خمسه فضفضه

مش قلتلكوا اكيد هايضحوا بالكومبارس عشان الابطال يعيشوا

واخيرا تم تحديد ادوار البطوله و التفاصيل في حالة توافر تطعيم ضد انفلونزا الخنازير



التطعيم ضد أنفلونزا الخنازير للقيادات فقط حددت وزارة الصحة فى خطتها القومية لمواجهة وباء أنفلونزا الخنازير ثلاث فئات مستهدفة للتطعيم ضد المرض فى حالة توافر الطعم كما حددت الخطة الفئات وأعدادها.

أولى هذه الفئات قيادات الدولة والمسئولون والفريق الصحى والعاملون بالدفاع والشرطة والعاملون بوسائل المواصلات والمرافق والخدمات، ووسائل الإعلام. والفئة الثانية هم الأشخاص المعرضون لمخاطر المضاعفات الشديدة. والفئة الثالثة الأخيرة هم الأشخاص المعرضون للعدوى.

أما بالنسبة لمعدات الوقاية الشخصية فهى محددة فى الخطة لتخص مقدمى الرعاية الطبية والحالات المشتبه بها والمؤكدة والمخالطين، على أن يكون لهم استخدام قناع الوجه الجراحى للحد من انتشار الفيروس أثناء السعال والتحدث، مع توفير استخدام الأقنعة الجراحية فى المؤسسات العامة التى بها أكثر من 10 عمال لتخفيف معدل العدوى، وتشمل أدوات الوقاية الشخصية نظارة واقية، وقناعا جراحيا، وقناعا عالى الكفاءة، وقفازات لاتكس غير معقمة، ومرايل بلاستيكية، وعباءات طبية.

لمعلوماتك...
◄4 ملايين مريض نفسى فى مصر، حسب وزارة الصحة
يعني اهم حاجه القيادات والشعب في ستين سلامه بقي يصرف نفسه بنفسه ، هما كمان هايشيلوا همه ولا يحاولوا يحافظوا عليه
دا حنا حتي كسرنا ال70 مليون وداخلين علي التمانين بقلب جامد واهو حتي يبقي علاج فعال للقنبلة السكانيه الموقوته


فيه تصريح لمنظمة الصحه العالميه بيقول ان "الدول التي استطاعت مواجهة «سارس» و «أنفلونزا الطيور»، تبدو أكثر قدرة على مواجـهة أنفلونزا «أتـش1 أن1»."



طيب تفتكروا مصر قدرت تواجه انفلونزا الطيور ولا بقينا احنا وهي زي الاخوات و بقي زيها زي البلهارسيا وفيروس سي وكل الامراض الجميله اللي متوطنه مصر
يبقي هاتيجي علي انفلونزا الخنازير يعني


ما هو احنا كده طول عمرنا شعب مضياف وبيحب يرحب باي حد غريب وياخده بالاحضان وبوسه من هنا وبوسه من هنا


وبالتالي ماعتقدش ان حكومتنا الموقره هاتقدر تتصدي لانتشار المرض ، وممكن جدا لا قدر الله ينتشر بصوره اكبر من اي بلد تانيه ( ولسه انفلونزا الطيور خير شاهد علي كلامي )
ارجع واقول ربنا يخيب ظني ولاوني ومن اول ما بدأت اخبار انفلونزا «أتش1 أن1» الشهيره بانفلونزا الخنازير وانتشرت الاخبار عن اجراءات الحجر الصحي وحذر التجول وعزل البلاد اللي فيها الوباء وانا حاسه ان الوباء ده لو جه مصر هايحصلنا زي ماحصل في فيلم Out Break بتاع داستن هوفان ومورجان فريمان فاكرينه؟؟
الفيلم اللي فيه قرد جاي علي مركب من افريقيا نقل فيروس قاتل لمدينه امريكيه وعشان يتخلصوا من الخطر قررت الاداره الامريكيه انها تضرب البلد دي بالقنابل الحارقه وتخلص بدل وجع الدماغ بالظبط زي ما اتعملت مع الوباء اول ظهوره في افريقيا في الستينات






[b]تخيلوا الفيلم اللي انتاج سنة 1995 بيعكس صوره مشابهه الي حد كبير جدا عن الوضع الحالي ، نفس الاحداث تقريبا :[/b]





---------------------------------------------------------

ثانكس يا دينا على الحاجات الجامده دا

وانا كنت عامل تقرير عن انفلونزا الخنازير مستنى انزل اجدد الاحصائيات

وبعدين أنزله وكمان أنا لسه مخلص تقرير عن مرض الطاعون تقرير جامد

بس مستنى أعرضه فى الجلسه اللى جايه وبعدين أنزله على المنتدى

ميرسي علي المشاركه ومنتظرين منك تقرير مرض الطاعون

مهو هو ده اللي بيحصل علطول
وبيحصل كل مرة وهيحصل
بعد ده الشعب كله هيموت والرؤساء يروحوا يجيبوا عقود عمل لانهم مش هيلاقوا حد يحكموه
بس كفاية علينا نعرف ان انفلونزا الطيور وانفلونزا الخنازير هيقضوا على نص سكان العالم تقريبا بحلول عام 2010 وده خبر سمعته مرة في الاخبار اول ما ظهرت انفلونزا الخنازير بعد انفلونزا الطيور

يروحوا يجيبوا عقود عمل لانهم مش هيلاقوا حد يحكموه فعلا ده اللي هيحصل او ممكن يرحوا دماغهم زي العادي بتاعهم وما يدوروش علي عقود عمل ويشتغلوا شغلهم التاني وشكرا علي المشاركه

حلو التوبيك يا دينا والردود كمان حلوة
بس دي مش ماساتنا لوحدنا دي ماساة العالم كله
هي صحيح كل مرة الماساة تزيد في مصر
بس ادينا بنعمل نفسنا مش واخدين بالنا وبنقول ربنا يخليلنا الررؤساء بيعملوا كل اللي في جهدهم عشان يحمونا
يللا اللي يعيش ياما يشوف

هاااااااااااااااااااااااااااايل