انتي (بنــــــــــــــــــــــــــــــــــــــــــــــــــــــت , بنت , بنت )...!

بنت ممنوع ان تتكلم ...

بنت ممنوع ان تتعلم ...

بنت ممنوع ان تحلم ...

بنت ممنوع ان يكون لها مستقبل ...

بنت ممنوعة من الحب ...

بنت ممنوع من الترفيه ...

بنت ممنوعه من التمييز ...

بنت ممنوعة من الابداع ...

هي بنت اذاً لاتجيد غير الطبخ وتنظيف ارضية المنزل ...

لانها بنت يجب عليها ان تكون كما يريدون لا كما تريد ....

لانها بنت ممنوع ان تناقش اي قضية فالاسرة هي القاضي والخصم في نفس الوقت ...

لانها بنت يجب عليها ان ترضى بالواقع مهما كان مر ...

لانها بنت يجب ان ننزع منها معنى الرحمة من قلبها ...

لانها بنت يجب ان تمضي كما اريد انا ...

لانها بنت ولانها بنت ولانها بنت ....

في واحد منكم يقدر ينكر الكلام الي انكتب فوق ...

للآسف واقع نعيشة في مجتمعاتنا في العالم الرابع ^_^

البنت لو ابدعت هتشوف الاشاعات تلاحقها في كل مكان ...

"مديرها معجب بها لذا ....هي مبدعه ...

البنت لو اشتغلت قالو مفيش حد يضبطها ...

وكأن عمل الفتاة شيء محرم في الاسلام ...

لو حبت ترفه عن نفسها ...

قالوا عنها قليلة حياء ...

مش بتتكسف...

وكأن الفتاة بلا احساس ...

عارفه ان القضية متشعبة ....

لكن لكل شي ابجديات ...

تحياتي للجميع ...

جردوا آقلآمكم وعبروا عن آرائكم ..

عضو برلماني

لا لا لا مين قال كدة المرءاة هي نصف المجتمع

صحيح المرأة نصف المجتمع
بس للاسف دى ممكن تكون نظرة 10% بس من المجتمع العربى للبنت
انما فى ناس معيشة بناتهم على ايام سى السيد
اللى هى نظرتهم
بنت =طبخ=تربية ولاد=حرمان من الميراث=قهر وذل=ضرب وقلة قيمة
وده للاسف الشديد موجود دلوقتى
يعنى مبقاش فى وسط
اللى هو ان البنت تقوم بواجبتها +حريتها وراحتها
مش معدوووووووم بس قليل اوى
يا اما تسيب خالص وحرية زايدة وقلة ادب يا اما كبت وعبودية
وعموما تسلم للرد الجميل ده يا احمد ومستنية باقى التعليقات

موضوع مهم جدا واتمنى انك تنقشيه فى اى جلسه

بس وجهه نظرى

المراه من حقها تشتغل ومن حقها تعمل كل حاجه ولكن بحدود عشان الفتنه فى البلد كترت

شكرا للمرور
وان شاء الله هحاول اعمله موضوع للنقاش فى اى جلسة

موضوع حلو ياروزا ولازم يتناقش بإستفاضة

المنتدى لواحده مش كفاية

بس ليكى كل الشكر

تعليقى بقى

المرأة الحمدلله واخدة حقوق كتير جدا

بدليل بسيط جدا

أنك بتحضرى معانا فى البرلمان

صح يا كابتن دليل قوي ومش لوحدها في كتير مي البنات كمان وبعدين المراه بتشتغل تقريبا كل المهن يعني الكلام بتاعك ده كان زمان مش دلوقتي وموضوع جميل

محمد اسماعيل كتب:: موضوع حلو ياروزا ولازم يتناقش بإستفاضة

المنتدى لواحده مش كفاية

بس ليكى كل الشكر

تعليقى بقى

المرأة الحمدلله واخدة حقوق كتير جدا

بدليل بسيط جدا

أنك بتحضرى معانا فى البرلمان

ميرسى على المرور يا كابتن
وان شاء الله هحاول اناقش الموضوع فى الجلسة
بس تعليق صغير على كلام حضرتك
انا فعلا بروح البرلمان وبحضر جلسات
بس يا ترى تعرف ايه اللى بيتقال قبل ما اروح؟؟؟؟؟؟؟؟؟؟
سؤال بس مش هجاوب عليه لان بيتهيقلى اجابته معروفة اوى والكلام ده مش بيحصل معايا انا بس

ومش معنى انى كاتبة الكلام ده ان كل اللى قلته ده بيحصل معايا
بس انا بتكلم من المنطلق العام صحيح المراة واخدة حقوق كتيرة بس نسبة ضئيلة
وفى كمان اللى مبتستغلهاش صح
اتمنى يكون رايى وصلكوا ومشكورين على المرور للمرة التانية

Ahmed Hamed كتب:: صح يا كابتن دليل قوي ومش لوحدها في كتير مي البنات كمان وبعدين المراه بتشتغل تقريبا كل المهن يعني الكلام بتاعك ده كان زمان مش دلوقتي وموضوع جميل

ميرسى يا احمد على المرور
ويا ريت تقرا التعليق اللى لسه كتباه من شوية

تمام ياروزا

بس أنتى بتحضرى مع كل الضغوط إللى عليكى

دامعناه إيه؟؟؟

أن إللى عاوز حاجة وهى صح بيعمل كل مافى وسعه

عشان يعملها وأديكى بتحضرى

كذلك المرأة عموما فى مجتمعنا

لوسمعت الكلام وقعدت فى البيت وصدقت أنها فهلا مالهاش لازمة

مش حتبقى المرأة أللى أنتى عاوزاها

عموما اختلاف الراى لا يفسد للود قضية
وميرسى للمرور كمان مرة يا كابتن

بصى بقى يا روزا
زى ما الكل قال المرأه وخده حقوقها على اكمل وجه
انتم بقى الى بتفرطوا فيها
وعلى الاشاعات
من كتر الاشاعات الى فى البلد معتش حد بيصدق وان كان فى اشاعه طلعت اخرها اسبوع وتتنسي
يعنى من الاخر الكلام مش بفلوس ولا عليه جمارك
هو اه الشعب المصرى تافه وبيصدق اى حاجه ومبيدورش على وقائع ولا بيفتكر (اذا جاءكم فاسق بنبأ فتبينوا )
يعنى مش لازم نقف عند الاشاعات

بس برده فى حاجتين مهمين لازم الواحده متنساهمش
هيا العادات والتقالد المصريه
يعنى البنت مش تتفسح فى الشارع بالليل وتقول حقى

والثانيه واجبتها تجاه بيتها
يعنى قبل ما تدور على حقوقها تشوف واجباتها

وآخيرا ليس آخرا
ثانكس روزا على الموضوع الهايل ده

انتوا يا جماعة(الصبيان)بتقولوا كده لانكم مش حاسيين بحاجة
انتا بتخرج تتفسح تروح منين مانتا عاوز لكن البنت مفيش خروج اصلا لا ليل و لا نهار
و بيقولوا خايفين عليها خايفين عليها من ايه يعنى البنات اللى بتخرج اهلها مستغنيين عنها
و البنت لو اتأخرت بره البيت شوية البيت يقوم حريقة و مينطفيش و انتوا بتقولوا واخدة حقوقها دا كلام على ورق
واحنا بنروح البرلمان عشان الاهالى بدأوا يبقوا متحضرين و يفهموا ان عصر سى السيد انتهى من زمان
ودا مسموش خوف دا اسمة تقييد لحرية البنات مش معنى ان احنا كبرنا لقينا اهلينا اللى قبلنا بيعملوا كدة يبقى نقلدهم تقليد اعمى يمكن هما بيعملوا كدة لان ايامهم ما كنش ينفع يعملوا غير كده لكن احنا دلوقتى الزمن اتطور ولازم نتطور معاه
وفى النهاية بشكر روزا على الموضوع الجامد ده فعلا هوا موضوع مهم

شكرا روزا جدا جدا على حاجات كتير منها انك
اخترتى الموضوع الرائع دا
ومنها الجملة دى اللى محتاجة برواز ( اختلاف الراْ ى لا يفسد للود قضية )
ومنها و و و و و اما عن راْ يى
زى حضرتك ما قولتى ان الموضوع متشعب جدا
بس الاول لازم اقول ان فعلا المراْة مش واخدة غير جزء من حقوقها مع اشد احترامى لكل من يختلف معايا
عشان كدة انا ممكن اقول بعض الاسباب من وجهة نظرى
1- مفيش عندنا ثقافة التربية لا فى البيت ولافى المدرسة يعنى التربية لاتقوم على اساس علمى مقبول
2- الاباء والامهات مش فاضين للموضوع دة اْو بمعنى ادق ليس لديهم ما يكفى من الوقت للرعاية التربوية السليمة لابناءهم
3- اذا كان لدى الاباء هذا الوقت والامهات طبعا فمن الصعب استغلالة على الوجة الامثل بل من الممكن ان ياتى بنتائج عكسية
4- عدم وجود ثقافة اختيار القدوة ومن انتائج الطبعية ظهور فكرة التقليد الاعمى
5- الشعور الذى يملا افكار معظم الفتيات انها مش حتقدر ( انتى بنت وماينفعش شوفى الناس حيقولوا عليكى اية يابنتى خافى على نفسك وعلى مستقبلك كبنت ) وغيرها من الافكار الخاطئة
6- الفهم الخاطىْ من معظم الفتيات لطريقة التربية الاسلامية ( كيف عامل الاسلام المراْة )
هذة ستة من خمسة وعشرين بس اخاف اطول عليكم
بس فية حاجة اخيرة
( يكفكن قول الرسول *ص * رفقا بالقوارير ) وقول الامام على * رفقا بقلوب العذاراى فان قلوبهن هواء * )
وقول ال ............ النساء ورثن جبروت حواء والرجال ورثن طيبة اْدم
وشكرا لحضرتك جدا [right]

موضوع حلو اوى بس مش شايفه ان فيه مبالغه فى الكلام الىل اتقال شويه او على الاقل فى الصورة اللى طلعتى بيها جملك فى بدايه الموضوع على العموم
لو اتكمنا عن الموضوع فهو محتاج وقت فياريت تعرضيه لو فضلتى معانا فى البرلمان وحتى لو لا لقدر الله فااحنا اكيد هنعرضه
تقبلى مرورى

» انتي مين
» هل انتي صادقة مع نفسك؟طيب ادخلي وجاوبي