ياتري مين الي هيكون علي كرسي الاجابات كرسي التعب كرسي المشقه كرسي الاعتراف

بعد منافسه كبيره جدا بين باربي وروزاليند وبعد حاله التعادل التي كانت بينهما في عدد الاصوات وبعد الحيره فعملنا حادي بادي كورمب زبادي واختارت رووووووزالند وبعد اسبوع باربي اجلسي يامولاتي ع كرسي العرش الجميل لمده اسبوع متعب وشاق يلا نبدا

ايه ده ايه ده
يعنى انا اللى اتدبست فيها فى الاخر
عموما ميرسى يا جماعة
وانا جاهزة للاجابة عن اى اسئلة
فى اى وقت
اهجموا براحتكوا

دي اول دفعه من الاسئله ونورتي الكرسي اوصفي كل من ميدو سعد، بتر فلاي، انا، باربي، راسو،جولدن بتر ،القائد واكيد انت 2 نفسك تعملي ايه في حياتك 3 ونفسك تبقي ايه 4 هل انتي كئيبه ام متفائله 5 ليه لبستي الازدال وليه سبتيه 6 انتي بتذاكري كويس ولا لا 7 لو انتي رئيس برلمان طلائع الدلنحات كنتي هتعملي ايه وايه القرار الي كنتي هتتخذيه 8 مين اكتر شخصيه في البرلمان ظريفه.متفائله . طيب .شرير . خبيث . (سدغ) ؟! 9 مين الشخصيه الي عيزاها تسيب البرلمان كفايه كده دلواتي

1 - ماهي اعلى مرحلة تعليمية درستيها؟2- ماهوا طموحيك في الحياه ؟3 - ما هوا افضل كتاب قرئته ؟ 4 - ما هوا افضل فيلم عربي بنظرك ؟ 5- ما هوا افضل فيلم اجنبي بنظرك ؟ 6 - ماهو عصيرك المفضل ؟ 7 - ايهما تفضل القهوا أو الشاهي ؟ 8- بارد او ساخن ؟9- ماهو افضل شخص لكي في الحياه ؟ 10- هل تقرائي الصحف والمجلات بشكل يومي ؟ 11 - ماهي افضل صحيفة بنظرك ؟ ولماذا ؟؟ املائي الفراغ بالعضو المناسب عضو محترم ... عضو مثقف ... عضو متهور ... عضو دمة خفيف ... عضو نفسك تشوفية ... عضو تحب تتابع مواضيعة ... عضو نفسك تضربه ... عضو قريب منك... عضو فزيع ... عضو رسمي ... عضو شاعر ... سـ// ماهو التسامح والرضـا في نـظرك؟ وهل تعتبري نفسك شخص متسامحه ؟ -جمال الحياة عندك أين يكمن.؟ -من دفتر حياتك.. ورقة تتمنى أن تنزعيها.؟ -ما الهم الذي يؤرق كيانك.؟ -متى تكون الكلمة مشوهة الإحساس.. مشلولة العواطف ؟

ونقول بسم الله الرحمن الرحيم
ونبدا باسئلة احمد حامد

Ahmed Hamed كتب:

1 - ماهي اعلى مرحلة تعليمية درستيها؟ الاعدادية طبعا
2- ماهوا طموحيك في الحياه ؟ الصراحة انا مليش طموح معين او حلم معين او بمعنى اوضح طموحى مبيقفش عند نقطة معينة نفسى احقق كل حاجة فى اى حاجة نفسى اوصل لاعلى درجة علمية نفسى اكون مرتاحة ماديا ونفسيا نفسى اكون الزوجة والام المثالية نفسى فى حاجات كتير اوى بس السؤال يا ترى هحققها3 - ما هوا افضل كتاب قرئته ؟
انا قريت كتب كتير اوى ملهاش عدد لان القراية من هواياتى بس انا بفضل كتب علم النفس والتنمية البشرية وخصوصا للدكتور ابراهيم الفقى واحسن كتاب قريته له هو كتاب بعنوان المفاتيح العشرة للنجاح4 - ما هوا افضل فيلم عربي بنظرك ؟ 5
الصراحة انا مش من محبى الافلام العربية لانى مش بقتنع بتمثيلهم بس هقول انا النوع اللى بفضله فى كل الافلام هو الافلام الرومانسية- ما هوا افضل فيلم اجنبي بنظرك ؟ 6
فى الاجنبى بقى فذوقى يختلف انا بحب الاكشن والرعب واجمل فيلم اجنبى سمعته هو jumper - ماهو عصيرك المفضل ؟ انا مش بتغضب يعنى بشرب اى حاجة بس اللى بفضله على الفطار هو الفراولة 7 - ايهما تفضل القهوا أو الشاهي ؟ 8 الشاى بس احيانا بضطر اشرب قهوة ايام الامتحانات- بارد او ساخن ؟ ساخن9- ماهو افضل شخص لكي في الحياه ؟
مفيش شخص محدد او بمعنى اصح اى حد له علاقة بيه بيمثلى حاجة فى حياتى بس اكتر شخص بحبه وبعتبره قدوتى هى والدتى لانى بحسها مثال للحنان والامومة وفى نفس الوقت النضال والكفاح10- هل تقرائي الصحف والمجلات بشكل يومي ؟ مش بشكل يومى لانى مبلاقيهاش كل يوم بس لو لاقيتها اقعد اكتر من ساعتين افحص الجرنالبس مش على طول يعنى ممكن نقول مرتين فى الاسبوع 11 - ماهي افضل صحيفة بنظرك ؟ طبعا وبلا فخر هى مجلة برلمان طلائع الدلنجات ولماذا ؟؟ لانها حاجة بتعبر عننا وبتعرف الناس اننا موجودين ولينا كلمتنا ونقدر نوصل صوتنا وده اكبر دليل وكمان احنا اللى عملينها بمجهودنا وافكارنا فبجد بتبقى حاجة جميلة اوى لما تبقى ماسك ثمرة جهدك وبتصفح فيها
املائي الفراغ بالعضو المناسب عضو محترم كتير والله ملهمش عدد واقدر اقول كل اعضاء البرلمان بحس فيهم الاحترام... عضو مثقف كتير برضه بس االلى لمستها فيه اكتر من مرة هو محمد اشرف السعداوى ... عضو متهور انا متهورة بس فى لحظة الغضب وكمان وس السعداوى ... عضو دمة خفيف احمد دومة واحمد يوسف ... عضو نفسك تشوفية هى الصراحة عضوة ووحشانى اوى وهى سم عسل ... عضو تحب تتابع مواضيعة كلكم مواضيعكم جذابة وجميلة واحب اقرا كل المواضيع اللى على المنتدى بس انا لما بقرا الموضوع مببصش لاسم الكاتب اللى بيشدنى اسم الموضوع... عضو نفسك تضربه جولدن لانها سيحتلى على حاجة مكنتش عايزة حد يعرفها بس يلا المسامح كريم... عضو قريب منك جولدن برضه عشان كده قلت المسامح كريم والا... عضو فزيع . الاورانج.. عضو رسمي باربى واختها... عضو شاعر اكيد طبعا الكنج احمد فرحانة اللى بتنبا له بمستقبل مبهر فى المجال ده بس هو يكمل ... سـ// ماهو التسامح والرضـا في نـظرك؟
هو ردة فعل بتنتج عن انسان قلبه كبير وعقله واعى بيقدر من خلالها انه يكسب قلوب الناس بس مش دايما بتبقى كويسة وهل تعتبري نفسك شخص متسامحه ؟ مش فى كل الاحيان يعنى اذا كان الخطا بسيط ويستحق الغفران خلاص بعديها ومبدققش اوى وخصوصا اذا كان الشخص ده قريب منى اما اذا كان غير كده فده يا ويله يا سواد ليله -جمال الحياة عندك أين يكمن.؟ جمال الحياة بيكمن فى مقدار حبك ليها يعنى ابتسم للحياة تبتسملك حتى لو كنت فى عز ضيقك ومحنتك فان برضه فى امل -من دفتر حياتك.. ورقة تتمنى أن تنزعيها.؟
لو تقصد موقف يعنى او حدث حصل فده هيبقى كتير لانى احيانا وفى لحظة تهور باخد قرارات ممكن تخسرنى كل حاجة فى ثانية واحدة -ما الهم الذي يؤرق كيانك.؟ الهم الذى يؤرق كيانى هو بكرة بخاف اوى من المستقبل قبل ما انام واول ما افتح عنية افكر فى اللى ممكن يحصلى احتمال مفتحش تانى الله اعلم -متى تكون الكلمة مشوهة الإحساس.. مشلولة العواطف ؟ لما بتكون خارجة من انسان كذلك ومن قلب احساسه مش صادق

وميرسى كتير يا احمد على الاسئلة اللى استمتعت بيها جدا وفى انتظار البقية باذن الله

نيجى لاول دفعة اللى ماخدتش بالى منها الا دلوقت
اوصف كلا من ميدو سعد الاخ المحترم وصاحب الافكار الجميلة والابداعية بتر فلاى اقدر اسميها الام الحنونة يعنى بتخاف علينا كاننا اولادها والصاحبة الجدعة انت بقى العصبى حبتين واحيانا بتبالغ فى ردة فعلك سواء كانت حلوة او وحشة بس برضه الانسان الجدع فى وقت الشدة ويعتمد عليك
باربى وخداها جد حبتين عندها الحياة كلها جد وبس وانا متاكدة انها هتندم على كده بعدين لانها معطتش نفسها فرصة انها تعبر عن ذاتها وعايزة تبان بشكل القوية والصلبة راسو شخصية جميلة جدا انا متعاملتش معاه كتير عشان افتى بس اقول هو لو يبطل السهتنة والسرحان اللى فيه على طول ده هيبقى احسن جولدن بتطلع منها حاجات بتزعلنى انا شخصيا بس بعديها لانى ببقى عارفة انها مكنتش تقصد وبعدين بيبقى ساعتها وقت هزار ومينفعش اقفش بدون مقدمات بس بعاتبها بهزار برضه ويمكن مبتاخدش بالها ساعتها القائد فاديك انت قولتها القائد بحس انه زى اخونا الكبير اللى بيخاف علينا وبيسعى دايما لمصلحتنا بس احيانا بتبقى تلميحاته زى ما بيسميها جارحة اوى انا بقى فانا انسانة زى باقى الناس بس عشان دايما مبحبش ابين اللى جوايا للناس يعنى تشوفونى تقولوا هطير من الفرحة وده بيبان من خلال تعبيراتى بس والله ببقى غير كده تماما من جوه عشان كده بقول على نفسى الغامضة وده مش عشان خاطر حد ده عشان نفسى مبحبش اتعب نفسى نفسيا بالذات فبسيبها على الله

نفسك تعملى ايه فى حياتك ؟ نفسى اعمل كتير اوى ولو اتكلمت عن اللى عايزاه هتكلم لتانى يوم الصبح بمعنى اصح نفسى اوصل لاعلى درجة فى اى حاجة اعملها وميهمنيش دلوقتى انا بتبع المثال اللى بيقول اما نشوف مين اللى هيضحك فى الاخر

نفسى ابقى ايه لو فى حياتى العملية والشغل يعنى نفسى ابقى دكتورة صيدلنية بناء على رغبة والدتى
انتى كئيبة ولا متفائلة ؟ انا على طول متفائلة مش معنى كده انى عمرى مكتابت بس نادرا لما تحصل لان انا بحب الحياة اوى وعاطية نفسى المساحة لانى اعبر عن اللى جوايا ودايما بتبع اللى بيقول تفائلوا خيرا تجدوه

ليه لبستى الاسدال وليه سبتيه؟ لبست الاسدال رغبة منى فى ذلك اولقيته حاجة ساترة ولما ضربتها فى دماغى لقيت انى مش هخسر حاجة
بل بالعكس هكسب رضا ربنا وكنت مقتنعة مية بالمية واللى زادنى اصرار ان كل زميلاتى قالولى هتقلعيه ومش هتكملى عند يعنى
واللى خلانى سبته فده والله غصب عنى وكان على عينى بس انتوا عارفين زن الامهات بقى اللهم اكفيكم شره ماما قعدت تقولى يا بنتى كبرتى نفسك قبل الاوان والخ وسبته وانا على عينى

انتى بتذاكرى كويس ولا لا؟ الحمد لله على كل شئ بس اليومين دول حاسه انى مشتتة تماما مش عارفة اركز فى اى حاجة حتى المذاكرة يعنى انا والله متحملة مسؤلية لو جبل كان زمانه اتهد من زمان بس الحمد لله نحمده ونشكر فضله بس انا تعدى الازمة اللى انا فيها وهرجع زى الاول انشاء الله واول حاجة هفكر فيها هى مستوايا المدرسى

لو انتى رئيس البرلمان ايه اول قرار هتتخذيه؟
اولا انا استبعد فكرة انى امسك الرئاسة مش عشان مش قدها بس عشان انا مش لاقية نفسى فى البرلمان ككل لاسباب كتيرة ولو حصل ومسكتها فاول قرار هتخذه انى هعمل فرز لاعضاء البرلمان يعنى مش هدخل اى حد معانا كده من غير منعرف عنه حاجة ويسوء لنا سمعة البرلمان اللى فضلنا طول عمرنا نحافظ عليها ومتهيقلى قصدى مفهوم
اكتر شخصية فى البرلمان ظريفة احمد دومة ظريف ببراءة
متفائلة لو حد غيرى فهنقول جولدن بس مش دايما
طيب كلكم طيبين والحمد لله ودى مش مجاملة
شرير بما ان كلكوا طيبين فاكيد مفيش حد شرير
خبيث بحسها فى ناس معينة بس مفيش داعى لذكر اسماء
سدغ ههههه والله يا بنى كنت بهزر منها لله اللى وقعت بينا بس نقدر نقول الاورانج
الشخصية اللى عايزاها تسيب البرلمان هو والله فى حد معين لسه جديد علينا ومتطبعش بطباعنا وفاكرها تسلية وتعارف بس الحكاية غير كده خالص وللاسف بيصدر منها افعال تنرفز الواحد والحدق يفهم بقى

ميرسى يا احمد على اسئلتك اللى استمتعت بيها كالعادة ومستنية الباقى

نيجى بقى لاسئلة الريس

بتحبى العمل التطوعى من اجل المنصب والشهرة ولا المنطق؟؟
الصراحة عشان الاتنين اولا عشان المنطق وطالما انا مقتنعة باللى بعمله وعارفة انه صح وهاخد ثوابه عند ربنا يبقى خلاص ثانيا عشان الشهرة بس مش لصالحى انا بس يعنى اقصد احنا البرلمان ككل وبعدين الناس لما تشوفنا بنعمل حاجة زى دى هتقتنع بينا وساعتها هنثبت انه مش لعب عيال وكمان هيبقى لينا صيت مسمع والناس هتعرفنا وهتعرف اللى بنعمله وكده
ايه طموحاتك فى البرلمان نفسك توصلى لايه؟؟
انا افضل اقول طموحاتى عشان البرلمان يعنى مش فى البرلمان احب اتكلم من المنطلق العام لان نفسى ان البرلمان يبقى حاجة كبيرة اوى ولما يتذكر اسمه فى مكان نلاقى رد افضل من اللى بنلاقيه اما بالنسبة لطموحاتى الشخصية فانا مش هعوز اكتر من رئاسة لجنة ده ان كملت فيه ان شاء الله ادعولى بس

من خلال متابعتك لاعضاء البرلمان من هو
العقرب
حد معين بس محبش اذكر اسمها عشان المشاكل بس

السهنة
الشلة بتاعتنا يعنى انا وبتر وجولدن وباربى ده على حسب كلامكوا انا مجبتش حاجة من عندى

الذكى
ممكن يكون دومة هو زكى بالفطرة يعنى زى الطفل الصغير فى حب الاستطلاع

المتحضر
ممكن يكون الدنجوان متحضر فى اسلوبه

الفكر
جولدن وبتر فلاى

الاستاذ
القائد ابو اسماعيل

الاورانج
no comment

خفيف الدم
احمد يوسف

رجل المستحيلات
برضه الكابتن عشان مفيش حاجة بتقدر تقف قدام اصراره

عايز رايك فيه وبصراحة واوعدك مش هزعل؟
انا اكيد هتكلم بصراحة عشان مبحبش النفاق واكيد انت مش هتزعل عشان مفيش حد بيزعل من اخواته يا باسم
رايى فيك انك شخصية محترمة جدا وبتحب الخير للناس وصادق مع نفسك وعندك ثقة فى نفسك بس مش عالية للدرجة اللى محتاجها
وجدع قوى فى وقت الشدة وانا بتكلم عن تجربة وبتخاف علينا اكتر من خوفنا على نفسنا وطبعا زى ما فيك المميزات دى كلها اكيد فيك عيوب اولها انك عصبى بس مش للدرجة اللى انت متخيلها عن نفسك يعنى بدرجة طبيعية وزى ما قلت الجلسة اللى فاتت ان فى مواقف بتبقى محتاجة عصبية وبتدى الناس اكبر من حجمها وده يمكن يهز ثقتك فى نفسك شوية وبتثق فى راى غيرك فيك كانه هو ده الصح وهو ده انت فعلا بس مش دايما بيبقى صح يعنى فى الكلام اللى قلته عنك ده اكيد فى ناس هتعارضنى فيه وهكذا فانا انصحك انك تتبع قلبك وعقلك ومش دايما بيبقى كلام الناس صح

عيوبى ومميزاتى؟؟
قولتها

لو حابة تكملى فى البرلمان هتكملى ولو مش هتيجى ليه بصراحة؟؟
انا مش حابة اكمل فى البرلمان
لاسباب كتير احب احتفظ بيها لنفسى
بس ملهاش دعوة بالدراسة

ايه شعورك قبل الانتخابات بيوم توقعك يعنى؟؟
الصراحة كنت مرتبكة اوى لان على حسب اللى سمعته عن احمد زين انه مش سهل
ومش هيقبل بالهزيمة بكل سهولة كده
بس فى نفس الوقت كنت واثقة فيك وف قدراتك
وكان عندى احساس قوى اوى اننا هنكتسح وهنرجع بالتلت مناصب والحمد لله بتوفيق ربنا ده اللى حصل

ايه شعورك لما وصلنا هناك واتفاجئنا؟؟
ساعتها بقى انا فقدت الامل اللى كان عندى واللى ضايقنى اكتر ان كان فى ناس واقفة مبتشتغلش وواقفة بتتفرج كنت عايزة اهب فيهم بس انت قمت بالواجب وزيادة بس صدقنى النرفزة ساعتها كانت مطلوبة

زعلتوا لما اتنرفزت عليكوا؟؟
لا الصراحة لا لان كان فعلا موقف يعصب انا لو مكانك كنت هشيط مش هتنرفز بس لما تحس ان كل حاجة ضاعت من ايديك ومفيش وقت ومفيش مساعدة من حد والاستاذ احمد زين بيبصلك بنظرة سخرية منك وثقة من نفسه فى نفس الوقت لا فعلا حاجة تغيظ

اول ما احمد قال كلمته وبعدها انا قلت ايه احساسكوا ساعتها وكنتوا شايفين ايه فى عيون الناس؟؟
الصراحة انا فرحت اوى لما لقيتك كاتب خطبة طويلة عريضة لان الناس مبيهمهاش الكلام ايه ولا اللى مكتوب ايه ولا اللى بيقول شكله عامل ايه
كانوا مركزين مع الصوت العالى وطريقة الالقاء يعنى زى ما بيقولوا كده خدوهم بالصوت لا يغلبوكوا
وبعدين احمد زين كان بيتكلم بشئ من الانانية مكنش بيتكلم غير عن المناصب والدورات اللى اخدها

ايه احساسكوا والاستاذ عبد الله بيعد الاصوات؟
يا ربى انا مش هقدر اوصف احنا كلنا كنا عاملين ازاى كنا فى قمة القلق والتوتر كان كل واحد حاطط ايده على قلبه وبيقول يا رب
اكيد كانت لحظة صعبة بالنسبة ليك انت كمان

تفتكروا كلام احمد حامد صحيح ان معنديش ثقة فى نفسى؟؟
والله انت عندك ثقة فى نفسك عالية اوى واكبر دليل على كده انك اترشحت للانتخابات وكان معظمنا عنده توقعات انك احتمال متاخدهاش
وثقتك فى نفسك بتتمثل فى مواقف كتيرة اوى دى حتى بتبان من طريقة الكلام
اما بالنسبة للعصبية اللى فجاة اتربطت بالثقة بالنفس معرفش ازاى فدى والله كانت مطلوبة لان من غيرها مكنش فى حد عمل حاجة

باسم ممكن يبقى مغرور بعد رئاسة برلمان المحافظة ده اذا مكنش مغرور قبلها اصلا؟؟
امممممممممم الله اعلم بس احب اؤكدلك انك مش مغرور قبلها ولا حاجة يمكن انت بتحب دايما تبقى فى القمة حالات حالات بس دى مش حاجة وحشة ويمكن ده السبب فى اللى انت فيه حاليا بسم الله ما شاء الله انا مبحسدش


حاطة فى دماغك رئاسة البرلمان؟؟
لا لا لا وبكرر لتانى مرة مش عشان مش قدها
ولكن مش شايفة نفسى فى البرلمان ككل وان كملت فيه ان شاء الله يعنى فهكتفى برئاسة اللجنة والحمد لله

تقولى لمين كفاية كده؟؟
لقلبى لانه اكبر نقطة ضعف فى حياتى لما حد بيدخل قلبى مبيخرجش تانى

مستنياك؟؟
لحد معين مفيش داعى لذكر اسمه

نفسى مكرهكش؟؟
حد معين برضه مفيش داعى لذكر اسمه

ايه اكتر مغنى بتحبيه؟؟
بحب مغنيين الاحساس يعنى زى فضل شاكر وهيثم شاكر وتامر عاشور وماجد المهندس
ولو مغنية بقى هتبقى سوما وجنات وام كلثوم و شيرين واليسا

ليه دايما بحس انك هادية؟؟
تبقى مخدوع اوى فيه بس عموما عشان اريحكوا
انا صعب اوى لما اخد على حد ومش بثق فى الناس بسهولة
فبالتالى ببقى قدام الناس متحفظة شوية وبيظهر على هيئة هدوء
بس مش معنى كده انى انطوائية بالعكس تماما وده بيظهر فى حاجات كتير
وعلى فكرة اكبر دليل على الكلام اللى بقوله انى فى المنتدى غير معاكوا فى البرلمان
ليه عشان فى المنتدى ببقى بعيدة عن اعين الناس وبس كده

اكتر موقف حسيتى فيه انى جدع؟؟
المواقف كتير بس اخر موقف لما رجعنا من دمنهور مواصلات
وكمان حكاية الجزار يعنى عشان لما جيت وقلتلنا
وكمان الصراحة انا زعلت منك يوميها بس لما فكرت فيها لقيت ان كلامك صح

اكتر موقف ضايقك منى؟؟
الصراحة مش فاكرة

لو حصل الكلام اللى قلته ده
الصراحة هتبقى صدمة بالنسبة لينا كلنا مش متوقعة ساعتها هتكون ردة فعلنا ايه
بس هتبقى جامدة لاننا مخسرناش رئيس ولا خسرنا عضو برلمانى ده احنا خسرنا اخ عزيز علينا كلنا وبعد الشر عليك طبعا



بالنسبة للكلام ده فهتبقى صدمة برضه
ومش عارفة الصراحة ممكن نعمل ايه

عموما يا باسم ميرسى على الاسئلة صحيح ايديا وجعتنى من كتر الكتابة بس مش مشكلة
ومستنيين الباقى

سوال يعني ايه ببالغ في ردودي واديني مثال علشان اعرف

بسم الله الرحمن الرحيم
نجاوب على اسئلة الشاعر احمد فرحانة

1/ انا اشتركت فى البرلمان من كتر كلام جولدن وبتر فلاى عنه كانوا بيمدحوا فيه بطريقة غريبة خلتنى اتعلق بيه من قبل ما اروحه
وفجاة لقيت نفسى اخدت الميعاد وحضرت معاكوا صحيح انا كنت معارضة الاول لفكرة ولاد وبنات بس لما رحت لقيت فى حدود وخطوط حمرا مفيش حد بيتعداها فى التعامل ويمكن ده علقنى بيه اكتر

2/ انا مش متوقعة انا متاكده ان فى يوم هييجى واسيب فيه البرلمان لاسباب كتيييير بس زى ما قلت قبل كده احب احتفظ بيها لنفسى

3/ لا لا

4/ اولا انا ماخدتهاش تزكية ثانيا طبعا كنت فرحانة اوى ومبسوطة
بس كنت بدعى ربنا انى اطلع قدها

5/ هو انا لسة هتوقع ده حصل فعلا وخسرت زميلة مش صديقة
بسبب مشاكل عملتها فى البرلمان وبعدها مبقتش تستحق اللقب ده ومن يوميها وعلاقتنا مش زى الاول وده عشان البرلمان طبعا

6/ مش وقت واحد دى اوقات كتير اما بالنسبة لتفكيرى وقتها فكان تفكير سلبى بطريقة غبية وكأن مفيش حاجة حلوة فى البرلمان
واللى خلانى ارجع تانى واتنازل عن الفكرة دى كان حنينى للبرلمان ولايام زمان والسفريات والمعسكرات وطبعا سبق وقلت ان اكبر نقطة ضعف فيه هو قلبى فبالتالى كنت برجع غصب عنى

7/ لا لا لا انا شايفة ان البرلمان اكبر من كده بكتير ده مش علاقة عمل بس ده رابط ايه هو الله اعلم
بيدينا الفرصة اننا نبدع ونقول اللى جوانا وبيربطنا ببعض كاننا اسرة واحدة
انما لو تقصد العلاقة بين الولاد والبنات فدى طبعا ليها حدود معينة وتكاد تكون مبتخرجش برة علاقة العمل

8/الصراحة يا احمد انا متعاملتش معاك كتير بس هتكلم على اساس اللى سمعته واللى اعرفه
انت عيبك انك مش عارف مصلحتك وعايش يومينك وبس ومش شاغل بالك ببكرة
واحساسك مرهف اوى لدرجة ان جرحك بيحتاج وقت طويل اوى عشان تداويه
و ماشى حسب مزاجك يعنى لما تبقى طالبة كابة مقولكش
ولما تبقى طالبة تهييس فبيبقى تهييس اخر حاجة
واكيد عندك مميزات كتير بس انت قلت اكتبى العيوب بس

9/ بيتهيقلى متغيرتش كتير بس من خلال كلامك على المنتدى بحس انك متاثر بحاجة او حزين ومتسالنيش ليه عادى يعنى مجرد احساس

10/ بيتهيقلى انت سبته عشان اللى حصل فى الانتخابات
ومش انا بس اللى بقول كده
وحتى لو مكنش ده السبب الحقيقى فان خروجك من البرلمان فى وقت زى ده ملهوش غير تفسير واحد وهو اللى قلته
اما بالنسبة لرجوعك فالصراحة معرفش بس احنا كلنا نتمنى انك ترجع تنور البرلمان من جديد

وميرسى على الاسئلة الجميلة دى وفى انتظار الباقى

Ahmed Hamed كتب:

سوال يعني ايه ببالغ في ردودي واديني مثال علشان اعرف

اممممممممم يعنى انك بتدى الموقف اكبر من حقه
سواء بتهزر او بتتكلم جد وده مجرد رأى يعنى متاخدش كلامى على انه حقيقة مسلم بيها
بالنسبة للموقف بقى
فردك على احمد دومة فى احد المواضيع اكبر دليل
بالرغم من انك كنت بتهزر بس كان هزار مبالغ فيه
وكمان لما بتتعصب بتبقى over اوى
وبتبالغ فى عصبيتك

وده مجرد رأى زى ما قلت

اهلاااااااااااااااااا بروزا حبيبه قلبى عالكرسى
انا هعلق تعليق خفيف وبعدين ابقى اروق لك واقول اسئلتى
باربى وخداها جد حبتين عندها الحياة كلها جد وبس وانا متاكدة انها هتندم على كده بعدين لانها معطتش نفسها فرصة انها تعبر عن ذاتها وعايزة تبان بشكل القوية والصلبة
يعنى ايه الكلام ده
وواضح ان ال8سنين اللى كنا فيهم مع بعض مخلوكيش تعرفى كويس مين باربى
ولا ايه
ومنوره الكرسى يا قمر

بالعكس يا لولو
ده انا قرياكى وعرفاكى وخبزاكى وعجناكى وحفظاكى زى اسمى
اما بالنسبة للكلام اللى قلته فده مجرد رأى مش اكتر
ومعناه انك دايما جد حتى فى وقت الهزار
بتوقفى الكلام على لسان اللى قدامك
عشان كده الواحد مش دايما بيحب يهزر معاكى
دى مجرد وجهة نظر واتمنى انك تكونى مزعلتيش

وفى انتظار اسئلتك
ويا ريت يا جماعة مش كل اما اقول كلمة على حد يسالنى ليه
ده بكده يبقى مش هنخلص ولا بعد 7 سنين مش ايام

ايه دا روزا ليند بحالها هى الى على الكرسى دا اكيد الكرسى منور وهيطير من الفرحة
سورى على تاخلر الاسئلة بس هى فى الطريق ادعى انها توصل
بس مفيش رحمة عندى والى مش هسئلة على المنتدى هسئلو مع بعضينا

1- حلمك في الحياة ؟

2- أجمل سنوات مرت عليك ?

3- البرامج المفضلة ؟

4- شخصيتك ( عصبي ، رومانسي ، ....... ) ؟

5- اجمل بلد زرتها ؟

6- ماهو لونك المفضل ؟

7- من هو مثلك الاعلى ؟

8- ماهي حكمتك بالحياة ؟

9- ما الذي يحزنك ؟

10- ماالذي يفرحك ؟

11- فنانك ومطربك المفضل ؟

12- لو خيروك تكون مشرف أي قسم تختار ؟

13- من هم الأعضاء اللي تتمنى تشوفهم ؟

14- عضو عاجبتك صورته الشخصيه وتوقيعه ؟

15- عضو تتمنى تلقتي به ؟

16- صــف نفســـك بكلمتيـــن فقـــط ..!

17- مــاهــو الشــئ الذي ندمــت علــي عمـلــــه ؟

18- آخـــر شخـــص تتـــذكــــره قبـــل أن تنـــــام ؟

19 -حمـامة زاجـــل حاملـــة رســالة لـك ... من من تتمنـى ان تكــون ؟

20- شـخــص تتمنــي الإنتقــام منـــه ؟

21- شــئ او عمــل لا تستطيــع مســامحته ؟

22- شــئ او شخــص غيــّر مجــري حياتـــك ؟

23- كلمة تود سماعها كل يوم ؟

24- طالع رحله بريه من تاخذ معك ؟

موفقة يا روزا

نرد على اسئلة الاخ just for you

1/حلمى فى الحياة هو انا مليش حلم واحد ليه احلام كتيرة اوى اولها انى احقق كل اللى عيزاه يعنى اوصل لاعلى درجة علمية واوصل لمرتبة عالية فى الجتمع ويبقى ليه قيمة وحاجة اهم وهى انى اسعد والدتى وافرحها بيه واردلها جميلها عشان هى اللى جابتنى للدنيا برغم علمى انى مهما عملت مش هقدر بس على الاقل احاول ونفسى ابقى الام المثاليه لاولادها افهمهم واصاحبهم وكتييييير بس ده يعتبر له الاولوية

2/اجمل سنوات مرت عليه هى سنوات الطفولة او افضل اسميها سنوات البرائة لانها من اجمل المراحل اللى مريت بيها ونفسى ترجع بذكرياتها الجميلة تانى

3/ البرامج المفضلة هو برنامج العاشرة مساء والقاهرة اليوم

4/ شخصيتى عبارة عن مزيج من الصفات يعنى انا رومانسية اوى ومتفائلة بحب الحياة وبحب الناس بس لما بزعل من حد بتبقى زعلة جامدة اوى ويمكن اقطع علاقة بسبها وبحب الانتقام و بمسك اعصابى بسهولة عشان مقلش كلام ارجع اندم عليه وبس

5/ الصراحة مخرجتش من مصر غير مرة واحدة وكانت فى ليبيا عند عمى بس نفسى ازور ايطاليا وفرنسا وسوريا طبعا

6/ لونى المفضل الابيض لانى بحس فيه بالنقاء والصفاء والازرق الفاتح او اللبنى لانى بحس انه هادى وبيحمل معانى كتير والاسود لانى بحس انه بيدل على العمق والغموض وبحس براحة لما بشوفه كانه بيمتص منى الهموم

7/ مثلى الاعلى هى والدتى لانها مثال للحنان والكفاح والشجاعة

8/ هى مش حكمة واحدة دول كتيييييير وكل واحدة فيهم بيبقى ليها موقف استعملها فيه
زى الفشل هو عدم المحاولة و ابتسم للحياة تبتسملك وكما تعامل الناس يعاملونك و كتير بس ده اللى بطبقه اكتر

9/ اللى يحزنى ان حد يخون ثقتى فيه والفراق وحزن والدتى

10/ اللى يفرحنى انى افرح حد بتبسط اوى لما يكون حد فرحان بسببى وبيفرحنى كمان النجاح فى اى حاجة وكتيييييير لانى على طول فرحانة بس دول يعتبروا اكتر حاجة تفرحنى

11/ مطربى المفضل انا قلته قبل كده بس هعيده تانى عشان خاطرك فضل وهيثم شاكر وتامر عاشور وماجد المهندس وبحبب نفسى غصب عنى فى تامر حسنى لان حد معين بيحبه اما بالنسبة للممثل فانا بحب ممثل هندى اسمه شاروخان بحب افلامه جدا لان معظمها رومانسية بجد ممثل جاااااامد

12/ احب اكون مشرفة فى قسم رومانسية

13/ كل الاعضاء شفتهم قبل كده مش سهراية بقى لا الصراحة مبملش من شوفتهم نفسى اشوفهم كلهم خمسين الف مرة فى اليوم الواحد

14/ lost angel صورتها وتوقيعها عاجبنى اوى وداخلين دماغى لانهم مؤثرين ومعبرين اوى

15/ كل الاعضاء اعرفهم انما فى بعضهم مشفتهمش قبل كده فنقدر نقول just for you

16/ الرومانسية المجنونة

17/ انى سلمت قلبى لحد ميستهلوش

18/ كتيييييير اوى تقدر تقول كل اللى شفتهم خلال اليوم

19/ من صديقتى او افضل اسميها اعز صديقاتى اللى للاسف سافرت وفرقتنا المسافات وكل واحد راح لحاله
نفسى تجينى رسالة واحدة بس منها تطمنى على حالها

20/ حد معين مفيش داعى لذكر اسمه وجولدن لانها سيحتلى على حاجة مكنتش عايزة حد يعلم بيها يلا منها لله بقى

21/ الخيانة او ان حد يخون ثقتى فيه ويخدعنى
22/ حد معين هى مغيرتش مجرى حياتى بس دى غيرت معنى الحياة كله فى عنيه
وعطتنى امل جديد

23/ اممممممممم الصراحة مفيش كلمة معينة بس نفسى اسمع كلمة تكون حلوة وخلاص

24/صديقتى وبس

وميرسى كتير على الاسئلة الجميلة اوى اللى استمتعت بيها جدا
وفى انتظار البقية

ونجاوب على الدفعة التانية
للريس

امتى اكتر مرة حسيتى انك مظلومة؟؟
الصراحة مش فاكرة بس مش كتير يعنى مرة او اتنين لانى مبحبش اسيب حقى

امتى اكتر مرة حستى انك ظلمتى حد اوى؟؟
مش كتير برضه بس اكتر مرة ممكن تكون لما كنت واخدة اعتقاد معين عن حد معين وكنت فكراه اسوا انسان فى الكون بعدين لما عرفته اكتر لقيت انه غير كده تماما فبيتهيقلى انى جيت عليه اكتر من اللازم.

امتى اخر مرة حسيتى باهمية البرلمان؟؟
دى بقى كتيييييير ويمكن كل يوم بحس بقيمته اكتر من اليوم اللى قبله واخر مره لما كنا فى انتخابات المحافظة

تفتكرى موضوع مكتبة مبارك واحنا راجعين مش ده العادى ولا ايه؟؟
ممكن يكون عادى بالنسبة ليك بس عشان المواقف اللى زى دى مبتحصلش معايا كتير فبالنسبة ليه له مكانته والصراحة ساعتها استجدعتك اوى

لو جيت وقلتلك فى يوم يا روز ايه اللى خلاكى تتعاملى مع شخصية مش محترمة زى دى هتقبلى النصيحة ولا هتقليلى انت مالك؟؟
طبعا هقبلها مش عشان حاجة بس انا بحب النوع ده من الانتقاد بحب لما يكون حد شايف ان اللى بعمله غلط يقولى
وبعدين لما تيجى من اخويا احسن من لما تيجى من حد غريب ولا ايه

اعطاء نصيحة لكل من
بيسو اقوله بلاش تثق فى كلام غيرك زيادة عن اللزوم ومتديش الناس اكبر من حجمها
راسو اقوله بلاش تدى لغيرك الفرصة انه يقول عنك حاجة مش فيك
يوسف خفة الدم حلوة ومطلوبة بس مش فى كل الحالات
ميدو عندك افكار جميلة اوى يا ريت متحتفظش بيها وتخرجها عشان كلنا نستفيد
احمد حامد بلاش المبالغة فى ردة فعلك وحاول تسيطر على اعصابك

روزاليند يا ريت متتسرعيش فى اخد قرارات مصيرية
جولدن اقولها فكرى فى الكلام مرة واتنين قبل ما تقوليه
باتر اقولها ابداى بنفسك وقربى من البعيد
باربى يا ريت تقبلى راى غيرك فيكى بايجابية اكتر
القائد اقوله يا ريت تاخد بالك من تلميحاتك لانها احيانا بتزعل اللى قدامك
احمد فرحانة استمر فى مجال الشعر ده لانك بجد هتبدع فيه

اعطى رسالة لوالدتك متشفهاش الا وهى لوحدها؟؟
هقولها وحشتينى اوى امتى ترجعى على البيت لانها مسافرة اسكندرية اكتر من شهر ومشفتهاش من يوميها

لو قالولك حياتك مقابل والدتك هتختارى مين؟؟
ساعتها هيبقى الاختيار سهل اوى طبعا هختار ماما والله فعلا حقيقة مش كلام بس لان هى اللى وهبتنى الحياة دى اصلا فمش هبخل عليها بحاجة تخصها
تفتكرى ان تغيير الاسدال خطوة ممكن تندمى عليها؟؟
الله اعلم وانا معاك انه كان حاجة كويسة وساترة وكنت لبساه عن اقتناع بس الظروف هى اللى حكمت بس احتمال مندمش عليه
لو قالولك تخدى فلوس الدنيا كلهاوتتجوزى افضل انسان فى العالم ولا تكملى تعليمك وتدخلى كليه كويسة؟؟؟
امممممم هيبقى الاختيار صعب اوى هو طبعا التعليم بيمثلى كل حاجة والحاجة اللى بتمناها انى اوصل لدرجة كويسة فيه
بس لما يبقى الاختيار بينه وبين فلوس وشريك الحياة المثالى هتبقى حيرة
بس يمكن ساعتها اوافق على افضل انسان فى العالم عشان ده اللى هيكمل معايا بقية حياتى بعدين ممكن لو كملت تعليمى اخد واحد ميستحقنيش وارجع اندم نفسى طول حياتى يبقى التعليم افدنى بايه ساعتها

شايفة انك قادرة على تحمل المسؤلية؟؟
ايوة طبعا لان انا متحملة مسؤلية مكانين لوحدى يعنى مفيش حد فى سنى عملها بس الحمد لله على كل شئ

روزا ندمانة على دخولها البرلمان؟؟
لا اكيد لا لان البرلمان كان حاجة كويسة ليه وفادنى كتير اوى فى حياتى
وعمرى مندمت او هندم انى قمت بخطوة زى دى

روزا اعتقد انها متعلقتش بالبرلمان زينا تفتكرى ليه؟؟
لا والله تبقى غلطان ده انا بقولك البرلمان بقى جزء لا يتجزأ منى وبحس انه واجب عليه ولازم اؤديه و التزم بيه
يمكن اللى خلاك تقول كده انى بفكر اسيبه بس صدقنى مش بايدى ومش معنى انى هسيبه انى هنساه
بالعكس هيفضل دايما فى بالى بايامه وذكرياته وناسه

روزا الطيبة الهادية ممكن تبقى شريرة؟؟
احتمال مؤكد يعنى بص انا ممكن ابقى طيبة وهادية زى ما بتقول ولما حد يازينى اعديها مرة واتنين وتلاتة
بس لما بيفيض بيه بتحول ساعتها من حمل وديع الى عقرب سام بس يمكن لحد دلوقتى محدش جرب سمى

روزا تدى نفسها كام من 20 فى راحة البال؟؟ 19

الثقة بالنفس ؟15
الامان ؟ 10
الذكاء ؟ الله اعلم
التدين؟ الله اعلم برضه
ليه خطرت على بالك الحتة دى وليه قلتيها؟؟
الصراحة احنا لما مكنش لينا دور فى الحفلة دى ومحدش عمل حاجة غير الشعر اللى قدمناه بس اتدايقت عشان كده كان نفسى كلنا نظهر باحسن صورة
عشان هى حاجة واحدة هتعبر عننا يا نتقنها يا اما بلاش وبعدين انت مكنتش بتعمل حركات هى كانت واحدة بس فقلتلك بلاشها احسن
وتفتكرى الانسان بالمظاهر؟؟
لا طبعا الانسان مش بمنظره وبرغم علمى بكده الا انى بتخدع بالمظاهر بسهولة اوى

لو جيت فى يوم وطلبت منك مساعدة وكنتى ساعتها مقررة انك متحتكيش بحد من البرلمان هتعملى ايه؟؟
طبعا مش هبخل عليك بالمساعدة حتى لو كنت مقررة انى محتكش بحد فى الدنيا كلها لانى سبق وقلت انت مش عضو عادى فى البرلمان انت زى اخونا الكبير

المشكلة اياها بتاعت البرلمان اثرت عليكى وهى احد اسباب المطالبة الملحة عشان تسيبى البرلمان؟؟
الصراحة مش واخدة بالى مشكلة ايه بالظبط انما لو تقصد المشكلة اللى بسببها خرجت واحدة من البرلمان
فدى ايوة ممكن تكون احد الاسباب الملحة للابتعادعن البرلمان
وطبعا اثرت فيه جدا لانى لسه بعانى منها لحد دلوقتى

لو جيتوا بعد الجلسة التمهيدى ولقيتوا باسم رئيس برلمان الجمهورية هتعوزوا تتعزموا على ايه؟؟
لا مش عزومة ولا حاجة احنا كنا بنهرج المرة اللى فاتت بعدين كفاية الشرف اللى هتجيبه لينا وللدلنجات بحالها احنا هنعوز اكتر من كده ايه

وميرسى يا باسم على الاسئلة اللى استمتعت بيها جدا جدا ومستنية الباقى

انا جيت وجبت الاسئلة كمان هما شوية اسئلة خفاف ظراف لطاف ومش كتير

ونبدا


ماذا ستكتب لنا لتعبر عن حياتك التي عشتها الى الان في كلمات قليله ؟

. اذا اردت ان تبكي الان , فعلى من تبكي؟

من ستختار ليمسح دموعك ؟

لو خيروك بين حبيبك وبين اعز صديق فمن تختار ؟

.ماهو تقييمك لهذا المنتدى بصراحه ؟

.من يسكن قلبك؟

.هل تعتقد ان حظك سيئ؟

.هل هزمك حزنك في يوما من الايام؟

.((مستحيل انساك)) لمن تقولها ؟

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

.(( انت كل شيء بحياتي )) لمن تقولها ؟

متى اخر مره بكيت؟

اي الدول تتمنى ان تزورها ؟

هل لديك الجرأه ان تقول كم مرة احببتى احدا؟

هل انت راضي عن نفسك ؟

.هل تؤيد الزواج العاطفي ام الزواج التقليدي ؟ ولماذا ؟

.ايهما اهم شهادتك الجامعيه أم الزواج ممن تحب ؟

.هل تعترف بشيء اسمه الصداقه بين الرجل والمرأة ؟

.هل انت سياسى اوى؟

.من هو اكثر شخص تفكر فيه؟


.اذا تم تعيينك ملكا لجميع البلاد العربيه فما اول قرار ستتخذه ؟

.هل تكره شخص بشده في حياتك ؟

.ما هو اقتراحك الذي تتمنى ان يحدث في هذا المنتدى ولم يحدث الى الان ؟

.هل ملابس الشخص امامك تؤثر فيك لتأخذ عنه انطباع ؟؟

.ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

.حكمة تؤمن بها جدا؟؟

.عاده تفعلها دائما تتمنى ان تتركها ؟

ماهو اجمل اسم لولد واجمل اسم لبنت من وجهة نظرك؟

.ماذا تفعل اول شيء اذا ربحت مليون ؟

.هل انت من لديهم رغبة حب التملك واذا تملك الشيء اصابه الملل منه ؟

.اعتذار تريد ان تقدمه لمن؟

واخيرا رايك فى كلا من

انا طبعا
باتر
باربى
باسم
ميدو
احمد حامد
ابو يوسف
ابو الروس
فرحانة

واكيد عايزة الايجابة على الاسئلة بصراحة علسان احنا فى رمضان واحسن الحساب هيكون عسير

يا اهلا يا اهلا منورة يا جولدن يا حبيبة قلبى
انتى واسئلتك العسل دى

نبدا ونقول بسم الله الرحمن الرحيم
ماذا ستكتب لنا لتعبر عن حياتك التى عشتها فى كلمات قليلة؟؟
حياتى عبارة عن مغامرة او رحلة كل يوم بكتشف او بعمل فيها حاجة جديدة
مش مملة وروتينية وبحبها اوى ويمكن يكون فيها مشاكل كتير

اذا اردت ان تبكى الان فعلى من تبكى؟
هبكى على جدتى المتوفية(الله يرحمها) لانها وحشتنى اوى وانا محتجاها جنبى اوى اليومين دول

من ستختار ليمسح دموعك؟
غالبا ما امسحها انا لنفسى بس فى الحالة دى ممكن نقول ماما

لو خيروك بين اعز صديق فمن تختار؟؟
هيبقى الاختيار صعب اوى بس ساعتها هفكر فى مين اللى يستحق انى اضحى بالتانى عشانه بس فى اغلب الحالات هختار اعز صديق

ما هو تقييمك لهذا المنتدى بصراحة؟؟
بصراحة المنتدى دلوقتى وبعد التعديلات والتظبيطات بقى جميل جدا وكمان احلى ما فيه انه بيجمعنا كلنا سوا

من يسكن قلبك؟؟
كتيييييييييييير يعنى صحباتى وماما والعيلة كلها والبرلمان اكيد وولاد وبنات عمى واخواتى ...الخ

هل تعتقد ان حظك سئ؟؟
انا مبؤمنش بالحظ يعنى كل حاجة بتحصلى بتبقى قضاء وقدر ولو تقصدى قدرى فانه لحد دلوقتى حلو اوى اوى اوى لانه بيعرفنى على ناس احلى بكتير

هل هزمك حزنك فى يوم من الايام؟؟
مش دايما يعنى الحمد لله بقدر اخرج نفسى من حزنى بس ممكن يكون هزمنى فى اليوم اللى ماتت فيه جدتى وكمان مرة بس مفيش داعى لذكرها وبس كده

مستحيل انساك اقولها لكل صحباتى فى الطفولة ودلوقتى لان مهما فرقتنا المسافات والسنين برضه مش هنسى ايامنا سوى

اللى راح راح وما تفيد كلمة يا ريت
اممممم الصراحة مفيش حاجة معينة

انت كل شئ بحياتى شخص معين مفيش داعى لذكر اسمه

امتى اخر مرة بكيت؟؟
من حوالى تلات ايام

اى الدول تتمنى ان تزورها ؟؟
كل الدول نفسى الف وادور العالم كله بس اكتر دول احب اروحها سوريا والسعودية وايطاليا وفرنسا

هل لديك الجراة لان تقول كم مرة احببتى احدا؟؟
كاااام مرة ده على اساس انى خبيرة فى المسائل دى
ما انتى عارفة البير وغطاه ولا احنا لازم نسيح لبعض
عموما يا ستى ولا مرة والحمد لله

هل انت راضى عن نفسك؟؟
ايوة بنسبة86%

هل تؤيد الزواج العاطفى ام التقليدى ولماذا؟؟
الزواج العاطفى طبعا
ليه عشان بيبقوا واخدين بعض عن حب وعارفين بعض كويس وكل واحد فاهم وحاسس بالتانى
انما التقليدى ده بتبقى معظم حالات الطلاق بسببه يعنى اتنين ولا يعرفوا بعض ولا شافوا بعض قبل كده نجمع ما بينهم ونربطهم برابط مقدس زى ده ازاى يعنى عايزة افهم فبالتالى بيبقى مستحيل ينجح

ايهما اهم شهادتك الجامعية ام الزواج ممن تحب؟؟
شهادتى الجامعية طبعا لان الحب ملحوق عليه وممكن احب بدل المرة عشرة انما الشهادة مبتجيش غير مرة واحدة فى العمر

هل تعترف بشئ اسمه الصداقة بين الرجل والمراة؟؟
مش دايما يعنى لو كانت محددة بخطوط معينة يبقى ليه لا اما لو كانت غير كده فيبقى بلاشها احسن
اما فى الحالتين فانا مش بفضلها اوى يعنى هو من قلة الرجالة والستات مكل واحد يصاحب اللى من جنسه ونخلص

هل انت سياسى اوى؟؟
سياسى اوكى انما مش اوى اوى
ويمكن ده كان من اسباب دخولى فى البرلمان معاكوا

من هو اكتر شخص تفكر فيه؟؟
بفكر فى نفسى وفى مستقبلى وبفكر فى بكرة
وبفكر فى كل الناس برضه بس لو على اكتر حد هيبقى انا

اذا تم تعيينك ملكا لجميع البلاد العربية فما اول قرار ستتخذه؟؟
من عاشر المستحيلات طبعا
بس لو هفترض زى ما بتقولى كده هيبقى اول قرار هاخده انى اعمل مفاوضات لحل مشكلة فلسطين
يعنى نحرر البلاد الاول من الذل وبعدين نفكر فى شؤن البلاد الاقتصادية والعسكرية ...الخ
وتانى قرار انى هشيل الحدود بين الدول يعنى هفتحهم على بعض بحيث تكون مصر هى الجزاير هى ليبيا هى السعودية مفيش فرق

هل تكره شخص بشدة فى حياتك؟؟
ايوة بكره شخص معين اوى اوى اوى ولو اطول اولع فيه كنت عملتها بس انا برضه مسبتش حقى وانتقمت منه اشد انتقام

ما هو اقتراحك الذى تتمنى عمله فى المنتدى؟
كنت كاتبة اقتراح فى قسم اقتراحات الاعضاء يعنى عشان نعمل قسم فى المنتدى للتنمية البشرية وتطوير الذات بس مش هينفع عشان المدارس وكده

هل ملابس الشخص امامك تؤثر فيك لتاخذ عنه انطباع؟؟
لا لا لا لان الشخص مش بمنظره وبلبسه
ممكن يكون من جوه غير من بره

ما الذى يجذبك فى الشخص بسرعة لكى تعجب به؟
اسلوب الكلام ومدى صدقه

ماذا تفعل اذا احببت الشخص الخطا فى الوقت الخطا؟؟
ساعتها هراجع نفسى واعيد حساباتى واكيد مش هكمل لانى لو كملت هيبقى غلط وكمان مبنى على غلط فاكيد مش هنستمر

حكمة تؤمن بها جدا؟؟
ابتسم للحياة تبتسملك

عادة تؤديها وتتمنى تركها؟
هى انى قبل ما انام لازم ولا بد الموبايل يكون شغال على اغانى هادية عشان اعرف انام
والا افضل صاحية طول الليل والحمد لله قللت منها شوية فى رمضان

اجمل اسم ولد فالاسماء كتير وكلها حلوة
بس مهما احلوت عمرها ما هتبقى فى حلاوة اسم النبى عليه الصلاة والسلام
محمد

واجمل اسم بنت هو اسمى طبعا القرد فى عين امه بقى


ماذا تفعل لو ربحت المليون؟؟
هساعد بيه خالى انه يقوم من مرضه
وهنعمل العمليه كلها على بعضها احسن من الكيماوى
ونخلص

هل انت ممن لديهم رغبة حب التملك واذا ملك شيئا ملل منه؟؟
لا الحمد لله وبكره الناس اللى ممكن تكون بالطريقة دى
بشده

اعتذار تريد ان تقدمه لمن؟؟
لاى حد ممكن اكون زعلته سواء بقصد او من غير قصد

اخيرا رايك فى كل من
جولدن الصاحبة الجدعة بس الزربونة ومعناها العصبية يعنى
باتر ام دم خفيف والراجل وقت الشدة بس مش بالمعنى الحرفى طبعا

باربى ذات الشخصية القوية والتفكير السليم
باسم الشخصية المحترمة والجدعة وعنده ثقة فى نفسه وطموح
ميدو الاخ المحترم والشخصية المرحة وصاحب التفكير الابداعى

احمد حامد الجدع فى وقت الشدة وصاحب صاحبه وقد المسؤلية
ابو يوسف ابو دم خفيف والانيق وجدع فى وقت الشدة برضه وزوق
ابو الروس المحترم ويعتمد عليه
فرحانة شاعر البرلمان طبعا والدنجوان

طبعا الاجابة بصراحة يا جولدن هو انا اقدر ازور وههرب منك فين وبعدين زى ما قلتى الواحد فى رمضان وصايمين
والكداب بيروح النار
مستنيين الباقى يا قمراية على احر من الجمر

لا عادى يا احمد متاخرة مش متاخرة المهم انها وصلت بالسلامة
واهلا بيك وبدعيلك من كل قلبى انك تتقفش

ونبدأ ونقول بسم الله الرحمن الرحيم
1/ اتمنيتى فى يوم لو كنتى اتولدتى ولد وليه؟
الصراحة اتمنيتها كتير اوى كان نفسى ابقى ولد مش عشان حاجة بس عشان الولد بيبقى اكتر تحرر وواخد حريته اكتر
بيروح وبييجى وبالتالى بتبقى فرصه اكتر وكنت دايما وما زلت ببص بعين الحسد لولاد خالتى وولاد عمى لما بشوفهم بيعملوا حجات انا مقدرش اعملها بس مش اكتر

2/ لو لقيتى المصباح السحرى وفركتيه وطلعلك مارد وقالك ليكى 3 امنيا ايه هما؟
الامنية الاولى ان خالى يقوم من مرضه لان لو حصل الكلام ده هيبقى اكتر من نص المشاكل اللى فى حياتى هتحل
الامنية التانية انى اوصل لمستوى علمى كويس
الامنية التالته انى الاقى الانسان اللى يستحقنى

3/ هههه هى اولا مستحيل تحصل او حتى يحصل موقف مشابه ليه
بس لو افترضنا انى فى الموقف ده فعاااادى خالص ولا كأن حصل حاجة
بتحصل فى احسن العائلات وجل من لا يسهو وانا مخى مش دفتر يعنى
بس هحاول انى اخبى رجلى اقف ورا اى حاجة لحد لما اتصل على حد من البيت يجيبلى حاجة تانية
لانى طبعا لو روحت تانى هتبقى الفضيحة على الملأ

4/ ما اصعب موقف مريتى بيه فى حياتك؟
اصعب موقف ممكن يكون الموقف اللى انا فيه دلوقتى وهى عبارة عن مشكلة حصلالى بس مفيش داعى لذكرها

5/ هل احببت يوما؟؟
ايوة

6/ ما هى حكمتك فى الحياة ؟
الفشل يعنى عدم المحاولة
وابتسم للحياة تبتسم لك

7/ما هو اجمل موقف او اجمل ذكرى تتذكرينها فى طفولتك؟
انا طفولتى كلها كانت جميلة اوى ومليانة مواقف وذكريات روعة
بس اكتر موقف بيجى على بالى دايما هو يوم العيد وكلنا ملمومين حوالين الدبيحة وبعدين ننزل نلعب ونركب المراجيح وناخد مصروف العيد ونسافر ونتفسح وناكل لحمة لحد لما يجيلنا تخمة وهكذا بقى

8/ ايه هى مميزاتى وعيوبى؟
مميزاتك انك طيب وذكى ومحترم وجدع ودمك خفيف ومتواضع واجتماعى ومبدع وكتير بس كفاية كده عشان متتغرش
عيوبك بقى انك بتقفش بسرعة واحيانا طيبتك بتبقى زايدة عن حدها وبتدى الفرصة لغيرك انه يتمسخر عليك ويقول عليك حاجة ممكن تكون مش فيك

9/ هل خضتى يوما ما حربا من اجل الوصول الى قلب رجل؟
لا لانى مش محتاجة انى اخوض حروب

10/ عضو توقيعه رائع وعجبك؟؟
lost angel توقيعها جميل اوى ومعبر ومليان احساس

11/ ناوية تكملى فى برلمان الشباب ولا لا؟
لا

12/ ايه كان انطباعك الاول عنى؟
الصراحة انا اول ما شفتك وعرفت انك ابن دكتور قلت اكيد هتبقى مغرور وطالعة فى دماغك بس طلعت غير اللى كنت متوقعاه تماما

13/ موقف دايقك جدا وكان ممكن تسيبى البرلمان عشانه؟
موقف معين مش عارفة اذا كان عندك فكره عنه ولا لا
بس هو كان موقف نداله من احدى صحباتى بس احنا طبعا معديناهوش بالساهل والحمد لله طلعت هى وكمان واحدة من البرلمان

14/ ايه اكتر موقف ضايقك منى؟
الصراحة مش عارفة يا احمد بيتهيقلى ولا موقف

15/ ايه رايك فى موضوع كرة اليد بتاعكم ده؟
اولا انا مش مشتركة فيه
وثانيا لو عايز رايى فيه بصراحة يعنى ومن غير نفاق انا شايفة انه ملوش لزمة وعبارة عن تضييع وقت لا اكتر ولا اقل
يمكن اللى خلانى اقول الكلام ده انى مجربتوش وانا مبقتنعش بالحاجة الا لما اجربها

16/ بتتمنى البرلمان يكون ازاى؟
بتمنى ان البرلمان يكون حاجة كبيرة وصيته مسمع
وله مكانته ولما يتذكر اسمه فى مكان نلاقى رد افضل من اللى بناخده

17/ امتى اخر مرة بكيتى وليه؟
من حوالى نص ساعة ولسه مستمره لحد دلوقتى
السبب افضل انى مذكرهوش
ومين مسح دموعى ؟ فى اغلب الاوقات بيكون انا اللى بمسحها لنفسى

18/ ايه الصفة اللى كنتى فكراها فيه وملقيتيهاش؟
الغرور

19/ لو واحد اعمى قابلك وقلك اوصفيلى الدنيا هتقوليله ايه؟
هقوله ان الدنيا من وجهة نظرى عبارة عن غابة كل واحد بيفترس التانى عشان يقدر يعيش هو
كل واحد بيدور على البقاء اختفى منها الحب واختفت منها المشاعر
حتى الروابط الاسرية وصلة الرحم مبقاش ليها قيمة

20/ انا اللى يهمنى فى الانسان جوهره مش شكله ولا منصبه
يعنى لو صحيح فيه كل الصفات اللى قلتها دى وكمان بيحبنى لدرجة الجنون
يبقى اكيد وبدون تردد هوافق لان انا ممبشتريش اسم وعيلة انا بشترى انسان يقضى معايا بقية عمرى
حتى لو كان شحات مش بواب وبعدين ما غيره كتيييييييييير ابتدوا زيه كده من الاول
من الصفر وبقوا حاجة تشرف بس هنا بقى البركة فيه انى اقف جنبه واساعده عشان احقق طموحه ويبقى احسن من كده
وزى ما بيقولوا وراء كل رجل عظيم....

21/ اى نوع الكتب تحبى تقرايها؟
بحب الروايات الطويلة
وبحب الادب وبرضه علم النفس والتنمية البشرية

22/ اى نوع الموسيقى تحبى تسمعيها؟
الموسيقى الهادية بشكل عام
وبالذات اغنية i will always love you بعشقها بحب اسمعها قبل ما انام

23/ ايه شعورك وانتى منورة الكرسى؟
احساس عادى يعنى طبعا مبسوطة وجاهزة ومستعدة لاى اسئلة

24/ التوضيح بقى
اولا احب اقولك ان دى حاجة حلوة مش وحشة
ومعناها انك زكى زكاء ببراءة
او زكاء طفولى
اللى هو لما الطفل بيبتدى يكتشف اللى حواليه ويبقى عنده حب استطلاع غريب كده
اهو انت بتشبهه فى النقطة دى

وميرسى يا احمد على اسئلتك الجميلة دى وفى انتظار البقية باذن الله

بااااااااااااااشا وحشانا والله انا عارفه انك مش هتقدرى تدخلى على المنتدى دلوقتى بس اكيد هتدخلى بعدين
معلش اتاخرت عليكى اوى بس غصب عنى وعارفه الظروف اللى مخلتنيش ادخل على العموم اسالتى مش جاهزة دلوقتى بس اكيد اول ماهتجهز هتشوفيها
مرة تانيه منورة
وتعليق :اللى بيكدب بيروح ماااااارينا هههههههههه