قرب قرب قرب شوف الكرسى عليه مين أسبوع العيد

بالنيابة عن باربى

ونزولا على رغبة جماهير البرلمان العريضة

طلائع وشباب

نحن الآن على موعد مع



mrs. rosa



أى خدمة

فليتعامل الجمـــــــــــــــــــــــــــــــــــــيع

يسعدنى ويشرفنى ان اكون اول من يطلع عينك

اهلا بيكى على الكرسى

انتى عمرك كرهتينى؟
قولى مميزاتى؟
تنصحينى بايه؟
ايه اكتر موقف احرجك؟
ايه رايك فى البرلمان؟
اوصفى كلا من:
انا
الكبير
باربى
جولدن
بتر فلاى
بيسو
ابو يوسف
مستر دومة
تهدى لمين باقة ورد؟
تقولى لمين و حشتينى؟
بتحبى تاكلى ايه؟
بتسمعى ميييين من المغنين؟او المغنيات؟
بتحبى مين اكتر انا و لا الاء؟و قولى بكل صراحة مش حزعل
كفايه كدا النهار ده سلام يا عثل يا ثكر

ماهي أحلي ذكري في حياتك؟


كلمه كان نفسك تسمعيها من حد بس مسمعتهاش
ايه هيا الكلمه وكان نفسك مين يقولهالك؟


ايه اكتر قسم عاجبك فى المنتدى؟


عضو\ة شخصيته على المنتدى غير شخصيته فى البرلمان؟


ماهو نوع المواضيع اللي تشد انتباهك

شئ فعلتيه وندمتى على فعله


ما هو اجمل موقف او اجمل ذكرى تتذكريها من طفولتك ؟


ما هي اكثر وافضل لعبة كنتى بتلعبيها و أنت صغيره ؟


هل ستربي اولادك بنفس الطريقة التي تربيتى بها في طفولتك؟


ما رايك بلغة الصمت؟


رتب الكلمات الاتية حسب الاهمية من الاكثر اهمية الى الاقل اهمية
الاهل - الصديق - المنصب - الحسب - الحق


عضو توقيعه رائع وعجبك

عضو صورته الرمزيه رائعه وعجبتك

لكل إنسان نقطة ضعف ,, فما هي نقطة ضعفك ؟


ماذا ستكتب لنا لتعبر عن حياتك التي عشتها الى الان في كلمات قليله ؟


مشاركه بالمنتدى كتبتها ندمان عليها


ماذا يعني لك :
- الفراق
- الأحزان
- الشعر
- الوطن
- الأم
- منظر غروب الشمس


أعطي لنفسك نسبة مئوية لكل مما يلي :
ذكائك

سعادتك

حزنك

ايجابياتك

سلبياتك

علاقتك بأصدقائك

علاقتك بالعائلة

خبرتك بالحياة

الصحة

التفاؤل

التشاؤم

الطيبة

العصبية

الوحده


ماذا تفعلين عندما:

تغضبين؟

تحبين؟

تكرهين؟

تبكين؟

تنتقمين؟

تتعرضين للخيانة؟

تتعرضين للنقد؟

تتعرضين للتجريح؟

تتعرضين للخطر؟


من السهل على الإنسان أن ينسى نفسه و لكن من الصعب عليه أن ينسى نفسا سكنت نفسه"
ما رأيك في الحكمه دى ،، و هل هي صحيحه ؟؟

كلمه كان نفسك تسماعيها من حد ومسمعتيهاش

ايه هيا الكلمه ومن مين؟

ما هو الشئ الذى لا تريديه ان يحدث بحياتك

هل تذكرين لنا صعوبة اجتزتيها بانتصار وجدارة ؟ لعلنا نستفيد منها

تقدم لـ خطبتك رجل " مُحترم , مؤدب , خلووق , يحُبك حتى الجنون " لكن إكتشفتي أنه " بواب " .. هل توافقين عليه ؟

ما رأيك فى من يكذب حتى لا يجرح مشاعر الآخرين؟

اذكري لنا مره قد انضربتي ضرب مبرح واذكري سبب الضرب
(انضربتى فى الخلاط ضربا مبرحا حتى اثتغثتى)
LoOoL

اكتر عضو بيعجبك اسلوبه

كتاب قرتيبه وعجبك اوي

هل انتي ممن يبكون عند الفرح

حاجة كنتي خايفة تحصل وحصلت
قبل أن تقرأي أي موضوع هل تنظرين لكاتب الموضوع ام العنوان و بصراحة


هل فى حد صاحبك خانك قبل كدا ؟


ممكن تتخلى عن حلم حياتك من اجل صديقه؟


هل انت انطوائيه؟

موقف زعلك من الكابتن؟

عضو تقله ( والله اشتقنالك )

اكتر موقف احرجك امام ولد

حتكتبلنا ايه عشان تعبرلنا عن حياتك الى انتى عشتيها لحد الان فى جملة مكونة من كلمات بسيطة و قليلة؟؟؟.
لو حبتى تبكى الان حتبكى على مين؟؟؟
ع تختارى مين ليمسح دموعك؟؟؟
مين يسكن قلبك؟؟؟
انتى تعتقدى ان حظك سيئ؟؟؟
هل حزنك هزمك فى يوم من الايام؟؟؟
((مستحيل انساك))
تقولها لمن؟؟؟
((اللى راح راح و ما تفيد كلمة يا ريت))
اذا اردت ان تواجة هذه العبارة لنفسك : فماذا تقصد بها؟؟؟
((أنت كل شئ بحياتى))
لمن تقولها؟؟؟
متى اخر مرة بكيتى فيها ؟؟؟
اى الدول تتمنى ان تزوريها؟؟؟
هل انتى راضية عن نفسك؟؟؟
هل تؤيد الزواج العاطفى ام التقليدى :و لماذا؟؟؟
هل تعرف بشئ اسمه صداقة بين الرجل و المرأة؟؟؟
هل انتى مدمنة تفكير؟؟؟
من هو اكثر شخص تفكرى فيه؟؟؟
اذا تم تعينك ملكة لجميع البلاد العربية فما اول قرار ستتخذيه؟؟؟
هل تكره شخص بشدة فى حياتك؟؟؟
ما هو اقتراحك الذى تتمنية أن يحدث فى هذا المنتدى و لم يحدث الى الان؟؟؟
هل ملابس الشخص الذى امامك تؤثر فيك لتأخذ عنه انطباع؟؟؟.
حكمة تؤمن بها جدا؟؟؟؟
عادة تفعلها دأئما تتمنى ان تتركها؟؟؟
ماذا تفعلى اول شئ اذا ربحتى المليون جنيها؟؟؟
اعتذار تريد ان تقدمه لمن؟؟؟



يا رب تكون الاسئلة عجبتك

أهلا أهلا بأبو دومة ربنا يقدرنى وأجاوب على
الأسئلة وأرضى فضولكم
بسم الله توكلنا على الله

1- اتمنيتى في يوم انك كنتى اتولدتى ولد ؟؟ وليه؟؟
اه كتير علشان الولد فى مجتمعنا واخد حريات أكتر من البنت بكتير مع ان الحريات دى مش عيب ولا حاجة
بس احنا طلعنا لقينا عيب البنت تروح السينما عيب كمان تتفسح مع زملاتها عيب تخرج بره لوحدها وكأنها
حتتاكل والأهالى يعللوا دا بخايفين عليكو هو يعنى اللى بتروح تتفسح دى أهلها مستغنيين عنها
2-لقيتى المصباح السحرى وفركتيه طلعلك مارد (مارد الكدوانى ) وقلك ليكى 3 امنيات ايه هما ؟؟
أول حاجة حطلب ان ربنا يخليلى بابا وماما واخواتى ويحقق لهم اللى فى بالهم
تانى حاجة ان ربنا يقدرنى وأعرف أساعد كل واحد وكل واحدة محتاجين للمساعدة
أيا كانت المساعدة دى ومهما كلفتنى
تالت حاجة ان ربنا يقربنى أكتر من الناس ويخلى البرلمان ده أحسن برلمان فى مصر كلها
يكبر بايدينا وانى لما أسيب البرلمان بعد عمر طويل أسيبه وأنا عاملة فيه حاجة بجد حاجة الناس
اللى بعدنا يفتكرونى بيها ويقولو دى عملت حاجة كويسة يشيدولى بيها
3- لو فى يوم وانتى رايحه اى مناسبه كنتى متاخرى فانتى نازله مستعجله واهلك بينادو عليكى
المهم نزلتى ولما وصلتى المكان الى فيه المناسبه اكتشفتى ان من استعحالك نسيتى وجيتى بشبشب البيت
هتعملى ايه ؟؟؟؟
انت متخيل ان أنا حعمل ايه قول انت لو كنت مكانى حتعمل ايه عموما يا اما حرجع ع البيت جرى
أو حألعة وأحطة فى الشنطة وأمشى حافية بقى حاعمل ايه

4-ما اصعب موقف مر في حياتك ؟
أيام امتحانات الثانوية السنة اللى فاتت
5- هل احببت يوما ؟
لسه محصلش لأنى مبديش نفسى فرصة أتعلق بحد الا اذا كان زى أخويا فدا
بحبه بجد حب أخوى يعنى
6- ما هي حكمتك فى الحياه؟
لا تحب أوى ولا تكره أوى علشان متنجرحش أوى

7- ليه مسجله فى المنتدى باسم مستعار ؟

ولا ليه يا سيدى كل الحكاية الاسم عجبنى فسجلت بيه
8- ايه مميزاتى وعيوبى ؟

لحد دلوقتى ملقيتش فيك عيوب أوى انت نرفوز شوية بس
أما مميزاتك فهيا كتير مثلا ذكى ، دمك خفيف ، بتضحكنى ، دماغك عالية
بس شوية تركيز وحتعمل حاجة حلوة أوى فى الثانوية ان شاء الله

9- هل يجزبك الولد الى ابوه مليونير

عمر الفلوس مكانت هدف بالنسبة لى المهم انه يكون شخصيته قوية ، متدين ، مؤدب
لكن أنا شخصيا بكره الفلوس لأنها بتزل النفوس
10 - هل خضتى يوما حربا من اجل الوصول لقلب رجل ؟؟

لاااااااااااااااااااا عمرها محصلت ولا حتحصل لأن الرجل مهما كان خلوق ميستهلش انى أخوض
حرب علشانة المفروض اللى يحصل العكس
أحبه ماشى أحترمه ماشى لكن أخوض حرب علشانه دا مش ممكن أبدا

12- ناويه تكملى فى برلمان الشباب ولا لأ؟؟
ان شاء الله

13- ايه انطباعك الاول عنى ؟؟
أول ما شوفتك قولت ايه الولد العسول دا بس كنت تقلان أااااااااااوى

14- موقف ضايقك جدا وكان ممكن تسيبى البرلمان عشانه؟؟
لسه محصلش بصراحة وحتى لو حصل موقف يدايقنى أنا
لا يمكن أسيب البرلمان ان شاء الله
دا أنا مصدقت ألاقى ناس أحبهم وأحترمهم
وكمان مصدقت ألاقى نفسى فى مكان أحبه وأشتغل فيه بكل قوتى
وتحت أى ظرف حتى لو على حساب نفسى وراحتى

15-ايه اكتر موقف ضايقك منى ؟؟
لسه محصلش والله
ومعتقدش انك ممكن تضايق حد
الا تحت ضغط ة

16- ايه رايك فى موضوع كورة اليد بتاعكم؟؟
لسه مجربتوش بس ان شاء الله أجربه
وأعتقد انه حاجة جميلة

17- تتمنى البرلمان يكون ازاى؟؟
انه يكون أحسن برلمان على مستوى مصر كلها
18- متى أخر مرة بكيتى؟؟؟
من كام يوم شديت مع بابا شوية ففتكرت ماما ربنا يرجعهالى بالسلامة يا رب
وليه؟؟
مكانش عاوز يجبنى البرلمان ولا عاوز يركب النت نوع من العقاب يعنى
ومين مسح دموعك؟
علياء

19- ايه الصفه الى كنتى فاكراها فيا ملقيتيهاش ؟؟
انك ممكن تكون غلس ودمك تقيل

20- لو واحد اعمى قابلك وقالك اوصفيلى الدنيا هتقوليلو ايه؟؟
حقولة خليك كدا أحسن انت فى نعيم أصل اللى أنا حقولة مش حيعجبك

22-ايه نوع الكتب الى بتحبى تقريها؟؟
العلمية ، النفسية ، الألغاز والغموض ، الخيالية

23- ايه نوع الموسيقى الى بتحبى تسمعيها؟؟
الراب ، الموسيقى الهادية

24- ايه اكتر حاجه بتكراهيها فيا
؟؟
مفيش والله


25- ايه شعورك وانتى منوره الكرسى ؟
مزقططة أوى

ماهي أحلي ذكري في حياتك؟
وأنا صغيرة رحنا اسكندرية وقضينا أسبوع مع بعض لا يمكن أنساه
لكن دلوقتى بابا مبقاش فاضى بقى قليل أوى لما نخرج معاه

كلمه كان نفسك تسمعيها من حد بس مسمعتهاش
ايه هيا الكلمه وكان نفسك مين يقولهالك؟
انتى عملتى حاجة بجد وشرفتينى
بابا

ايه اكتر قسم عاجبك فى المنتدى؟
كل الأقسام جميلة

عضو\ة شخصيته على المنتدى غير شخصيته فى البرلمان؟
مش عارفة
ماهو نوع المواضيع اللي تشد انتباهك
المواضيع العلمية ، الخيالية ، الغامضة
شئ فعلتيه وندمتى على فعله
انى اديت ثقتى لحد ميستاهلهاش

ما هو اجمل موقف او اجمل ذكرى تتذكريها من طفولتك ؟
مش فاكرة بس هما كتير

ما هي اكثر وافضل لعبة كنتى بتلعبيها و أنت صغيره ؟
البيضة ولعبة كمان مش حتفهمها أبقى أقول لك عليها بعدين

هل ستربي اولادك بنفس الطريقة التي تربيتى بها في طفولتك؟
تقريبا مع بعض التعديلات

ما رايك بلغة الصمت؟
لغة فوق رائعة بس مش كل حد يفهمها

رتب الكلمات الاتية حسب الاهمية من الاكثر اهمية الى الاقل اهمية
الاهل - الصديق - المنصب - الحسب - الحق
الحق _ الاهل _ الصديق _ المنصب _ الحسب

عضو توقيعه رائع وعجبك
أبو يوسف وبيسو وانت
عضو صورته الرمزيه رائعه وعجبتك
علياء و راسو وميدو وباربى وبتر
لكل إنسان نقطة ضعف ,, فما هي نقطة ضعفك ؟
وانت عايز تعرف ليه ماشى يا سيدى انى بتعلق بالناس بسرعة
وزيادة عن اللزوم وممكن توصل لدرجة انى أعمل حاجات مبعملهاش علشان الشخص ده
وفى الأخر الشخص ده مبيقدرش تضحيتى دى

ماذا ستكتب لنا لتعبر عن حياتك التي عشتها الى الان في كلمات قليله ؟
كان معظمها ندمانة وتايهة ويا ريت يرجع بيا الزمن لورا كنت صلحت حاجات كتير فيها

مشاركه بالمنتدى كتبتها ندمان عليها
مشاركة كانت على موضوع لأبو يوسف فخبطت فيه شوية مش خبطت دا أناعكيت
بس الحمد لله بقينا تمام

ماذا يعني لك :
- الفراق
أوحش حاجة فى الدنيا
- الأحزان
-حاجة يا رب محدش يجربها لأنها بجد مؤلمة
الشعر
حاجة جميلة يبخت اللى عنده الموهبة دى
- الوطن
- مصر هى أمى نيلها جوا فمى
الأم
كل حاجة فى حياتى جوهرة ربنا ادهالى لازم أحافظ عليها
- منظر غروب الشمس
منظر جميل نفسى أشوفه على الحقيقة

أعطي لنفسك نسبة مئوية لكل مما يلي :
ذكائك
دى حاجة انتوا تكتشفوها
سعادتك
70%
حزنك
30%
ايجابياتك
80%
سلبياتك
20%
علاقتك بأصدقائك
90%
علاقتك بالعائلة
95%
خبرتك بالحياة
50%
الصحة
90% أحسن من غيرنا الحمد لله
التفاؤل
80%
التشاؤم
20%
الطيبة
70%
العصبية
20%
الوحده
40%

ماذا تفعلين عندما:

تغضبين؟
بحاول أكظم غيظى قدر الامكان بس ساعات بفقد أعصابى
تحبين؟
بعمل كل اللى أقدر عليه علشان أسعد اللى بحبه
تكرهين؟
ببقى نفسى أقتله
تبكين؟
بحاول أخبى عن كل اللى حواليه
تنتقمين؟
بدمر اللى خانى أو خدعنى
تتعرضين للخيانة؟
مببقاش عارفة أنا بعمل ايه وتوقع منى أى رد فعل
تتعرضين للنقد؟
لو نقد بناء وحيفدنى بتقبلة أما لو نقد هدام الغرض منه انه يهزنى أو يدمرنى مبديهوش أى اهتمام
تتعرضين للتجريح؟
بجرح أنا كمان
تتعرضين للخطر؟
بحاول أواجهه بس برده ببقى خايفه

من السهل على الإنسان أن ينسى نفسه و لكن من الصعب عليه أن ينسى نفسا سكنت نفسه"
ما رأيك في الحكمه دى ،، و هل هي صحيحه ؟؟
حكمة جميلة ويا بخت اللى جربها صحيحة 100فى ال100
كلمه كان نفسك تسماعيها من حد ومسمعتيهاش
برافو عليكى انتى بجد شرفتينى
ايه هيا الكلمه ومن مين؟
من بابا
ما هو الشئ الذى لا تريديه ان يحدث بحياتك
انى أفقد حد غالى عليا مش عارفة ساعتها حعمل ايه
هل تذكرين لنا صعوبة اجتزتيها بانتصار وجدارة ؟ لعلنا نستفيد منها
الثانوية العامة بس مش بالانتصار والجدارة اللى أنا كنت عوزاهم
تقدم لـ خطبتك رجل " مُحترم , مؤدب , خلووق , يحُبك حتى الجنون " لكن إكتشفتي أنه " بواب " .. هل توافقين عليه ؟
أيوة بس فى حالة واحدة لو كنت أنا سعدية الشغالة
ما رأيك فى من يكذب حتى لا يجرح مشاعر الآخرين؟
حاجة كويسة بس مش على طول بس تخيل لو الشخص اللى كدبت عليه علشان متجرحش مشاعرة اكتشف
انك بتكدب عليه وحس باحساس الشفقة حيبقى موقفك ايه؟
اذكري لنا مره قد انضربتي ضرب مبرح واذكري سبب الضرب
(انضربتى فى الخلاط ضربا مبرحا حتى اثتغثتى)
LoOoL
مرة وأنا صغيرة أصل كنت شقية أخر حاجة فخليت ماما فى البلكونة وقفلت عليها من بره
ولما حبت تطلع لقت الباب مقفول فأول حاجة قالتها: فين أسماء ؟ فسعتها مبقتش عارفة
أستخبى فين المهم قطعت السلك وطلعت وتدور عليا مش لاقيانى أصل أنا كنت ف مخبئى السرى تحت السرير لأنها كانت
حاطة الأكل على النار وشاط وبهدل الدنيا المهم أخدت عالقة ولا فى الأحلام والله ربنا ما يوريك
اكتر عضو بيعجبك اسلوبه
ميدو وبتر وانت وأبو يوسف وأحمد حامد
كتاب قرتيبه وعجبك اوي
كتاب اسمه سر الدهليز
هل انتي ممن يبكون عند الفرح
لااااااااااااااا ولاعند الحزن وحياتك
حاجة كنتي خايفة تحصل وحصلت
ان ماما تسبنى وتسافر فى يوم
قبل أن تقرأي أي موضوع هل تنظرين لكاتب الموضوع ام العنوان و بصراحة
العنوان

هل فى حد صاحبك خانك قبل كدا ؟
كتييييييييييير

ممكن تتخلى عن حلم حياتك من اجل صديقه؟
معتش بعمل كده

هل انت انطوائيه؟
أحيانا مش على طول
موقف زعلك من الكابتن؟
هو مش موقف هى حاجة بتزعلنى منه انى ببقى أكلمه وألاقيه مرة واحدة بيكلم حد تانى
عضو تقله ( والله اشتقنالك )
no comment
اكتر موقف احرجك امام ولد
مش لازم تعرفها دى بقى

معلش يا جماعة حصلت شوية لخبطات وجاوبت على أسئلة حمادة الأول
و دلوقتى حجاوب على أسئلة البرنسيسة

انتى عمرك كرهتينى؟ لأ طبعا يا هبلة بس انتى ساعات بتضايقينى ببقى عاوزة أخلص عليكى قولى مميزاتى؟ طيبة ، حنينة ، ذكية ، ساعات بتضحكينى تنصحينى بايه؟ انك تهدى شوية وتبطلى عصبيتك دى وتحاولى تعملى شغل أكتر فى البرلمان ايه اكتر موقف احرجك؟ أنا مش عارفة انتوا بتسئلوا الأسئلة دى ليه عموما انتى عرفاة يوم مكنا طالعين على السلم وكان فى راجل نازل وأنا كنت عمالة بغنى ومنهمكة أوى وفجأه لقيته قدامى مبقتش عارفة أعمل ايه ولا أودى وشى فين بقيت ف نص هدومى ايه رايك فى البرلمان؟ حاجة جميلة أوى وندمانة انى مجتش فيه من زمان اوصفى كلا من: الكبير الدماغ والفكر العاليين والمثبتاتى باربى الأخت الجميلة والمتكلمة جولدن الدماغ العالية والأخت الصدوقة بتر فلاى الأخت الهادية واللذيذة بيسو الأخ اللى كان نفسى ربنا يديهولى والبرلمانى الجامد ابو يوسف أخويا وأبو دم خفيف مستر دومة أخويا والدماغ الجامدة والذكى أوى تهدى لمين باقة ورد؟ لكل أعضاء البرلمان تقولى لمين و حشتينى؟ لماما ربنا يرجعهالى بالسلامة بتحبى تاكلى ايه؟ رقاق باللحمة المفرومة بتسمعى ميييين من المغنين؟او المغنيات؟ المغنيين: وائل جسار وفضل شاكر والمغنيات: اليسا وجنات وشيرين بتحبى مين اكتر انا و لا الاء؟و قولى بكل صراحة مش حزعل انتوا التنين زى بعض يا هبلة بس ساعات بميل لواحدة عن التانية مش أكتر كفايه كدا النهار ده سلام يا عثل يا ثكر

ودلوقتى أسئلة عصفورتنا الجميلة لولو


حتكتبلنا ايه عشان تعبرلنا عن حياتك الى انتى عشتيها لحد الان فى جملة مكونة من كلمات بسيطة و قليلة؟؟؟
كانت معظمها ندمانة وزعلانة من كل حاجة ولو يرجع بيا الزمن لورا
كنت حغير حاجات كتير فيها

لو حبتى تبكى الان حتبكى على مين؟؟؟
حبكى على حال البلد حبكى على كل شاب مات صغير
حبكى على واحد شايف الغلط ومبيحولش يغيرة
حبكى على واحد بيعاكس بنت زى أخته
حبكى على واحد شايف واحدة بتشحت ومبيحولش يساعدها
حبكى على ديننا اللى مبقناش بنعملة أى حساب
حبكى على زمتنا اللى بقينا بنبعها بالرخيص
حبكى على كل واحد معرفتش أساعدة
ولسه حبكى على حاجات كتير

ع تختارى مين ليمسح دموعك؟؟؟


الزمن
مين يسكن قلبك؟؟؟
كل انسان بحبه وأقدره وأحترمه

انتى تعتقدى ان حظك سيئ؟؟؟


ساعات كتير
هل حزنك هزمك فى يوم من الايام؟؟؟


أحيانا
((مستحيل انساك))
تقولها لمن؟؟؟


لكل الناس اللى بحبهم
((اللى راح راح و ما تفيد كلمة يا ريت))
اذا اردت ان تواجة هذه العبارة لنفسك : فماذا تقصد بها؟؟؟


أى موقف عملته وندمت عليه
((أنت كل شئ بحياتى))
لمن تقولها؟؟؟


ماما وبابا وعيلتى الجميلة
متى اخر مرة بكيتى فيها ؟؟؟


من كام يوم
اى الدول تتمنى ان تزوريها؟؟؟


أسبانيا
هل انتى راضية عن نفسك؟؟؟


فى حاجات حاجات يعنى تقريبا
هل تؤيد الزواج العاطفى ام التقليدى :و لماذا؟؟؟


والله لسه مجربتش علشان أحكم
هل تعرف بشئ اسمه صداقة بين الرجل و المرأة؟؟؟


لو فى حدود الاحترام والعمل ومفيش أهواء شخصية يبقى أوك أما لو غير كدا يبقى لأ
هل انتى مدمنة تفكير؟؟؟


جدا جدا
من هو اكثر شخص تفكرى فيه؟؟؟


الناس اللى بحبهم
اذا تم تعينك ملكة لجميع البلاد العربية فما اول قرار ستتخذيه؟؟؟


أولا أنفيكى فى مثلث برمودة
ثانيا أوحد البلاد العربية تحت قيادة واحدة
ثالثا أصدر قرار ان احنا لا نصدر ولا نستورد لحد مننهض بنفسنا
ونبقى أعظم أمة
هل تكره شخص بشدة فى حياتك؟؟؟


لأ
ما هو اقتراحك الذى تتمنية أن يحدث فى هذا المنتدى و لم يحدث الى الان؟؟؟


مفيش حاجة حاضرة فى دوماغى دلوقتى
هل ملابس الشخص الذى امامك تؤثر فيك لتأخذ عنه انطباع؟؟؟
أكيد طبعا الشكل بيأثر فى بناء فكرة عن الشخص اللى قدامى بس أنا عندى المضمون أهم
.
حكمة تؤمن بها جدا؟؟؟؟
لا تحب أوى ولا تكره أوى علشان متنجرحش أوى

عادة تفعلها دأئما تتمنى ان تتركها؟؟؟


انى ساعات بقول حاجات أرجع أندم عليها أو ساعات بتصرف من غير تفكير لما أخرج عن شعورى
ماذا تفعلى اول شئ اذا ربحتى المليون جنيها؟؟؟


حعمل حاجات كتيرة أوى أولها انى حسافر أدرس فى جامعة اكسفورد
اعتذار تريد ان تقدمه لمن؟؟؟

لكل انسان زعلته أو جرحته فى يوم

يا رب تكون الاسئلة عجبتك

يكون الشرف ليا اني اكون اول واحد يسالك
اسمك؟
سنك؟
عنوانك؟
كام مرة حبيت؟
ممكن تقول لواحدة بحبك؟
ايه رايك ف العك؟
اوصف كل واحد:
انا :
الادمين:
الدنجوان:
بلاك هيرت:
متمس:
فرح:
القائد ابو اسماعيل:
بكر:
بيمثلك ايه :
انا:
الادمين:
القائد ابو اسماعيل:
بكر:
عبد الله :
الدنجوان:
ممكن تحب عن طرق النت؟
ايه رايك في:
القائد ابو اسماعيل:
انا:
رئيس المدينة:
د/ابراهيم ابو الرووس وابنه:
الادمن:
البرلمان شباب وطلائع:
افضل فريق ف العالم فريق الدلنجات لليد:
لو لك ثلاث امنيات تتمني ايه؟
لو اللي انت بتحبها قالتلك يا تختارها هي يا تختار صحابك هتختار مين؟
لو واحد شتمك ف الشارع هتمل ايه؟ وايه اللي مفروض انك تعمله؟
مين العضو :
التافه:
الغامض:
العجيب:
المهيس:
المحبوب:
موقف احرجك:
موقف حسييت انك طاير ف السماء:
في واحدة قالتلك بحبك؟
ولو واحدة قالتلك بحبك انت هيكون ايه ردك؟
تتمني تكون فين ف العالم ومعاك مين؟
ولو انت روميو مين جوليت؟
ولو حسن مين نعيمة؟
ولو جاك مين رووز؟
ولو تيمور مين شفيقة ؟
ايه رايك ف الفراعنة؟
كان نفسك تعيش ف زمن الفراعنة ؟
لو لقيت اثار هتسلمها ولا هتبعيها؟
لو انت سايق عربيتك وواحد خبطك هتعمل ايه؟
مين مدرس الابتدائ اللي كنت بتحبه؟
ومين مدرسة الابتدائي اللي كنت بتحبها؟
ومين مدرس الاعدادي ومدرسة اللي كنت بتحبهم؟
وهل مريت بقصة حب ف الابتدائي ؟
ونفس السؤال بس ف الاعدادي؟
من انت؟
ومن انا؟
وكفاية علي كده وفي اسئلة تانية بس افكرلك

بسم الله الرحمن الرحيم


أتحتاجين دائماً إلى مظاهر خارجية من العطف و الحب ؟
ساعات كتير



-أتهتمين كثيراً برأي الآخرين ؟
لو حيفدنى مش حيضرنى مفيش مشاكل أما لو الغرض منه انه يهزنى أو يدمرنى فدا مبديهوش أى اهتمام



-ما اهم المميزات التى تميز الشاب من وجهة نظرك اي ما هي مواصفات فتى احلامك المستقبلي؟
انه يكون بيخاف ربنا وبيحبنى جدا وانه تكون شخصيته قوية وتفكيره عالى وانه يكون فيه شويه غموض
أما من حيث الشكل فأنا أحبه يكون حسن الهيئه ويهمه شكله وشياكته مش لازم يبقى توم كروز يعنى



-ماهو اسلوبك فى مواجهة المشاكل والمصاعب؟هل تهربى ام ماذا تفعلين؟
لأ متعودتش أهرب من مشكله تواجهنى بحاول أواجهها قدر الامكان ولو مقدرتش لوحدى بلجأ لربنا الأول
ومن بعده حد أثق فيه وعنده خبره يقدر يساعدنى

_ مالذي يجذبك في الشاب هل هو مظهره الخارجي ام طريقة تصرفه ام ماذا ؟؟
طريقه تصرفه لأن الانسان اللى قدامك ممكن تبنى عنه فكره من تصرفاته وطريقه تعامله مع
المشاكل اللى تواجهه ورد فعله على المواقف اللى قدامه
بس أنا شخصيا بتجذبنى الشخصية لأنى يهمنى المضمون أكتر ما يهمنى الشكل


- كم شاب عندك على المسنجر ؟؟؟؟ (بصراحة )
مفيش غير القائد أبو اسماعيل وابن عمى بس
لأنى مبكلمش جد معرفوش ومتعاملتش معاه قبل كدا



- وقت تحبين هل من الممكن ان تتخلين عن حبك بسهولة ؟؟؟
لو بحب بجد وواثقة من مشاعرى عمرى محتخلى عنه أما لو مشاعر عابره
فدى نهايتها الطبيعية انى أتخلى عنها وأنساها


-(الخيانة) يا ترى ما هو رئيك بالخيانة وخصوصا اذا كانت من حبيبك
عمرى محسامح وخصوصا لو من حد قريب منى


- الغيرة هل انتي غيورة؟؟؟ وهل غيرتك هذه غير طبيعية ؟؟
أكيد طبعا
الى حد ما طبيعيه



- اذا شفتي بنت احلى منك بتغيري منها منها ؟؟؟
أنا أغير منها فى حالة واحدة لو هى مثقفة ومتكلمة وملمة بحاجات كتيرة ولبقة
وبعدين الشكل دا لا أنا ليا دخل فيه ولا هى ليها دخل فيه
وربنا سبحانه وتعالى قال "ان ينظر الى قلوبكم لا الى صوركم " فى ما معناه يعنى
لأن الشكل عمره مكان طريقه للحكم على الانسان

- مين المطربة اللي بتحبيها ؟؟
اليسا وجنات


- ما هو موقفك وقت تشوفي حبيبك بيتكلم مع صديقتك المقربة بمنظر يثير الشبهة ؟؟؟
مش عارفة ساعتها ممكن أعمل وتوقع منى أى رد فعل


- ما ردة فعلك عندما تعرفين ان حبيبك يكلم غيرك من البنات على المسنجر ؟؟؟
مش حبقى عليه تانى علشان هوا خان العهد اللى بينا وخدعنى وادالى دور الكومبرس فى حياته
وأنا عمرى محرضى انه يهمشنى فى حياته وانى أكون حاجه بيلجأ لها وقت ما يعوز
يا اما أكون الأساسية يا بلاش أحسن

- هل من الممكن ان تحبين عن طريق النت ومن دون ان تعرفي شخصية من تحبين ؟؟؟ او حتى بعد ان تعرفين الشخصية ؟؟؟
لأ لا يمكن لأن النت مش وسيلة للحب لازم الحب يكون مبنى على اقتناع
ومينفعش أقتنع بواحد أو أحبه وأنا عمرى مشفته ولا حتى بنيت فكرة عنه
من خلال تصرفاته أو أفعاله
لا معتقدش


-عندما تحبين عن طريق النت وتطلبين مشاهدة صورة من تحبين وتفاجئتي بقباحة الشخص الذي تحبينه !!! ما هي ردة فعلك !! هل ستتركين هذا الشخص ؟؟؟
أنا قلت ان الشكل مش مهم المهم المضمون ودا واحد أنا عمرى مشفته ازاى أساسا ححبه علشان أسيبه
[center]

ماذا ستكتب لنا لتعبر عن حياتك التي عشتها الى الان في كلمات قليله ؟
جاوبت مسبقا

.هل تعترف بشيء اسمه الصداقه بين الرجل والمرأة ؟
جاوبت مسبقا
.هل انتي مدمنة تفكير؟
جاوبت مسبقا
.من هو اكثر شخص تفكري فيه؟
جاوبت مسبقا
.اذا تم تعيينك ملكاه لجميع البلاد العربيه فما اول قرار ستتخذيه ؟
جاوبت مسبقا
.ماالذي يلفت انتباهك بسرعه في الشخص لكي تعجب به ؟
جاوبت مسبقا
اذا احببتي شخصا في الوقت الخطأ وفي المكان الخطأ فماذا تفعلي ؟؟
الحب مفيهوش وقت ولا مكان دى حاجة بتيجى فجأة وملهاش معاد محدش يقدر يتحكم فيها
الا اللى مسيطر على نفسه كويس
.حكمة تؤمني بها جدا؟؟
جاوبت مسبقا
.هل انتي من لديهم رغبة حب التملك واذا تملكتي الشيء اصابكي الملل منه ؟
لأ معتقدش لأن حق التملك فى الحاجة اللى تخصنى أنا بس مش الحاجات العامة

أحمد عصام أنا مش فاهمة أسئلتك فى ناس كتير انت بتتكلم عنهم أنا محضرتهمش
وبعدين انت بتتكلم بلغة المذكر مش المؤنث انت شايفنى ايه؟؟؟؟ ولا انت ليك رأى تانى؟؟؟؟؟
ظبطها وان شاء الله أجاوب عنهم

سوري لسه متشرفتش وعرفت حضرتك

بصي بقي دي اسئله جديده عاوز اعرف رايك فيها بمع/ضد مع التعليل يلا نبدا * الزواج المبكر: * الوثوق بالناس: * قيادة المرأه للسيارة: * حقوق المرأه : * التمسك بالرأي حتى وان كان خاطئا : * الثقه الزائده بالنفس : * ستار اكاديمي : * عيد الحب : * الاختلاط : * البلوتوث : * قناة الجزيرة: * تعدد الزوجات: * المدارس الداخليه : * نوم البنت عند الاقارب : * الانترنت * مقوله : الغايه تبرر الوسيله : * الوجبات السريعه : * منح الموبايلات للأطفال : * زواج الأقارب : الحب في مرحله التعليم * الافلام المصريه*التوك توك* تعليم اللغات في المناهج* المنتجات الصينيه* المدارس التجريبيه* الكليات الخاصه* الرشوي* كادر المعلمين *تخصيص مياه النيل *دخول ماده الدين في المجموع*الحكومه المصريه* الاذدال* الخمار* النقاب* الدروس الخصوصيه* البرلمان* وجود جدار فاصل بين مصر وفلسطين* الخصام الذي بين مصر والجزائر* مسلسلات رمضان الكثيره * صلاه المرأه في المسجد* زراعه القلب * شم النسيم* كحك العيد* التشدد الديني* كرومبو* مسابقات ال 0900 * الصدفه* التعليم المصري* جمعيه رساله* الدش المركزي* الاغاني* بس ياريت تجوبي بمع او لا مع التعليل بس

اسفه لانى هسالك كده وانا اول مره ادخل

أبدئي بذكر بطاقتك الشخصيه
الاسم::
العمر::
الحالهــ الاجتماعيه::
السكن::
مستواك الدراسي::

في وقت الضيقة والزعل أول شخص تدورين عليه مين؟

أكثر شخص ترتاحين له وتبثين له همومك؟

إنسان يجيب لك الإكتئاب ؟

أكثر شي يفرحك ؟

أكثر شخص في المنتدى نفسك تقابلينه؟

ماذا يعني لك الشخص البدوي والحضري ؟

أكثر شخص تحبيه وما تحبيه في المنتدى ؟

ايه الأمنية الي كنتى عاوزاها تتحقق وما اتحققتش؟

ممكن تعبرى عن نفسك بجمله.......

ماهدفك بالحياه ؟

باقة ورد لمن تهدينها ؟

حقيبة اسرارك عند من تضعينها ؟

متى يعاندك النسيان ؟

هل وسبق كذبتي على شخص لمصلحتك ؟

متى يقسو قلبك ؟

متى تخجلين من نفسك ؟

كلمه صريحه استحقها منك ؟>>>>>>اكيد بتقولى باااارده لانها اول مره تدخل وتسأل الاسئله دى كلها صح

هل من سؤال متردده انك تساليني اياه ؟

هل انتي تحبين؟ و تستاهلين الحب اللي يجيك ؟؟

سر لاول مره تعلنينه لنا ؟

ماهو اكثر شي تخشينه ؟

ماهي التجربه اللتي تتمنين من تكراراها؟

هل لديك رغبة حب التملك ؟

ما رايك في ..
-الحب
- الليل
- القمر
- الفراق

موقف صدمكي ولم تنسيه حتى الان ؟

شخص تتمنين الانتقام منه ؟

كلمه تودين سماعها كل يوم ؟