد بيحبك من نظراته او باهتمامه بيكي مثلا؟ no comment
انتي راضيه عن نفسك ؟ الي حد كبير
متمس فعلا صاحبتي ومش محتاجه ادور ع حد تاني لان كتييير اوي صحابي بس متمس صحبتي فعلا ومن زمان كمان ولا ايييه يا متمس
لو قلتلك شخصيتك تشبه شخصية حيوان تبقي ايه / وليه؟ بصراحه مفيش حاجه جاية ف بالي دلوقتي بس هبقى افكر فيه واشوف كده
ولو تشبه شخصية ممثل يبقي مين / وليه؟ لا مفيش حد بيشبهني ممكن كذا حد فيه حاجات بسيطة فيا لكن مش حد معين

فيلم حاسه ان انتي بطلته فعلاً / هوا ايه / وليه؟ابو علي لاني بحبه جدا واحساسه عالي او ممكن احلام عمرنا
اغنية بتعبر عن حياتك هيا ايه؟ هتستغرب شويه هما اغنيتين الدنيا حلوة لنانسي واغنية محدش حاسس بيا لتامر
قوليلي بقي طموح نفسك يتحقق؟ ابقى مهندسة ديكور
طموح كان نفسك يتحقق ومتحققش؟ مفيش لغاية دلوقتي
طموح كان نفسك يتحقق واتحقق/طموح طموح نفسك يتحقق وحاسه انه مش هيتحقق

* طموح كان نفسك فيه وكنت متوقعة مية في المية انه مش هيتحقق والحمدلله تحقق

* طموح كان نفسك انه يتحقق وانتي متاكده انه هيتحقق وللاسف متحققش
لسه ده كلة متحققش ومحصلش
الاول عارفه يعني ايه طموح؟ انت شايف ايه

- نفسك ايه يحصل للدلنجات؟ ان الدلنجات متبقاش زي ماكتير مفكرنها يعني البلد اللي مدخلهاش ميه وكهربا زي ما مدير اكتر قال
عاجبك ايه في الدلنجات؟ انا شايفة ان الدلنجات اتطورت لحد كبير غير كده شايفة ان شباب وبنات الدلنجات اذكية جدا
حاجة مش عجباكي في الدلنجات؟ بعض الناس هما اللي مش عاجبني
نفسك تعيشي هنا ولا في حتة تانية غير الدلنجات؟ مش فارقه كتير هتبقى ع حسب الحتة اللي هقعد فيها وع حسب الشخص اللي هعيش معاه
نفسك تعيشي فين غير الدلنجات؟ ممكن اليكس او اسبانيا لو بره مصر خالص
انتي ليه مشتركة بالمنتدي؟ ايه عايزني الغي عضويتي
هل البرلمان للرجال فقط؟ لاطبعا
لما انتي معلوماتك محدودة عن البرلمان مسالتيش ليه؟ عشان كنت داخلة ف البداية عشان التسليه بس
لو سالتي اي حد في البرلمان وعرفتي هوا بيمثله ايه ممكن تشتركي فيه ولا لا؟ انا اتمني بس لازم حد يبقى معايا وخاصة من صحابي وده صعب
لو عرفتي ان البرلمان بيمثلي وبيمثل لباسم وميدو وايسو وغيرهم انه بقي حاجة بتجري في دمنا دا ميشوقكيش انك تشتركي فيه؟ نفس الرد اللي فات
هكمل بعدين































l

ورجعت تاني
حبيتي قبل كدا؟ ولا مرة(وغريبه عمره مادق)
لو لا ليه هل انتي بترجعي تقولي لا دا دي مراهقة ومينفعش ولا ملقتيش اللي يستاهل كدا ولا ايه؟ الاتنين

لو حبيتي تعملي ايه؟ مش هعمل حاجه هعيش حياتي عادي بس هبقى سعيدة
ممكن تصارحي اللي بتحبيه دا بحبك؟ولا يمكن طبعا
ممكن لو هوا صارحك تقبل كلامه ولا تصديه؟ هيا محصلتش بس لو حصلت ابقى اقولكم
لو انتي حبيتي واحد وعرفتي انه بيحب حد تاني تعملي ايه؟ ساعتها القلب ومايريد بقى
لو عرفتي انه اللي بيحبها دي انتمتك تعملي ايه؟ مش هو اللي حبها يبقى هيا ملهاش زنب بس طبعا هزعل بس مش هعمل حاجه
ولا متفرقش معاكي المهم انه حب غيري وخلاص؟ اكيد هتفرق بس برده مش هعمل حاجه في حاجه اسمها كرامه ومش ممكن هفرض نفسي ع حد مهما كان
لو واحد مش بيحبك اتصل بيكي وقالك انه بيحبك تعملي ايه؟ ممكن اقوله النمرة غلط يا روميو
ايه رايك في شبابا الدلنجات

؟ماشاء الله كويسين رغم انهم مش كلهم كده
وبنات الدلنجات؟ اللي انا اعرفهم كويسين اما الباقى بصراحه معنديش خلفيه
اكتر حاجة حباها في بنات وشباب جيالك؟ ممكن المنافسه
واكتر حاجة كرهاكي؟ قلة الادب
نفسك يبقوا ازاي؟ نفسي يبقوا احلي ناس ف الدنيا
بتؤمني انه في صداقة بين ولد وبنت؟ ممكن بس صعب اوي اوي اوي
قوليلي بقي اغنية بتحبي تسمعيها اوي؟ مغرمة بيك لاماني السويسي واغنية اهواك بلا امل لفيروز
فيلم عربي؟كلاشينكوف
فيلم اجنبي؟ هاي سكول ميوزيكال كل اجزائه
مسلسل عربي؟الخيول تنام واقفه
مسلسل اجنبي؟ charmed & fringe
حاسة بايه وانتي علي الكرسي؟ حاسة ان حد هيزنقني ف سؤال مش هعرف اجاوبه واتلخبط واتحرج
هل جاوبتي بصراحة ولا لا؟ انا جاوبت باللي جوايا
لو لا طيب جاوبتي بصراحة بنسبة كام في المية؟ ممكن 95% عشان مبقاش كذابه بس بجد انا مفيش حاجه كذبت فيها
اكتر سؤال عجبك في اسئلتي؟ لما انتي معلوماتك محدودة عن البرلمان مسالتيش ليه(حسيتك بتعاتبني فيه)
اكتر سؤال معجبكيش او احرجك؟مفيش

يريت تجاوبي علي اسئلتي

هكمل باقى الاسئلة
سؤال كنت خايفة منه ولقتيني بسالهولك؟ لا مفيش كل الاسئلة عاديه
سؤال كان نفسك اني اسالهولك ، هوا ايه وجاوبي عنه؟حد فقدتيه واتوجعتي اوي بعديه؟
الاجابة انه اخويا اكبر مني ب5 سنين انا كان عندي سنه وقتها ومحستش بحاجه بس لما كبرت بجد حسيت بقيمته لو كان موجود
مين اكتر واحد حسيتي انه جاوب بصراحة في التلاته اللي وقعوا دول؟ كلكم جاوبتوا كويس بس مش بصراحه 100%
اكتر واحد عجبك اسئلته؟ لما الاسبوع يخلص هقولكم
واحد كان نفسك تساليه كمان بس ملحقتيش؟ بصراحه مش فاهمه ملحقتش ايه
واحد كان نفسك تساليه بس اتحرجتي منه؟لا مفيش ولو فيه هساله وهقولكم بعدين ايه اللي يحرج
واحد نفسك تساليه بس لسه موقعش في الكرسي؟ بصراحه مفيش حد اعرفه في البرلمان غيركم وانتم وقعتوا بس مفيش غير سارة ومتمس ودينا ودول اعرف اسالهم ف اي وقت حتي لو مش ف البرلمان
حسيتي انك اتهريتي اسئلة؟؟ رغم ان الاسئلة كتير بس متهرتش
ممكن توقعيني عشان الاسئلة اليامه ديا؟مظنش
نفسك توقعي مين؟لسه مفكرتش اوقع مين بس انا ممكن اوقع حد وقع قبل كده صح
عايزة اسئلة كمان؟For Sure
اتحرجتي من اسئلتي ولا لسه؟تؤ تؤ تؤ متحرجتش عندك اسئلة تانية محرجه
سلااااااااااااااااام يا احمد

دلوقتي بقى بنجي لاسئلة المادموزيل متمس (حبيبة قلبي )
بتحسي بإيه اول ما تدخلي المنتدى؟ع حسب مودي يعني لو مبسوطة ببقى منشرحة وانا داخلة المنتدي وممكن احط ردود ومواضيع كتير انما بقى لو زعلانه بشوف المواضيع ومبيبقاش ليا نفس ارد
زعلتي مني كام مرة ولا هم كتير؟زعل زعل مش كتير هيا مرة انما سعات بتضايق منك يعني حركه عملتيها كلمة قولتيها ممكن تضايقني
اخر مرة بامانة لسه زعلانة ولا صافي يا لبن؟بصراحه بصراحه لسه زعلانه بس من الموضوع نفسه يعني اقولك حاجه كبري دماغك
ايه اكتر حاجة بتضايقك فيا؟بصي يا ستي بقى انا بيضايقني فيكي ومش انا لوحدي كتير بيتضايقوا منك لما سعات بتكلمي بنات بطريقة وحشه وبتبقى بتكبر
بتحبى نفسك وراضية عنها؟ راضيه عن نفسي بس لسه ف حاجات عايزة اعملها عشان ابقى احسن يعني زي ماتقولي راضيه عن نفسي بنسبه 95%
بتعملى اللي عليكى لما بتذاكري ولا ساعات ساعات؟بصى لو ف بداية السنه وسنه مهمه يعني شهاده بعمل اللي عليا لو اتظلمت في امتحانات نص السنه بتتقفل نفسي عن المذاكرة وبعد كده بذاكر نص نص
بتحسي اني مجنونة وطايشة ولا لا؟ مجنونه اه ومجنونه جدا كمان لكن طايشة نونونو خالص بالعكس انا بتاني اوي لما بعمل حاجه
شايفة اننا متفقين في حاجات كتير زي ما العضو دينا بتقول ولا لا؟ فعلا متفقين ف حاجات كتير بس برده شايفة ان احنا او انا مبنحكيش كل حاجه لبعض معرفش بصراحه ده عيب فيا ولا فيكي انا سعات اصلا ببقى خلاص يعني فاضل حاجه بسيطة واشد الكلام من لسانك
فاكرة اول مرة عرفنا فيها بعض؟ بصراحة لا لو انتي فاكرة قوليلي
بيمثلك ايه مدرسين الابتدائي؟بصراحه مبيمثلوليش حاجه مش وطينه والله بس يعني مش كلهم بس اكترهم مش بيمثلوا ليا حاجه
بتحبي نفسك وراضية عنها ولا لا؟ مكرر
بحبك وحشتيني؟ للولو (مش لازم الاسم الاصلي) لانها فعلا وحشتني اصلها في السعوديه مانتي عارفه
ارجعلك يعني حرق الدم مدرسه الاعدادي(مع ان ايامها حلوه بس انا عايزة ادخل ثانوي مش ارجع اعدادي)
بعدك عني انتحار؟ لا طبعا مقولهاش لحد لان مفيش حد اصلا يستاهل وغير كده مفيش حد اصلا بحبه عشان اقوله كده
لو جبتلك عصير فيه سم تشربيه ولا لا؟ لا طبعا هو انا عبيطه(انا مجنونه بس بهدوء)
نفسك توقعيني ف كرسي الاعتراف ولا لا؟ انتي شايفه ايه يا أوحي يا شماتت ابلة ظاظا فيا ولا ايه
اسئلتي تقيلة ولا خفيفة عليكي؟ لايا جميل خفيفه
كان فيه سؤال كنت متوقعة اسالهولك ومسالتوش؟ لا مفيش لو افتكرت هقولك

شكرا يا متمس

اديني جيت لاسئلتك يا ذا بانشر
ايه شعورك تجاه تصرفات اخوكي ؟ بص هو بصراحه مش كلها يعني 50% منها مش راضيه عليها بحاول اكون صاحبته وبحاول اعامله انه شاب وبقى كبير بس واضح ان ده صعب شويتين بس ادعولي وهفضل وراه لغاية لما يفتحلي قلبه
ايه رائيك في صحابه ؟ بص اكتر صحابه القدام كلهم جيراننا وقرايبنا فكنت واثقه فيهم بس صحابه بتوع الاعدادي معرفهومش ويارب يطلعوا كويسين
ليه مش بتيجي البرلمان انت و اخوكي؟ انا قلت قبل كده اني مستعده بس اصلا اخويا مش هيوافق غير كده انا اصلا هبقى محرجه جداااااا وبصراحه بتلكك عشان مرحش عشان الاحراج ده
ايه اكتر موقف زعلك ف حياتك؟و ايه المقف اللي فرحك ؟اكتر موقف زعلني ف حياتي كلها لا مفيش حاجه زعلتني اوي كده اه افتكرت مرة زعلت اوي عشان مرة جه يوم عيد ميلادي ومحدش من صحابي افتكرة اليوم ده فعلا كنت ف منتهى الكابه وفضلت اعيط ومكنتش عايزة حد يكلمني
انما اكتر موقف بقى فرحني فهما كتير بس اقلهم لما بنلعب لعبة الصراحه مع صحابي وبيتسالوا مين اكتر واحده بتحبوها اكترهم الحمد لله بيقولوا عليا ودي حاجه بتبسطني جداااا وبجد الحمد لله ع الحب ده يعني ده كفايه عني من اي حاجه تانيه
احسن مجموع جبتيه كان كام؟ لا طبعا مش فاكره
وليكي ف الكورة و لالا؟ بص مليش ف الكورة والاسئلة اللي هتسالها عن الكوره دي معلش مش هجاوب عليها عشان انا مييييييح في الكوره
ومين اكتر شخصية بتحترميها ف المنتدي؟بص انا معرفش كتير ف المنتدي يعني مش هفيدك ف الموضوع ده بس شكلهم كلهم محترمين ماشاء الله
ايه شعورك تجاه
متمس / احمد فرحانه/باسم /انت؟ شعوري من ناحية ايه بالظبط بس لو عامة فطبعا كلكم اخواتي
بتحبي تاكلي بره البيت ولا لا ؟ انا قليل اوي لما باكل بره البيت غير كده انا مضمنش الاكل اللي بره ده اوي حتي لو المحل نضيف وكده غير كده اكل ماما لا يعلي عليه
ايه اكلتك المفضله ؟ المفروض تقول ايه اكلي (جمع يعني) المفضل لاني اكيله جدا وذواقه ماهرة وبرده بعمل اكل بس مش كتير عشان متنخدعوش فيا بس انا بحب المكرونات جدا والبيتزات موووت والبطاطس بانواعهاوحاجات كتير وع فكرة انا باكل كتير ومع ذلك ارفع وحده ف صحابي بس ده لما ببقى فرحانه انما لما ببقى حزينه وكئيبة مش باكل حاجه وانا ع العموم بحاول مكتئبش
بتحب تمارس اي رياضة؟بحب النشاط عامة بس رياضه معينه حاليا لا بس انا سواقة عجل جامده جدا ونفسي اركب عجل لاني بقالي فترة مركبتش عجل وكمان بلعب راكيت حلو اوي وبرده ملعبتش راكيت بقالي مده
ممكن تيجي البرلمان بعد كده و لالا؟ نفسي بس صعب جدا لو مكنش مستحيل
انت نفسك تطلعي ايه؟ مهندسة ديكور
وهل ده في حد بيعارضك عليه؟ كان زمان بابايا كان عايزني طب وكده زي ماكان عايز اختي واختي كانت عايزة هندسة الكترونيات بس اللي حصل ان في حاجه حصلت في لجنتها وترتها وشطبت اجابات صح وكتبت اجابات غلطوجابت 95 بعد ماكانت جايبه 98 ف تانيه ودخلت علوم بس هيا ارتاحت اوي فيها
وانا بعد كده قررت محدش يفرض رايه عليا واني ادخل الكلية اللي عايزاها وهما تقبلوا الحكايه دي
بتابعي المنتخب؟وايه فرصته في التاهل للمنديال ؟ايه رائك في الدوري السنة اللي فاتت؟ يعني ملقيتش غير الجاهله ف الرياضه عشان تسالها لا تعليق طبعا
وشكرا ع اسئلتك

اسئلة باسم ومفيش تتقيل ولا حاجه ورد الجميل براحتك
1-بتحسى بايه اتجاه

مصر ام الدنيا واحلي بلد ف الدنيا رغم عيوبها
الدلنجات بلدي واللي ان شاء الله مستقبلها كبير
البحيره منطقة حلوه ف مصر وان شاء الله تبقى احلى
الاغانى حياة تانية و خيال للعقل
الافلام الاجنبى بتخلي الواحد ينشد ليها
السجاير << اوف بكرهها
الحب اجمل حاجه ف الدنيا
الرومانسيه شئ جميل جوا الانسان
عائله الحداد عيلتي وبحبها

اصدقائك مقدرش استغني عنهم
المنتدى بقى اكتر منتدي بدخله وعجبني بجد

2-اوصفى فى كلمتين

مصر ام الدنيا

متمس صحبتي جدا

ادمين الحقيقه معرفهوش بس اكيد عبقري عشان فكر ف البرلمان ده

ايسو جدعة وبتحب البرلمان اوي

ابو تريكه لاعب جامد جدا

منتخب مصر بحبه طبعا

الزمالك بقاله فترة متاخر
الجهلى الفريق اللي بيشجعه معظم اهلي واصحابي

الرومانسيه حياة بنعيشها مع نفسنا

3-كم مره اعجبتى بحد او حبتيه ممكن اكون اعجبت بحد بس ده مرة مثلا انما حبيت فده ولا مره


4-بتحبى حد ولا لا<< لا

5-مين هدير الى انتى بتقولى عليها دى عشان انا مش فاهم حاجه<< يعني حسيت انها حبيبتك لانك كتبت مرة قصيده قولت انها بتاعتك وان احمد ومحمد عمرو هيتاكدوا من كده لو لاحظوا حاجه وكنت كاتب فيها هدير بلون مختلف وكتبت قصيده تانية اسمها هدير الماء تقريبا

6-افضل فيلم عربى بالنسبالك<< هما كتير بس ممكن احلام عمرنا و الرهينه

7-افضل سنه عشتيها فى المدرسه تالته اعدادي( الفترة نفسها مش السنه كلها)

8-نفسك تعيشى فى سنه كام لا مفيش سنه معينه

9-الشارع بيمثلك ايه الناس الكتير

10-عندك الجراءه انك تنزلى تتمشى فى الشارع الساعه 4 بالليل<< لا طبعا استحاله انا اخري امشي لوحدي الساعه 8 وده ف الصيف بس

11-اكتر حاجه بتعصبك ان حد يغلط وميقتنعش انه علطان وميعترفش بغلطه او ان حد يغلط وميتاسفش

12-مواصفات شريك حياتك<< انا عمري ما فكرت ف مواصفات معينه عشان انا مش هفصل اللي بحبه بس لو هحط مواصفات فلازم يبقى شجاع وحمش وبيحبني طبعا ومثقف ولو وسيم يبقى كويس اوي


13-حاسه ان فى حد بيخلص فى الحب الزمن ده اكيد فيه بس قليل اوي

14-تعرفى ايسو منين كانت في مدرستي

15-قوليلى اول يوم قابلتى متمس اتصاحبتم ازاى والله مش فاكرة


16-فى سؤال كان نفسك اسالهولك او توقعتى انى اساله

لو فيه ايه هوه وجاوبى عليه لا مفيش حاجه معينه


17-ليه مش بتحبى الشات والايميل انا مش بحب اعمل شات مع حد معرفوش بي دي كل الحكايه او كمان محبش اعمل شات خصوصا مع ولد


18-عندك الثقه فى اعضاء المنتدى الى بيكلموكى عليه ولا لا يعني الى حد ما

19-ليه محسسنا ان شباب الدلنجات كله فاسد لا بالعكس انا شيفاهم كويسين اوي

20-بنات الدلنجات معظمهم ***** عندى حق ولا لا < لا بجد معرفش بس ممكن

21-عمرك بعدتى عن صديقه ليكى بمجرد انك عرفتى انها بتكلم شاب ولا نو<< فعلا حصل بس مش صديقة هي كانت زميله بس قربت مني شويه فتخيل لو صحبتي اكيد ممكن ابعد بس ده بعد ما اكون نصحتها وعملت معاها كل اللي اقدر اعملوا

انا جيت اهو يا جميلة
بس صدقينى
جايه والدمعة على خدى!

قوليلى بس انتى عاملة اية
واخبار الحياة معاكى
يارب تكونى بخير

اتفضلى ع الشيزلونج ومددى وارتاحى






1_من ستختاريه ليمسح دموعك ؟
( لو اختارتينى انا ما معيش منديل او من الاخر امسحيها بكم القميص
2_بتحبى يكون ليكى اسلوب خاص ؟
3_بتقعدى كام ساعه على النت .؟

4_لو الزمان رجع تانى .. ترجعى لفين وليه ؟

5_هتعزمى الأعضاء على ايه لو جم بيتكم ؟ بتدي مين الالقاب دي من اعضاء المنتديالشجاع - الحبيب - الهادئ - المرح - الجاد - القائد - الغلس - الكتوم 6_ايه اكتر قسم بيعجبك فى المنتدى وبتحبى تدخليه كتير ؟
مين اكتر الاعضاء قريبين منك ؟
خدى كدة حاجة علشان تصحصحى يلا وكمان على حسابى




]
[url=https://servimg.com/view/13993561/44][/url



باقى الأمتحان للمتمييزين فقط بأة


السؤال الأول :-قولى رأيك فى
2-أبناء منتدى برلمان شباب وطلائع الدلنجات

السؤال الثانى :-من قام بالأعمال التالية؟
1_عضو اضحك روزيتا
2_عضو ازعج روزيتا

السؤال الثالث :- علل

اختيار روزيتا لهذا الاسم روزيتا egy



الباقية تاتى يا روزيتا

دى بداية بس عشان متزهئيش

ملحوووظة .. زمن الأجابة 9 دقايق وربع
وهلم الورق
وهبأأة اجى اطمن عليكى كدا من وقت للتانى

اناااااااا متاسف للجميع

كرسي الاعتراف فكرة حلوة اوي

ولا يا ادمين انا بالنسبة بالي عادي هعرف ارد كويس ع اسئلة ميدو مش لازم يمسحها
ثانيا انا هبدا باسئلة دينا

_من ستختاريه ليمسح دموعك ؟ مش حد انا بمسح دموعي بنفسي
_بتحبى يكون ليكى اسلوب خاص ؟ اكيد كل حد ليه اسلوبه
3_بتقعدى كام ساعه على النت .؟ عادي ع حسب الموود
_لو الزمان رجع تانى .. ترجعى لفين وليه ؟ لا مش عايزة ارجع عايزة اطلع لقدام

_هتعزمى الأعضاء على ايه لو جم بيتكم ؟ شوفو انتم عايزين ايه وانا تحت امركم
بتدي مين الالقاب دي من اعضاء المنتدي الشجاع < ممكن الادمين
الحبيب<< لا مفيش
الهادئ<< احمد فرحانه
المرح<< محمد عمر
الجاد<<برده احمد فرحانه
القائد<< الادمين
الغلس<< مفيش برده
الكتوم <<باسم

6_ايه اكتر قسم بيعجبك فى المنتدى وبتحبى تدخليه كتير ؟ مش قسم معين انا بدخل حسب الموضوع اللي يشدني بجد
مين اكتر الاعضاء قريبين منك ؟ ده مش سؤال لانكم كلكم عارفين انها متمس
السؤال الأول :-قولى رأيك فى
2-أبناء منتدى برلمان شباب وطلائع الدلنجات <<ماشاء الله عليهم


السؤال الثانى :-من قام بالأعمال التالية؟
1_عضو اضحك روزيتا ممكن محمد عمر وايسو
2_عضو ازعج روزيتا لا مفيش حد بجد

السؤال الثالث :- علل

اختيار روزيتا لهذا الاسم روزيتا egy طيب عللي انتي انا عادي يعني مجرد نيك نيم عجبني

هاي يا محمد
بص بقى بالنسبة للسؤال الاول اللي هو اسمي انا كتبت اسمي فوق ومسحته واظن اني حقى اكتبة او امسحه ولو انا مكنتش عايزة اكتبه من البداية ومحدش يسالني تاني ع اسمي

ايمالك << مش بدي ايميلي لحد وياريت متسالش السؤال ده تاني

مش عايزه تقوليلناااااا اسمك ليه << وده سؤال مش هجاوب عليه

ازاى وصلت للمنتدى عن طريق دينا
اكتر موضوع عجبك كرسي الاعتراف

رأى زمايلك فيكى ابقى اسالهم

اكتلر سؤال معجبكيش اسمي وسني

وليــــــــــــــــــــه عشان مش هيفيد ف البرلمان

لو حد عاكسك فى التلفون بتتصرفى ازاى هقفل ف وشه السكه

سئلة البرنس
-اسمك؟؟؟؟
2-سنك؟15 سنه واربع شهوروكام يوم
3-مزاجك؟رايق
4-بتحبى الكورة؟بتحبى مين؟ ليه؟ لا .. بحب مين ف الكوره يعني ولا ايه وضح وبعد كده هجاوب
-مبسوطة فى المنتدى ده ؟ الحمد لله
-مين اقرب حد ليكى فى المنتدى؟ متمس
-مين مش طيئاه فى المنتدى؟ ليه؟مفيش حد لاني مليش علاقه بكتير هنا
-مين اللى عاجبك اوى فى المنتدى؟ كذا حد منهم متمس وباسم وهنري وايسو
اهلاوية ولا زملكاوية ؟مصريه
-مدى حبك فى الدراسة؟ممكن نقول مثلا 75% بس مش حبي للدراسه ده حبي للوقت نفسه يعني بشوف صحابي وكده
-هوايتك؟ الرسم وكانت زمان العجل
بتحبى تسافرى؟ فين ؟ ليه ؟ ايه اللى بيعجبك؟ اكيد بحب اسافر بحب السفر عامة _ رحت مرة الاقصر واسوان وعجبتني اوي وعايزة اكررها _عشان جو مختلف وكل حاجه بصراحه
مدى حبك للرياضة؟ لا مش كتير اوي يعني
طول نفسك؟كويس طويل الي حد ما
-السرعة؟ يعني كويسه

-نفسك تسافرى بره؟اكيد
بتحبى البلد؟ جدا
-تحبى تركبى طيارة ولا تخافى؟مركبتش طياره قبل كده بس احب اركبها

لو البلد قصدتك فى خدمة توافقى حتى لو هضحى بحياتك؟ جدا ع فكره بس هيا تؤمر
ثانكس يا برنس وهستني اسئلة تانيه

انااااااااااا مسحتها متاخر شويه بس انااااااااااا آسف للجميع

اولا انا بايد ادمين على كل كلمه قالها

واظن يا ميدو باشا ان دى مش اسئله تتحط

ثانيا دى حريه شخصيه مش عايزه تقول على اسمها هيا حره

ولا تعليق اكتر من كده




اسئلتى بقى يا روزيتا معلش هزود عليكى



ليه قلتى عليا انى العضو الكتوم يا ريت توضحى



اكتر توبيك فى المنتدى عجبك


اكتر توبيك فى المنتدى ضحكك

اكتر توبيك فى المنتدى احزنك


ليه هتدخلى فرنساوى او المانى ايا كان الاختيار



تحبى تسكنى لوحدك فى قصر وكل طلباتك موجوده ولا لا


تحبى تقعدى فى الريف بشروط ولا لا
لو بتحبى ما هى الشروط


بعد كل الاسئله البايخه منى دى الى ارجو انها متكنش تقيله عليكى


تفكرى انك تنزلينى على الكرسى تانى

اسئلة الادمين
لو انتي و والدك ووالدتك وخواتك وأعز صحابك بتغرقو وليكي تنقزي واحد مين؟ يا انقذهم كلهم يا اسيبهم يموتوا واموت معاهم بعدين ع راي باسم الحياه حلوه

ايه اللموقف اللي اثر في روزيتا؟ هما موقفين بس مش هينفع اقولهم
ايه الموقف اللي انتي حاسة انه غير منك كتير؟ لا انا متغيرتش متهيالي يعني ومفيش موقف كمان غيرني

ايه رايك في الارستقراطية ويارب الكلمة تكون مكتوبة صح لاني معرفهاش؟ حاجه كويسه بس من غير غرور تبقى احلي بس سعات بتبقى خانقه وكده

هرد ع اسئلتك يا باسم بس الاول يا ريت يا جماعه تحطوا اسئلة نفسكم تسالوها ليا بجد مش مجرد انكم تشاركوا وخلاص
ليه قلتى عليا انى العضو الكتوم يا ريت توضحى؟ ممكن اوضح بس انت شايف انك مش كتوم
اكتر توبيك فى المنتدى عجبك؟ هو توبيك دينا بتاع اللي بيحصل من ورا المسلمين ف القدس وغزة انا مش فاكرة عنوانه بالظبط بس هو عجبني وف نفس الوقت احزني

اكتر توبيك فى المنتدى ضحكك؟ توبيك دينا برده بتاع البنت احسن من الولد
ليه هتدخلى فرنساوى او المانى ايا كان الاختيار؟ انا هدخل فرنش مش لحاجه بس هو الفرنش بدات احبه ولو كان ف اسباني كنت دخلتهلاني بحب الاسباني اكتر ومش بحب الالماني خالص ولا حتي الناس الالمان هي حكاية نفسيه مش اكتر
تحبى تسكنى لوحدك فى قصر وكل طلباتك موجوده ولا لا؟ محبش اسكن ف قصر اصلا ومحبش اقعد لوحدي لاني بحب اللمه
تحبى تقعدى فى الريف بشروط ولا لا ؟ ع فكرة انا بحب الريف جدا جدا وليا قرايب كتير قاعدين ف الريف وانتم تقريبا متعرفوش عيلتي كبيره قد ايه صحابي طبعا عارفين بس انا بحب الريف زيارات مش اني اقعد فيه دايما

تفكرى انك تنزلينى على الكرسى تانى؟ طبعا احب واحب جدااا جدا كمان
وانا مستنية منك اسئله تانية وع فكر اسئلتك مش تقيله عليا خالص بالعكس الاسئله لذيذه بس الاسئله اللي مش بحسها انها بتتسال ليا مش بستمتع بيها بصراحه فياريت اللي يكتب اسئلة يكتبها من قلبه وياريت تقولوا كمان انتم مقتنعين باجاباتي ولا شايفينها عاديه

انااااا متاسف تااااانى يا عم بيــسوووووووووووو

يا ريت تقبلو اعتذارى

خلاص يا محمد مفيش حاجه بس تبقى فكر قبل متكتب





سورى انا مش فاهم تقصدى ايه
بالظبط

على الاسئله انا بجد كل الاسئله دى فسى اسالهالك عشان
اقدر اعرف شخصيتك

فيا ريت توضحى اصدك عليا ولا على مين



ثانيا انا بجد مش كتوم وعلى طول اسرارى مع اصحابى

بس بالبلدى مبحبش حد يعلم عليه د

وانا ممكن اقول كل حاجه اى حد عايز يعرفها منى بس بمزاجى
وممكن اتوه الموضوع واخلع منه



فياريت توضحى بقى انتى شايفانى كتوم ليه




شكراااااااا

انا مش قصدي عليك انا قصدي ع الاسئلة المكررة والاسئلة اللي اتسالت للي قبلي
وحكايتك انك كتوم تقريبا انا كنت غلطانه كنت شايفه انك كتوم بصراحه عالعموم انا اسفه ع الوصف

انا مش اصدى اغلطك



انا اصدى عايز اشوف لماذا شخصتينى بالكتوم ؟



وعندى سؤال كمان

لو انتى بتحبى واحد وهوه مش مديكى اى شعور انى بيحبك ومتجاهلك وواحد بيحبك اوى وممكن يعوضك عنه تختارى مين

بص يا ريت بلاش نتكلم في موضوع الكتوم دلوقتي

هرد ع سؤالك بس انا عايزه اسئلة اكتر
لو انتى بتحبى واحد وهوه مش مديكى اى شعور انى بيحبك ومتجاهلك وواحد بيحبك اوى وممكن يعوضك عنه تختارى مين
هختار اللي بيحبني طبعا

اوك براحتك


كنتى تتمنى انك تتولدى فين


تتمنى تذهبى لاداء الحج ولا جوله حول العالم

بتحبى السفر ولا لا


اكتر قناه فى التلفزيون بتحبى تسمعيها


اكتر موقع او منتدى بتقعدى عليه على النت


فكرتى فى مره تاذى حد


عايزك تقولى كلمه واحد لايسو بمناسبه انها طلعت معسكر تنشاه وطنيه فى راس البر النهارده اول يوم


تقولى ايه لشباب الدلنجات

تقولى ايه لبنات الدلنجات


تقولى ايه للمسئولين بالدلنجات


شكرااااااا

كنتى تتمنى انك تتولدى فين { انا حابة المكان اللي اتولدت فيه وهو كفر الدوار


تتمنى تذهبى لاداء الحج ولا جوله حول العالم<< الاتنين

بتحبى السفر ولا لا بحب السفر جدااا


اكتر قناه فى التلفزيون بتحبى تسمعيها ممكن قناه الحياة


اكتر موقع او منتدى بتقعدى عليه على النت حاليا بقعد ع البرلمان اكتر وقت


فكرتى فى مره تاذى حد ولا مرة ولا هفكر


عايزك تقولى كلمه واحد لايسو بمناسبه انها طلعت معسكر تنشاه وطنيه فى راس البر النهارده اول يوم يا رب تتبسطي ف المعسكر


تقولى ايه لشباب الدلنجات عايزين نسمع عنكم كل خير

تقولى ايه لبنات الدلنجات عايزاهم احسن بنات ف الدنيا


تقولى ايه للمسئولين بالدلنجات كملوا تطوير الدلنجات ومتقفوش عند حد معين

ايه يا جماعه خلصتوا الاسئله ولا ايه انا مليت عايزه اجاوب ع اسئله بقى

طيب يا ستى انا بحاول والله

هتخدى دروس عند مين فى اولى ثانوى

عربى
رياضه

انجلش

فرنساوى


النفاق بيمثلك ايه

الزواج

اولادك وبناتك ان شاء الله

الاطفال عامه


كبار السن


طيب بقى عقبال مفكر فى حاجه تانيه
ياريت تجاوبى على الكتوم

ماي اوك هجاوب ع الكتوم انت مرة كنت قلت انك لما بتبقى زعلان او متضايق مش بتبين وانك دايمابتبقى بشوش مع اللي حواليك وانا رايي الشخصي ان اللي بيبقى كده بيبقى انسان كتوم لاني كتير ببقى كده المهم انك صححت المعلومه وقولت انك مش كتوم

هتخدى دروس عند مين فى اولى ثانوى

عربى<< صلاح صقر
رياضه<< مجدي المهدي

انجلش<<اسامه المهدي

فرنساوى<<ابراهيم الاشلم

النفاق بيمثلك ايه حاجه وحشه اوي وبالذات لما بكتشف ان اللي قدامي ده بينافقني بتهون عليا نفسي

الزواج<< سنة الحياة

اولادك وبناتك ان شاء الله<< اغلي حاجه عندي
الاطفال عامه<<بحبهم جدااااا جدااا وبعرف اسايسهم كويس
كبار السن<<بحسهم رجعوا اطفال من تاني يعني لازملهم معامله خاصة
وميرسي ع اسئلتك ويارب الاجابات تكون مقنعه الى حد ما

بعد اقتراب مده عزلك عن كرسى الاعتراف


ياريت تسرديلى بالترتيب الى انتى بتفكرى انهم ينزلو بدالك وشكراااا

روزيتا هسالك قبل ما تنتهي مدتك علي كرسي الاعتراف شويه اسئله صغيرين

السؤال الاول ما شعورك لو مدرس او مدرسه اهانك او اهانتك بانها او بانه ضربك او ضربتك بالقلم عشان هو شايفاو شايفه انك غلطتي في حاجه ممكن ساعتها غضبك يسيطر عليكي وتتصرفي تصرف ما كنش قصدك ولا بتقدري تتحكمي في اعصابك ؟





السؤال التاني برده ما شعورك لو لو مدرس او مدرسه اهانك او اهانتك بانها او بانه شتمك برده شايف انك غلطتي بس انتي في نظرك انك ما غلطيش ممكن ساعتها غضبك يسيطر عليكي وتتصرفي تصرف ما كنش قصدك ولا بتقدري تتحكمي في اعصابك ؟




السؤال التالت :
لو بنت في فصلك اخطأت والمدرس قعد يزعق في كل البنات اللي في الفصل ويجمع ويقول ما فيش تربيه وكده ممكن تقومي تردي وتقولي يه لو سمحت ما تجمعش يا استاذ ولا مش هتردي؟

السؤال الرابع :

عمرك فشلتي في حياتي سواء تعليم او اي حاجه ولو فشلتي فشلتي كام مره وامتي وفعلا حسيتي انك فشلتي بجد ونفسك ما تكرريش الفشل ده تاني ولا لا ؟

السؤال الخامس :
ايه هي اكبر عقبه في حياتك ولا ما فيش عقبات اصلا في حياتك ؟


السؤال السادس :



ايه هي مواصفات البنت اللي تصاحبيها بجد؟

السؤال السابع والاخير:

انتي من نوع الناس اللي ممكن تكلمي اي بنت حتي لو عارفه انها مش كويسه؟






اسفه تقلت عليكي بس فعلا كنت عايزه اسئلك الاسئله دي قبل ما تنتهي مدتك


ياريت تكوني فهمتي اسئلتي

تقولى ايه وتوصفيه بايه


احمد فرحانه
هنرى

العاشق المصرى

اسراء

ايسو

اللاجئه



باسم
بيسو

بسبس

ابوالعينين


متمس




بتفتحى النت فى المدارس ولا لا

ياريت تسرديلى بالترتيب الى انتى بتفكرى انهم ينزلو بدالك وشكراااا
انا بفكرانزل الادمين او متمس
انتم ايه رايكوا

اسئلة دينا
السؤال الاول ما شعورك لو مدرس او مدرسه اهانك او اهانتك بانها او بانه ضربك او ضربتك بالقلم عشان هو شايفاو شايفه انك غلطتي في حاجه ممكن ساعتها غضبك يسيطر عليكي وتتصرفي تصرف ما كنش قصدك ولا بتقدري تتحكمي في اعصابك ؟
لو ده حصل فعلا مش هعمل غير اني هعيط اووي وامشي واسيب الحصه ومرجعش تاني

السؤال التاني برده ما شعورك لو لو مدرس او مدرسه اهانك او اهانتك بانها او بانه شتمك برده شايف انك غلطتي بس انتي في نظرك انك ما غلطيش ممكن ساعتها غضبك يسيطر عليكي وتتصرفي تصرف ما كنش قصدك ولا بتقدري تتحكمي في اعصابك ؟لا مش هتحكم ف اعصابي لاني مبحبش حد يهيني حتى ولو هزار فتخيلي لما يبقى جد

السؤال التالت :
لو بنت في فصلك اخطأت والمدرس قعد يزعق في كل البنات اللي في الفصل ويجمع ويقول ما فيش تربيه وكده ممكن تقومي تردي وتقولي يه لو سمحت ما تجمعش يا استاذ ولا مش هتردي؟ لا مش هرد لانه ساعتها هيبقى عصبي ومش مستحمل اي حد يرد عليه بس ممكن اني اوضحله كده بس بعد ما يهدا

السؤال الرابع :

عمرك فشلتي في حياتي سواء تعليم او اي حاجه ولو فشلتي فشلتي كام مره وامتي وفعلا حسيتي انك فشلتي بجد ونفسك ما تكرريش الفشل ده تاني ولا لا ؟ لا مفشلتش الحمد لله ممكن سعات بحس اني فشلت ف الصداقه شويه بس ده بيبقى ناتج عن اني زعلانه مع حد من صحابي وبعد كده برجع طبيعيبه بس ده مش فشل

السؤال الخامس :
ايه هي اكبر عقبه في حياتك ولا ما فيش عقبات اصلا في حياتك ؟لا مفيش عقبات


السؤال السادس :

ايه هي مواصفات البنت اللي تصاحبيها بجد؟ انها تكون كويسه اخلاقيا طيبة مش خبيثه بتحبني متخبيش حاجه عليا واني لو عرفتها ع واحده تانيه متصاحبهاش وتنساني لان دي حاجه بتضايق اي حد
السؤال السابع والاخير:

انتي من نوع الناس اللي ممكن تكلمي اي بنت حتي لو عارفه انها مش كويسه؟اكيد اكلمها عادي جدا بس مش هقولها ع اسرار مثلا لاني ببقى متاكده انها من جواها مش وحشه وبعدين هيا بشر يعني بتحس لو عاملتها وحش يعني حرام وانا نفسي هزعل من نفسي
وتقلتيش ولا حاجه يا دينا يا قمر

نبدا
السؤال الاول
ايه اللى نفسك تعمليه ومش قادرة ياروزيتا؟ لا مفيش بعمل اللي عايزاه الحمد لله

السؤال التانى
حبيتى ايه فى حياتك بس خفتى تعمليه؟لا برده مفيش

السؤال الثالث
مرتاحة لنفسك ولشخصيتك وفخورة بيها ولا عايزة تعدلى حاجة ومش قادرة؟ انا حابة شخصيتي الى حد كبير بس طبعا ف عيوب عايزة اظبتهها

السؤال الرابع

عايزك تقوليلى مين اللى محلى المنتدى بجد بس بصراحة عشان كل واحد مش كويس يعدل من نفسه؟ انا شايفة بصراحه ان ايسو محلية المنتدي بس بجد كل الاعضاء كويسين جدا

السؤال الخامس


مبسوطة بمستوى دراستك وتفكيرك وعقلك (المود يعنى) ؟يعني الى حد ما بس مشكلتي انا اقل كلمة تزعلني واقل كلمة تفرحني
السؤال السادس


ايه البلد اللى عوزتى تسافريها بجد وبتحبيها بجد مش مجرد تجربى؟اسبانيا او ايطاليا بس اسبانيا اكتر
السؤال السابع


عاجبك الابتدائى ولا الاعدادى ؟الاعدادي طبعا
السؤال التامن




هوايتك ايه فى الكمبيوتر (افلام_اغانى_العاب_نت_كله)؟ نت واغاني


السؤال التاسع



فى حاجة بيعملها الشباب نفسك تعمليها بس ماتقدريش او تقدرى بس خايفة؟انهم بيخرجوا لوحدهم وبليل عادي يعني ممكن يمشوا الساعه 3 بليل


السؤال العاشر


عايزة تدخلى كلية ايه؟ وليه ؟هندسة قسم ديكور عشان انا بحب الحاجات اللي فيها زوق وفن ورقه وكده يعني
السؤال الحادى عشر

اسلوبك مع الناس عامل ازاى؟اسلوبي كويس جدا الحمد لله واسالوا لو مش مصدقين


ثانكس يا ميزو

النهارده اخر يوم ليا
تقولى ايه وتوصفيه بايه


احمد فرحانه اوصفه بالعاقل الرزين اقوله ان شاء الله ربنا يحققلك اللي ف نفسك وتدخل ثانوي جوي
هنرى

العاشق المصرى

اسراء اوصفها بالجريئه واقولها انها فاكهة المنتدى ومواضيعها جامده جدا

ايسو

اللاجئه



باسم اوصفه بابو قلب طيب اقوله ربنا يوفقه ف حياته
بيسو

بسبس

ابوالعينين


متمس اوصفها بالعقل اقولها انها صحبتي الانتيم




بتفتحى النت فى المدارس ولا لا بفتحه بس مش دايما







بما ان النهارده اخر يوم ليا فانا قررت ان اللي بعدي تكون متمس