الآاان اللعبه الجامده اوى اوى******

عشان طلبتوها
انا حطيتها
كرسى الاعتراف
الى هيقع فى الكرسى هيعد اسبوه كل واحد هينزلوا كووووووووول الاسئله الى هوه عايزه ان شالله مليون سؤال والمظلوم يعينى يجاوب
وانا بختار "بما انى الى منزله اللعبه"
........
هنرى
صباح الخر يا مصر

صباح الخير يا ESSOO بس علي فكره انتي مستأصداني
لأن مش كل مره بقي أنا إللي توقعيني فيها
بس أنا موافق ومستعد للأسئله
بس بالله عليكوا براحه عليا
وثانكس لللعبة
ها بسم الله مين إللي هيبدأ

انا جاهز ياايســــــــــــو لكل الاسئلة

hi ya henry
how r u?
i i haven't any questions now for u
but i liike that game
and i promise if i had any questions i'll ask u directly
thanks

i like this gaaaaaaaaaaaaaaaaaaaameeeeeeeeeeeeeeeeeeeee veeeeeery muchhhhhhhhhh
وان شااااااء الله هجهزلك شوية اساله على المووووووووضه

انا هنا معاكم بس هاسال بس يا ايسو علشان مش كل مرة بقا ها واللي هايخترني هاطرده من الموقع ( الديموقراطية) بس انا معاكم وختاري يا ايسو

ممكن اعرف اسم الريسAdmin

اسمي DOODYMASTER

ههههههههههههه
شد حيلك يا هنرى يله وجااوب
ويا ادمين هههههههههههههه هتنزل هتنزل انا كنت عايزظه استفتح بيك بس عشان عارفه ان الامتحانات وتيييييييييييييت بقى
لكن متخفش هتنزل هتنزل
ومحدش يخاف يا جماعه ده تهويش بس"شكلنا بنقولكوا الوداع فور افر" ومفيش طرد ولا حاجه

وياريت هنرى يجاب من دلوقت عشان يلحق يخل ويا روزيتا انتى حنينه ليه كده تلاااااته مره واحده

*لو انته انا وانا انته تحب مين يكون انا عشان يكون انته؟؟؟



*اسمك؟

*سنك؟

*لو صحيت من النوم لقيت نفسك لوحدك على الكوكب هتعمل ايه؟

*اذكر موقف كان زعلك اوووووى؟

*اذكر موقف احرجك اووووووووووووووى؟

ذماذا يعنى لك:
البرلمان

المنتدى

الحب

الصداقه

الحياه

الجمال

باسم

ميدو؟؟؟؟؟؟؟؟

شعورك ايه دلوقتييييييي؟

شعورك ايه لما تفتكر انك على الكرسى ؟


حد بيحتويك؟

ايه صفات فتات احلامك؟

لو اديتك عصير فيه سم تشربه؟؟
كفايه كده دلوقت اكملك بكره

ومتنسوش يا جماعه احمد قاعد لحد اخر الاسبوع بسسسسسسسس

فين الاسئله

ya reet ya henry trod 3la el Questions w besor3a shewaya e7na montazerin

نبدأ بالرد علي أسئلة روزي


1-لو مكنتش بشري كنت تفضل انك تكون ايه (طائر/حيوان/جماد),وليه ؟

طبعاً كنت أتمني اني أكون طائر لان نفسي اني اطير فوق اوي واشوف واعرف كل الناس بتفكر ازلي وبتعمل ايه واني ابقي حر وحدش يعترض عليا او علي تصرفاتي


2-ايه أكتر حاجه تتمني انها تحصلك السنه دي؟

هوا انا طبعاً داخل اولي ثانوي وقدمت الحمد لله في ثانوي عام بس برده قدمت في ثانوي جوي ودي بقي ليها 25 يوم متواصلين كشف طبي بس حاجه صعبه اوي وضغط دم وضغط ميه وحاجات يامه كده بس امنيتي اني انجح في الكشف ديا واقبل في الثانوي دي وابقي طيار ناجح واهلي يفرحوا ويتشرفوا بيا


3-ايه أكتر حاجه ندمت عليها أو ممكن تندم عليها لو حصلت؟

الحاجه اللي ندمت عليها نها حصلت اني مذكرتش في الاعدادية ايوه انا جبت مجموع حلو الحمدلله بس كنت ممكن اعمل حاجه احسن وكان عندي احساس اني اجيب مجموع اكتر وفعلا مكنتش المذاكره بتاعتي تجيب اللي في دماغي بس الحمدلله وقدر الله وماشاء فعل

أما الحاجه اللي هندم عليها لو حصلت اني مقبلش في الثانوي الجوي ديا وانه يكون السبب في كده تقصير مني انا ، اما بقي لو عملت اللي عليا ومقبلتش فدا تبقي حاجه بتاعت ربنا بقي وانا مقدرش اعترض علي كده

وثانكس علي الاسئلة

اما بقي دلوقتي اسئلة الست الاجئة اللي مكنتش لاقيه اجنحتها بس يظهر انها لاقتها


*لو انته انا وانا انته تحب مين يكون انا عشان يكون انته؟؟؟

أكيد أحب أن أنا يكون أنا لأن مينفعش حد يبقي أنا إلا أنا وانتي إلا أنتي ، بس لو عجباكي أنا وعايزاه ليكي انتي فميغلاش عليكي انا والله يا انتي قصدي ياا ايسو


*اسمك؟

أحمد أنا وأنا احمد والأب هو عبد الرحمن وعبد الرحمن هو أما اللقب فيكون فرحانه


*سنك؟

بتاريخ النهارده اللي هوا 30 / 6 / 2009 يكون بالظبط 15 سنه و 5 شهور و 27 يوم يعني كمان 3 ايام هكمل 15 سنه ونص بالظبط يعني مفروض تقوليلي يا انكل يا ايسو ياريت يعني تراعي فرق السن وفرق الطول وفرق كل حاجه


*لو صحيت من النوم لقيت نفسك لوحدك على الكوكب هتعمل ايه؟

دا فعلاً شعور حلو بس اكيد هحس بالوحده ، إذا كان حوليا علي الارض مليارات المليارات المليارات وحاسس بالوحده ، طيب لما يكون صفر واحد بقي هحس بايه بس اكيد هقدر اكيف نفسي بالوضع الجديد واعيش حياتي ، بس ياريت يخلو معايا أي واحده ست علشان تعملي الأكل دا لأني طباخ فاشل من الدرجة الأولي ولا أفقه شئ عن الأكل إلا اني احب السمك المشوي واني اعرف اكل بس


*اذكر موقف كان زعلك اوووووى؟

هوا اساساً من الصعب انه حد يزعلني أو يضايقني بس الموقف دا لغاية دلوقتي انا زعلان منه وممكن اعيط لو افتكرته ورجعت بالاحداث ليه كده وهوا انه مدرسه انا كنت بحبها اوي بس للاسف انا مكنتش بحب مادتها وفاشل فيها لابعد الحدود وكانت مسببالي مشكله طول دراستي المهم بقي اني كنت بدات احب الماده بتاعتها بسببها بس كنت فاشل فيها برده ، المهم في مره المدرسه دي قالت عليا حرامي ولسبب تافه جداً وانا عارف انه مكنش قصدها بس المشكله انها قالتلي كده قدام اصحابي كلهم والمشكله الاكبر انه كان في بنات معايا في المجموعه دي وكان الدرس الوحيد اللي باخد فيه مع بنات لاني مبحبش احضر معا بنات مجاميع خالص ، المهم هيا قالتلي كده وانا محستش بنفسي بقيت قاعد باقي الحصه متنرفز وليا نفس اني اعيط بس ماسك نفسي بالعافيه ومتسلطلها عشان تمشيني مثلاً لغاية ما فعلاً مشتني ورحت اقعدت اعيط لوحدي في البيت في اوضتي طبعا محدش عرف لانه صعب ان واحد يعيط وهوا كبير وشحط كده بس هيا صلحت شويه واتصلت بيا واتاسفت بس برده انا كنت زعلان ومنتش ناوي اروح درسها تاني بس لولا انها اتاسفت وقالتلي ابقي تعال !! ابس كده .


*اذكر موقف احرجك اووووووووووووووى؟

الموقف دا حصللي من شهر تقريباً واني كنت متفق انا واتنين اصحابي اننا نروح نقضي يوم حلو كده في اسكندرية وقولنا نتجمع نعرف احنا رايحين فين وجايين منين ، والمفاجاة اني لاقيت تسعة غيري رايحين ، المهم واحنا هناك رحنا البحر وكان في علي بعد 15 او 20 متر من الشط جوه الميه حاجه زي جزيره كده بس صناعية يعني وهيا عباره عن بلاستيك ممسوك في الأرضية بسلاسل حديد ، المهم أنا مش بعرف أعوم أد كده بس حاولت اني اوصلها وفعلاً وصلت بالعافية وساعدني في كده طولي المهم انا قعدت جوا زي ساعه كده وجه وقت الغدا وانا كنت جعان اوي وعشان ارجع انا مش عارف وانادي علي اللي معايا واحد واحد محدش راضي يسيب الاكل وييجي ياخدني بس وفضلت جوا ساعتين او تلت ساعات واحنا ماشين ولما افتكروا ان معاهم واحد اسمه احمد جه واحد ورجعني بس الحمد لله اتغديت عليهم ضرب لاني فعلا كنت جعان


ماذا يعني لك :

البرلمان : حاجه كويسة حاسس لأ انا متأكد اني ممكن استفيد منها وافيد غيري واني ممكن اساعدهم واحل مشاكلهم ومشاكل الدلنجات بعون الله بس احنا ناقصه شهره وان عدد الاعضاء يزيدوا عن كده وبالذات ان في فعلاً عقول صغيره في الدلنجات ييجي منها وممكن تنضم لينا وتقدر تعمل حاجه

المنتدى : هيا وسيلة سريعه وفعالة نقدر من خلالها احنا اعضاء برلمان طلائع والشباب كمان اننا نوصل تفكيرنا وانجازتنا لكل الدلنجاتويه واننا نقدر كمان نخليهم ينضموا لينا عشان نكبر عددنا

الحب : طبعاً كل اللي يشوف الحرفين دول يقول دا عشق دا غرام دا لازم يكون واحد بيحب واحده او العكس ، لأ طبعاً ان الواحد يبحب مامته وباباه دا حب ، انك تحب صديقك دي اسمي معاني الحب ، والحب بالنسبالي زي ما يكون حاجه بتجري في دمي لاني لو عرفت واحد حبيته دي قاعده اساسيه عندي اما بقي لو اصدك الحب اللي هما الحرفين ( ح ، ب ) فزي ما انتي قولتلي كده احنا لسه عيال صغيره مينفعش نتكلم عن حاجه زي دي أما بقي لو عايزه الحب يعنيلي ايه في كلمة واحده فاقدر اقولك ان الحب حياه وانك عشان تعيشي لازم تحبي

الصداقه : الصداقه هيا انا ولو صداقتي وسعت انا شخصيتي هتوسع وهتكبر وهتزيد وانك مش هتكون الا من اصحابك واكيد طبعاً هتكون لاصحابك

الحياه : الحياه ليا ليها نظرتين الأول انها متستهلش كل اللي احنا بنعمله دا وفي الاخر يعني الحياه فانية يعني عيش بشرف وخلي الحياه لا تعنيلك شئ ، أما النظره التانية ان الحياه أمل ونظرة اكبر للمستقبل وان لازم تعيش حياتك بس في حدود العباده يعني اقدر اقولك ( الحياه لا شئ ، الحياه أمل )

الجمال : انا بالنسبالي الشخص الجميل هوا اللي عامل لنفسه شخصية جميله وان اعلي مراتب الجمال هيا اعلي مراتب القباحه ، اما بقي الشئ الجميل فهي ابتسامه ( لان بطبيعة الانسان لما يشوف حاجه جميله يبتسم ) فأنا أقدر أقولك أن الجمال ابتسامه

باسم : باسم هوا صاحب صاحبه فعلاً ومتهيألي انه سمع مني ومن باقي الشله مزاياه وعيوبه وعرف كل واحد بيفكر وبيشوف باسم من اي ناحية فبس احب اقوله انك عرفت مزاياك حاول انك متنساهاش وعرف عيوبه حاول بقدر الامكان انك تعدل فيها

ميدو؟؟؟؟؟؟؟؟ : اشمعني ميدو اللي عملتي جنبة عشرين علامة استفهام كده ، أيه عندك شك اني مبحبوش مثلاً لا طبعاً دو هوا اللي في القلب ، بس الأول احب اقوله وحشتني لأني مشفتوش من قبل ما يسافر لراس البر وهوا حتي محاولش يطلع عشان نطمن عليه ، وطبعا لا جاب هدايا ولا غيره ، المهم محمد صديق طيب جداً بس انا معرفهوش زي ما اعرف باسم لأن باسم هوا اقدم صديق ليا هوا ومحمد عمرو وإللي أول ما عرفنا بعض اتخنقنا مين اللي يقعد في التختة علي الحرف ، وطبعاً أنا اللي فزت لأن أمي مديرة المدرسة يابا ، وإحنا عيلة نحب الديموقراطية بصراحه ، المهم نرجع لمحمد وأقدر أقول عليه أنه أنشط صديق عرفته ومس كسول زي صاحبنا التاني دا ، وأحب أشكره علي مجهوده في البرلمان لأنه فعلاً عامل شغل ميه ميه



شعورك ايه دلوقتييييييي؟ : انا مش مضايق ولا حاجه انا بس ايدي وقفت من كتر الكتابة وقبليهم اساساً كنت كاتب بحث 25 صفحة يعني انا مش حاسس بايدي ، بس فعلاً أنا مش مضايق لأني أحب أفضفض لأي حد ، لدرجة اني ممكن افضفض لورقة وقلم



شعورك ايه لما تفتكر انك على الكرسى ؟ : مش حاجه يعني بس اخاف أن حد يسألني سؤال محرج من الأسئلة التقيلة جامد بس الحمد لله لغاية دلوقتي سليمة واللي هيحرجني ليه يوم والجلسات طويلة طول الأجازة واعتبروا دا تهديد يالا بقي


حد بيحتويك ؟ : ايوه حد بيحتويني بس متسأليش مين هوا لأني اعتبريني معترض علي السؤال من دلوقتي


ايه صفات فتات احلامك؟ : طبعاً في المقام الأول والأخير انها تحبني ومش فارقه معايا اني بحبها ولا لأ لأني هعرف أحبها إزاي وأكيد هيا لو بتحبني هتعرف تخليني أحبها إزاي ، أدب وأخلاق ، متفوقه في الدراسة ، ناجحه لا تعرف للفشل طريق ، طموحه لأبعد الحدود حتي لو مش هتقدر تحقق طموحها ديا ، تكون فهماني وفاهمه كل كلمة اقولهالها ، تعرف انا عايز ايه من غير ما اقولها يكفيها بس اني ابصلها ، تعرف اني متضايق او فرحان بس من نظرة عينها ، تكون فاهمة يعني ايه مسئولية وتكون عارفة ازاي تربي عيانا انشاءالله ، ولو جميلو وشيك تبقي هيا كده عملت اللي عليها وميه ميه ويبقي ربنا بيحبني ، وأهم حاجه بقي صوتها يكون واطي لأني متعقد من الأصوات العالية حتي لو رغاية ، رغاية رغاية بس صوتها واطي . كفاية كده بقي عشان لو كملت الكلام هيطول اوي .


لو اديتك عصير فيه سم تشربه؟؟

حسب بقي يا إيسو ، لو العصير دا مانجه هشربه بس أكيد هاخد اي حاجه تبطل مفعول السم ، أما بقي لو فراولة باللبن او برتقان أو لمون أو أي حاجه من الحاجات دي ، فأنا مش هشربه ، لأ أنا هشربهولك انتي بالغصب عنك لأنك عايزة تموتيني ، إيه يا إيسو انتي بتكرهيني للدرجة دي ، طيب المثل بيقولك حب وداري واكره وداري ، لكن تكرهيني وعلني وعلي المنتدي لا دا حرام ، دول حتي بيقولوا عليا أليف تيجي انتي وعايزه تشربيني سم وتموتيني ، طيب اما اشوفك الجلسة الجاية ياريت تجيبي معاكي السم دا لأني هتفق انا والسادة الأعضاء ومشرفين اللجن إللي هما أصحابي كلهم اننا نشربك السم دا ، وأنا عارف انك هتبقي مهدودة من تدريب الكاراتيه ومش هتقدري تقاومي


أنا اسف اني كترت عليكوا ووجعتلكوا عنيكوا عشان تقروا دا كله بس تأكدوا ان السبب من ايسو لان اسئلتها اجاباتها طويلة وتاكدوا ان زي ما عنيكو
بس في الاخر شكراً للعضوتين روزيتا وايسو علي الاسئلة اللذيذه والسهلة ديا
منتظر المزيد واتمني الألذ والأسهل
تقبلوا اجاباتي

هااااااااااااااااى يا جماعه معلش للاسف بعدت عنكم بسبب الدوره بتاعه راس البر الى كانت تبع البرلمان
بس الحمد لله شرفناكم وطلعنا المركز الاول على مستوى المحافظات
وان شاء الله هبقى متواصل معاكم على طول
اولا يا هنرى انا بجد بدعى انك متقبلش طبعا الناس هتستغرب وتقول هوه انت بتكرهه اوى كده بقولكم لا طبعا احمد انتيمى من اولى ابتدائى
بس بجد مش عايزه يبعد عنى ويروح فى حتى بعيده

ثانيا انا هساله بس مش هساله اسئله محرجه اوى يعنى عشان ميضربنيش

1_اوصفنى فى كلمتين
2_اوصف كابتن محمد اسماعيل فى كلمتين
3=اوصف محمد عمر فى كلمتين
4-اوصف ايسو فى كلمتين
5-حبيت كم مره
6-انت ليه بتحب الاغانى
7-نفسك تبقى كبير ولا ترجع طفل
8-لو خيروك بين الموت وفراق حبيبك هتختار مين
9-لو حبيبتك قالتلك ابعد عن باسم يا اما تسبنى هتسيب مين
10-انت ليه بتحب النادى الجهلى
11-ليه فى اوقات بتبعد عنى وعن اصحابك
12-انت شخصيه غلبانه جداا بتحس انها بتضرك ولا لا
ارجو ان الاسئله دى متكنش تقيله عليكم

وان شاء الله مش هتكون اخر الاسءله
حضر الكيبورد ياهنرى يا حبى

طبعاً في الاول احب ابروز شهادة تقدير تكون مكتوبة بحروف من دهب ومتزينه بورود حمرا واعلقها بنفسي بين النجوم ( وممكن استعين بالأدمين لو متولطش نظراً لظروفه العالية ) .

ياباسم حرام عليك بقولك امنية حياتي ومستقبلي تقولي انتيمي
ياعم مش عايز اخش ثانوي عام واذاكر
انا اخري شهر في الاول وبكسل
المهم ادعيلي اني اقبل واوعدك اني اول ما انزل في عيد في نص سنه في اي حاجه هبقي ازورك اول واحد واقعد معاك زي ما انتا عايز
وياعم ان وحشتك اوي كده ابقي تعالي انتا وانا هفسحك هناك
بس بجد ثانكس علي جملة " مش عايزه يبعد عني ويروح في حته بعيده "
يا جدع دانا امي زي ما تكون ما صدقت وقالتلي روح دي مستقبلها حلو
تقوم تيجي منك انتا وتقولي مقدرش ابعد عنك
المشكلة بعد دا كله تيجي هبدني الكام سؤال المظبوطين وقال تقولي انتيمي قال
طيب انتيمي يبقي متحرجنيش
المهم الاجوبة في الرد اللي جاي
سلام علي ما توصله

وبعد غياب طويل دام 5 ايام
اتمني ان باسم يكون استفاد من المواطنه بتاعته هوا ومحمد عمرو
ويكون محمد عمر عرف حقوقه ومسئولياته
عاد باسم بـــ 12 سؤال جامدين اوي
الأجوبة


1_اوصفنى فى كلمتين :

باسم ممكن أوصفك مرتين ومتزعلش أنتا البني ادم الذكي بغباء ، العصبي بطيبة أو صاحب صاحبه


2_اوصف كابتن محمد اسماعيل فى كلمتين :

هوا الكابتن محمد اسماعيل والكابتن عبد الحميد أقدر اقول عليهم ( القاموس المتكلم ) .


2_اوصف محمد عمر فى كلمتين :

الطيب النشيط


3_ -اوصف ايسو فى كلمتين :

لا كلمتين ميكفوش بس هيا ( الجريئة اللباقة بلا حدود )


4_ -حبيت كم مره ؟ :

ويقولي مش هحرجك ومتخافش وبرده مصمم بره وفي الجلسة وعلي المنتدي يالا هما يا سيدي مرتين


6-انت ليه بتحب الاغانى :

يمكن تكون بتسليني أو بتعيشني جوايا بس انا متعتي اني اسمع اغاني وانا بنام لان غير كده معرفش انام وعشان لو مسمعتش اغاني ممكن اقعد يومين او 3 ايام منامش بس لاني اسمع حاجه هادية قبل ما انام .


7-نفسك تبقى كبير ولا ترجع طفل :

هما الحاجتين حلوين اوي ، لأن نفسي ابقي كبير عشان ايسو متقولش عليا عيل صغير مينفعش افكر في حاجه زي دي
وطبعاً نفسي ابقي طفل لأن الطفوله زي ماهي بالنسبالي هيا بالنسبة لأي حد هي اللي فيها اجمل ذكريات الواحد اللي عاشها
اما بقي لو قلتلي دي ولا دي
فاكيد هقولك اني ابقي كبير بس مش اوي يعني 25 سنة مثلاً


8-لو خيروك بين الموت وفراق حبيبك هتختار مين :

بيسو برده مصمم علي الإحراج بس هقولك اني أموت لأن زي ما قولت قبل كده ان الحب حياه فلو راح الحب تبقي لزمتها ايه الحياه .


9-لو حبيبتك قالتلك ابعد عن باسم يا اما تسبنى هتسيب مين :

دي بقي حسب مين اللي غلطان لان لو انتا اللي غلطان فهبيعك يا معلم أما بقي لو هيا اللي غلطانة فهحاول اصلح ويا بيسو متهيألي انك سألتني السؤال دا واحنا مع بعض وجاوبت بكل صراحة ايه بقي لزمته علي المنتدي وتعرف الاجانب كلها ولا انتا بقي عايز تحرجني وخلاص


10-انت ليه بتحب النادى الأهلى :

دا ممكن لأني طلعت لاقيت أبويا أهلاوي - بس علي فكره أمي زملكاوية - أو ممكن لأنه نادي محترم أو ممكن لأني بحب محمود الخطيب متتصورش اد ايه لو قولتلك انه احسن لاعب خلقته الملاعب مش هتصدق ، بس علي فكره انا ممكن ابقي ترسناوي أو دمنهوري لأن عمامي الأتنين كانوا بيلعبوا واحد في الترسانة وواحد في دمنهور .


11-ليه فى اوقات بتبعد عنى وعن اصحابك :

ممكن تكون بسبب ظروف خارجة عن ارادتي انا ويمكن تكونوا انتوا اللي بتبعدوا بس مش واخدين بالكوا بس علي العموم اديني معاك دلوقتي اهو لغاية ما تزهقوا .


12-انت شخصيه غلبانه جداا بتحس انها بتضرك ولا لا :

عمرها ما ضرتني لأن بعرف امتي أبقي غلبان وأمتي أبقي غير كده وبعرف كويس أمتي أقلب علي الوش التاني اللي لغاية دلوقتي معرفهوش إلا واحد بس ومش مهم مين هوا ، بس انتا اللي مجربتش الوش التاني ولو عايز اجربه هتتشوفه من بكره بس انتا تؤمر ، بس علي فكره عايز أقولك أن كتير أوي حبوني عشان أنا غلبان ، واكبر دليل المدرسين والاستاذ محمد لويزي ، بس علي فكره دي بعتبره انها احسن ميزة فيا وعمري ما اعتبرتها لا عيب ولا ضرر ولا عمرها ضرتني بل بالعكس نفعتني

انت مصمم على زكى بغباء دى عديها

فعلا انا عصبى جداااااااااااااا لكن والله فعلا بطيبه لو جيت مثلا قلتلى كلمتين هتلاقينى خلاص ولا اكن حاجه حصلت
اما صاحب صاحبه
دى بقى الى انتم تقولوها

ما المقصود بالقاموس المترجم

هوه مين ده الى طيب ونشيط هى هى هى؟

انت نسيت تقول الرغايه الرغايهه الرغايه المحترمه جدااااا والله

حبيت كم مره دى هوه ده سؤال احراج انت عارف يا برنس الاحراج بيبقى ازااااااااااى تيييييييييت

انا اكتر حاجتين بكرهم الاغانى والسجاير مع ان الشباب كلهم بيموتو فيهم مش عارف انا كده ليه ممكن حد يساعدنى
د
ايه يا اسراء متحرجيش الواد وتقوليلى يا صغير هى هى هى

الله يا دولا

ماشى يا وحش يا تيييييييت
منتش ملاحظ انك قلت لو انا الى غلطان هبيعك اما لو هيا الغلطانه احاول اقربكم من بعض ونتفاهم
مقلتش ليه ليا انا كمان بس ماشى يا برنس

اولا متقلش الاهلى نادى مبادئ عشان متعصبنيش
بالمستندات
الاهلى فيه تزوير فيهه مخدرات فيه قواضى فيه كل حاجه وحشعه

متقلش ظروف خارجه انا مش قصدى على كده اظن انت فهمنى وبترجع تانى وبحاول ارقبك مننا تانى وبكتشف انك بتنفضلنا بس على العموم دى اخر فرصه يا معلم وعلبى راى المثل اعرف صحبك وعلم عليه

واحنا عمرنا منزهق منك وانت عارف كده يا معلم
وبعدين متحججش

اه انا عايز اشوفه كده ويبالله عليك لما تشفنى تبقى قلى وريت مين وشك الوحش يا واد يا حمش هى هى هى




###########

شكرا على الردةود الدبلوماسيه دى
سبتنى يا واد

وان شاء الله فى المزيد

بيسو ابو العينين

..............
ملحوظه
انا بجد شايف ناسكتيره دخلت المنتدى فى فتره غيابى يا ريت كلنا ندخل قسم التعارف ونتعرف

وكمان يا ريت كل الناس تشرفنا فى جلسات البرلمان


..............................
دعونا نعمل بصمت لا داعى للهتافات

دلوقتي بقي هرد علي اسئلة الادمين حوده بيه ربنا يستر انا لسه مقرتش الا السؤال الاول ولما لقيته ساخن كده مكملتش بس ربنا يستر



1_ eh elly 7asal ma3a 7abebtak el2walnia weltanya ya a7med 3ashan tesebhom wee law mosh 3ayz tegaweb 3ady

لا يا حوده معلش تسمحلي اني مردش علي السؤال دا ، بس كل اللي اقدر اقوله انه محصلش حاجه هيا واحده نستني واحده وبعد كده نستني نفسها



2_ shayf elbarlman 7edodoh feen ya3ny momken yewsal la3'yet eh

أنا شايف انه بالخامات الممتازة اللي موجوده فيه دلوقتي بالإضافة لعناصر تانية حلوة موجوده بس هيا تيجي بس ممكن نعمل شغل كويس ويبقي فعلا ملناش حدود وممكن نعمل اي حاجه وانا عندي امل اننا لو زدنا عن كدا 70 او 80 واحد مثلاً هنعمل شغل ميه ميه



3_ law 7ad 3amal 7aga teza3lak awy haykon mawkefak men ne7yetoh eh (tesyboh - tatagnboh- tet5ane2 ma3ah)

علي فكره يا حوده انا مبشلش من حد خالص ومش هتصدق لو قلتلك اني عمري ما اتخنقت كده مع واحد وان اللي بيعملي حاجه بدير وشي وانساها واروح انا اللي اكلمه كمان



4_ ro7ak wala 7abybak belnsbalak

انا مش فاهم سؤالك اوي بس لو قصدك ان حياتي ولا اصحابي فوالله اصحابي لان فعلا من غيرهم الحياه هتبقي لزمتهم ايه وعلي فكره صعب دلوقتي انك تكون شلة او اصحاب كده تخاف ويخافوا عليك



5_ lama betkon ma5no2 tefadla te3mel eh

انتا لو قصدك مخنوق يعني زهقان مثلاً فوسائل الترفيه كتيره اوي بس انا بفضل اروح لصاحب من اصحابي او اقرا كتاب مثلاً
اما بقي لو مخنوق يعني متضايق من حاجه حصلتلي فانا بجري علي مكتبي وامسك ورقه وقلم واكتب شعر مثلاً - علي فكرة قصيدة لا تمنحني الموت دي تعب سنة وتعب اسكتش مليان لما خلص حاولت اجمع منه اللي ممكن يركب علي بعضه وشوية تعديلان واضافات عملتلكم القصيدة ديا - المهم او ممكن اعتبر نفسي بكلم الورقة واشكيلها من اللي مضايقني وفعلا بستريح وممكن اتخيلها بتكلمني و بوصل في اغلب الاحيان لحل يطلعني من المشكلة او الحاجه اللي مضيقاني دي

الاجوبة جامدة اوي
مكنتش اعرف عنك حاجات كتير
بس الكرسي ده صعب اوي
المهم:
اسالتي شوية صغيرة بس سهلة
1/لو عرفت ان في واحدة معجبة بيك بس انت مش ف دماغك تعمل ايه؟

2/لو صاحبك الانتيم عمل حاجة ضايقتك اوي تعمل ايه؟

بما اني اهلوية طحن:
3/بتحب ابو تريكة؟

بتحب عماد متعب؟

4/لو انت حبيت واحدة اوي ممكن تصارحها بحبك؟

5/ممكن تشرب سجاير ف يوم من الايام؟

6/ايه حكاية البسمة والفرحة اللي انت معلق عليها دي ؟
مستنية ردودك
أخيرا وليس آخرا اتمنى انك تقبل ف الثانوي الجوي ربنا معاك

الاول يارب تقبل فى الثانوى الجوى

احم احم جاوب بئه يا حلو

1- ايه اكبر كدبه كدبتها فى حياتك/ ليه كدبتها
2- ايه اللى مش بتحبه فى الصبيان/بنات
3-فى حد صاحبته وندمت انك صاحبته
4- هتدخل ايه لو مدخلتش جوى
5-ايه رد فعلك لو حد شتمك
6- ايه اكتر لون بتحبه / وليه/ وتحبه يكون فى ايه
7- بتحب الاشتغالات؟
8-ايه اكتر سؤال معجبكش فى دول
معلش بئه اسئلتى مش كتير بس عشان الباقى يعرف يسأل هو كمان

ممكن ارد مكان فرحانه
الفرحه والبسمه دى كلمتين فى الشعر
يعنى السعاده والارتياح والاطمئنان
مفيهاش حاجه يعنى



ولا ايه الكلام
اوعى تفهمنى صح

لما اشوف الأسئلة الشوية بس سهلة بتاعت الآنسة الغامضة متمس هانم



1/لو عرفت ان في واحدة معجبة بيك بس انت مش ف دماغك تعمل ايه؟

متهيألي إني جاوبت علي سؤال مشابه للسؤال ديا بس مكنتش في الكرسي لا كان استفتاء عملاه شروق وجاوبت بكل صراحة وقلت انه لو اللي معجبة دي اظهرت اهتمام لدرجة انه ممكن ينسيني اللي انا بحبها يبقي اكيد انا ممكن احبها مادام هيا بتحبني ، بس علي فكرة اللي عايز ينسيني دا هتبقي مهمته صعبة ، يالا الله يكون في عونه



2/لو صاحبك الانتيم عمل حاجة ضايقتك اوي تعمل ايه؟

طبعاً لو انتيمي جامد انا مش هتكلم معاه وهسيبه وامشي لاني لو اتكلمت معاه انا ممكن اشتمه وكمان ممكن اخسره ، ولما اهدي بقي ابقي ارجعله ومجبش سيرة المشكلة او الزعل دا وانساه خالص واكلمه عادي ولا اكن حاجه حصلت



3/بتحب ابو تريكة؟ أكيد بحبه عشان اخلاقه ومهاراته وروحه الرياضية

بتحب عماد متعب؟ طبعاً لا تعليق علي حبي لعماد متعب لانه فعلاً لاعب ميتعوضش بس يارب يرجع بالسلامة



4/لو انت حبيت واحدة اوي ممكن تصارحها بحبك؟

طبعاً هصارحها بس لما اتأكد الأول بنسبة 1000% انها برده بتحبني وانها تستحق حبي ليها ، بس متهيألي صعب ان احب واحده وتطلع هيا كمان بتحبني يبقي متهيألي صعب شوية



5/ممكن تشرب سجاير ف يوم من الايام؟

أكدب عليكي لو قلتلك لأ أنا أساساً مقرر إني أشرب سجاير بس مستني أني اكبر شوية وييجي الوقت المناسب



6/ايه حكاية البسمة والفرحة اللي انت معلق عليها دي ؟

ممكن تكون حاجه شخصية وتسمحولي أنا مقدرش أقول عليها ، وغير كده كمام لإني حاطط دي شعار ليا في حياتي " الفرحة والبسمة ، لتكن البسمة عنوان شفاتك "

حان الآن موعد الدلوعة اللي اسئلتها الحمدلله سهلة كتير



1- ايه اكبر كدبه كدبتها فى حياتك/ ليه كدبتها

أكبر كدبة هيا مش فاكر بس متهيألي يعني أنها " ناس كتير اوي سألوني أنتا بتحب ولا لأ وكدبت عليهم / لانه مينفعش


2- ايه اللى مش بتحبه فى الصبيان/بنات

مش بحب في الصبيان انهم مش كلهم بس معظمهم يحبوا يعملوا نفسهم رئيس عصابة يحب يعمل نفسه الكبير بتاع الشلة بتاعته ، وكمان ممكن واحد يخسر زميله عشان خاطر واحده متستهلش

ومش بحب في البنات كلامهم اليامه علي الفاضي والمليان والمشكله انه كلام مالوش لزمه وممكن يوقع اتنين في بعض يعني قلته احسن ، وكمان انهم يقعدوا يرغوا مع بعض في التليفون بالساعات وبرده كلام مالوش لزمه



3-فى حد صاحبته وندمت انك صاحبته

أكيد ومش واحد لا كتير اوي



4- هتدخل ايه لو مدخلتش جوى

هدخل بحري أو دفاع جوي أو عسكري ، أصل انا نفسي أدخل اي كلية عسكرية ، وعشان مبحبش المذاكرة مش عايز أدخل ثانوي عام بس ربنا يسهل ولو مدخلتش اي حاجه من دي مقداميش الا الثانوي العام



5-ايه رد فعلك لو حد شتمك

انا مش هتكلم معاه وهسيبه وامشي لاني لو اتكلمت معاه انا ممكن اشتمه وكمان ممكن اخسره ، ولما اهدي بقي ابقي ارجعله ومجبش سيرة المشكلة او الزعل دا وانساه خالص واكلمه عادي ولا اكن حاجه حصلت



6- ايه اكتر لون بتحبه / وليه/ وتحبه يكون فى ايه

بحب اللون الأحمر- لاني برده حب الورد الاحمر ولاني برده اهلاوي - وبحبه يكون في الورد ، وكمان بتفائل بالمنتخب لو لعب بالفانلة الحمرا وبتشائم لو لبس الفانلة البيضه ، مش عشان الفانلة البيضه ، لأ عشان هوا لون غير اللون الاحمر



7- بتحب الاشتغالات؟

اموت فيها واحب حد يشتغلني ، لأني في الاخر بكون انا اللي اشتغلته



8-ايه اكتر سؤال معجبكش فى دول

3-فى حد صاحبته وندمت انك صاحبته

ههههههههههههههههههههههههه
ماشى ماشى انا زغايه مقبوووووووووله
مرسي ليكو خااالص يا بيسو ويا هنرى
وبجد الاجابات جاامده وعجبتنى موووووووووووت

ودلوقت معاد اسئلتــــــــــــــــــى:

اايه رد فعلك وانته زعلان؟؟؟

ايه رد فعلك لو فرحان؟

اسعد لحظات فى حياتك كانت امتى وفين؟



ايه اكتر صفه حبتها فيك؟

ايه اكتر صفه كرهتها فيك؟

اكتر صفه حاسسها فيك؟
مين الى شايف انك لازم تخاف منو اكتر؟

مجموعك السنا دى كام؟

مجموعك فى سنه 6 كاااااام؟

هوه انا غبيه اوى؟

هوه انا رغايه اوى كده؟


يا ترى فى شخصيه فى حياتك دلوقت؟

لو قلولك ممكن ينقذ شخصين وانته وعائلتك وباسم فى بحر رمال متحركه. هيكونوا ميم؟

هواياتك ايه؟
اكتر مغنى بتحب تسمعه؟
اكتر اغنيه بتحب تسمعها؟
حد فقدته فى حياتك مين هوه وايه كان رد فعلك؟
حد لو فقدته مش هتعيش بعده؟


لو انته زعلان هتشكى لمين؟

اكبر غلط عملته فى حياتك كان ايه؟

انته كداب؟

اكتر صفه بتكرها عموما؟
اكتر صفه بتحبها فيك؟
اتيه الى ممكن يجبلك اكتئاب؟
لو عايز تفك عن نفسك وانته مضايق هيكون فين؟
شئ كل تفتكره تتحسر؟
قصه قريتها وعجبتك؟

يله يا جماعه
قرب قرب قرب
معاكو النهارده وبكره وبس

فاضل 25 وعشرين ساعه بس
يله كلوا يقرب وينزل كل الى عايزه

فاضل 24 :17 دقيقه بس

زخد دول كمان:

ماذا يعنى لك كل من الالوان الاتيه:

الاحمر
البمبى
اللبرتقالى
البنفسجى
لاازرق
اللبنى
الاخضر
الاصفر
البنى
الاســـــــــــــــــــود
الرمادى
الابيض

ااكتر فيلم عجبك؟


بتحب الافلام الاجنبى اكتر ولا العربى؟

بتحب المسلسلات العربى اكتر ولا الاجنبى؟

بتفضل نوع الافلام ايه؟

ايه نوع المزيكا الى بتحبها؟

ايســــــــو اسئلينى دلوقتى انا جاهز اسئلى انتى وانا اجاوب على طول

لا لا لا لا

لازم احمد يخلص مدته وهو الى هيختار مين ينزل بعده

اايه رد فعلك وانته زعلان؟؟؟

وانا زعلان ببقي عامل زي اللي في غيبوبة لاني بسكت خالص ومش بتكلم ولا كلمة ومش بعرف افكر ازاي ولا انا بعمل ايه وممكن لو حد نداني مش بسمعه او بسمعه بس مبردش عليه ، وكمان ممكن اضرب حد من غير ميعمللي اي حاجة ، بس عشان انفس شوية عن زعلي دا ، بس علي فكرة صعب اوي ان حد يزعلني ، يعني انا زعلي قليل بس بيبقي زعل تقيل وزعل وحش



ايه رد فعلك لو فرحان؟

انا مش بحب انط واجري والحاجات اللي بتحصل دي ، انا ممكن ابتسم بس ، لكن من جوايا ببقي فرحان اوي ، وممكن وانا فرحان اوي اي حد يقوللي علي حاجة اعملها ، لان مرة وانا فرحان واحد صاحبي قاللي انا جعان عشيته هوا وتلاته اصحاب وغرمت 25 جنية ، المهم اما بقي لو انا فرحان اوي اوي ، فانا ممكن اصرخ بس دي ردة فعلي اللي جامدة اوي ، وصرختها لما مصر جابت الجون التالت في البرازيل وعيني دمعت كمان .



اسعد لحظات فى حياتك كانت امتى وفين؟

كانت من 6 او 7 سنين ، كنا بنصيف في الساحل الشمالي وكان اسبوع واحد ، بس كان فعلاً اسعد لحظات حياتي ، اشمعني الاسبوع دا بقي مش عارف



ايه اكتر صفه حبتها فيك؟

من غير ما اشكر في نفسي ممكن اقول ، اني طيب بمعني اني مش بحب الف وادور علي حد عشان اخد منه حاجة عصب عنه ، ومش بدور وراه ، بستناه لما هوا يدهالي ، وممكن كمان اني مش بستخسر حاجة في حد ، اي حد بيقوللي علي حاجة وانا ممكن اعملهاله بعملهاله .



ايه اكتر صفه كرهتها فيك؟

اني لو حد حاول يحرجني ، قبل ما يحرجني ممكن احرجه احراج جامد اوي لدرجة انه ممكن يزعل مني بس بصلح بعديها ، ممكن كمان اتقل في الهزار جامد اوي ، وكمان ان لو انا زعلان او مضايق ببقي مش طايق حد قدامي ، وممكن ازعل حد من غير ميعمللي حاجة وممكن اضربه كمان بس ، يعني زعلي وحش يعني



اكتر صفه حاسسها فيك؟

دي بقي مقدرش اقولك عليها ، لاني ممكن احس بصفة في غيري مش فيا ، وعلي فكرة انا مش بحب اسئلة الصفات دي ، وخصوصا لما تساليني عن نفسي ، لان نفسي دي المفروض انها اخر حاجة الواحد يتكلم عنها


مين الى شايف انك لازم تخاف منو اكتر؟

من غير ما اذكر اسامي بس انا شايف انه عموماً صديقك الجامد اوي يعني اللي يعرف عنك كل حاجة لانه لو زعلته ممكن هوا يزعلك اوي ، بس مش كلة هما بعضهم ، ومتهيألي كمان اللي هوا يضحك في وشك ويبتسم ، بس ميكلمكش لانها ابتسامة صفرا متهيألي بس كدا ؟!



مجموعك السنا دى كام ؟ 280 / 300


مجموعك فى سنه 6 كاااااام ؟ مش فاكر بس متهيألي اني كنت ناقص يا اما تسع درجات او 12 درجة بس مش فاكر كام بالظبط



هوه انا غبيه اوى ؟ ومين اللي قال عليكي غبية اساسا عشان انتي تقولي اوي ، بالعكس انا شايف انك زكية جداً ، وكمان زكائك يظهر في انك بتستغلي زكائك في حاجة مفيدة ، الا بقي لو انتي شايفة حاجة غير كده ، وكل واحد ادري بنفسه



هوه انا رغايه اوى كده ؟

بالعكس بقي دي اللي كله بيقوله عنك انك رغاية رغاية ، بس انا مكنتش هعرف كده اللي لما حد قاللي ، وانا شايفك مش رغاية اوي ، لان انا كمان رغاي بس شايف ان الصمت والسكوت بيداري عيوب كتير فيا عشان كدا بحاول اني التزم السكون



يا ترى فى شخصيه فى حياتك دلوقت؟ ايوه



لو قلولك ممكن ينقذ شخصين وانته وعائلتك وباسم فى بحر رمال متحركه. هيكونوا ميم ؟

هوا لو حاجتين هيبقي انا والعيلة ، اما بقي لو شخصين بس ، هيبقي اختي التوينز " التوأم يعني " وماما وبس دا علي فكرة اخر واحد ممكن افكر فيه ، لان انتي حاطاه في مكان يخلي موقفه محرج اوي



هواياتك ايه ؟ كورة قدم طبعاً ، العب بنج بونج بس مش اوي لان زيادة عن سنة باسم يقوللي يالا نلعب وانا اكسل ، وطبعاً ممكن األف شعر بس دي بتبقي بليل بالأخص عشان الواحد بيبقي رايق بليل مش الصبح .



اكتر مغنى بتحب تسمعه ؟ اكتر واحد هوا حاتم فهمي لو حد يعرفه لانه بينقي فعلاً كلمات وصوته جامد وتمام يعني ، س طبعاً ممكن عمرو دياب بس الاغني القديمة ، تامر حسني برده ممكن ، حسام حبيب ، احمد فهمي ، إليسا ، مجدي سعد ، بس طبعاً اكتر واحد حاتم فهمي



اكتر اغنيه بتحب تسمعها ؟ ( حاتم فهمي - حاسك و شايفك ) ، ( تامر عاشور ، ليه بفكر ) ، ( عمرو دياب ، بعترف ) ( تامر حسني ، حاسس بخوف - وانا عيني في عينك ) ، بس اكتر اغنية الاولي



حد فقدته فى حياتك مين هوه وايه كان رد فعلك؟ هوا انا ممكن اقول رد الفعل بس ، اني عملتلكم قصيدة لا تمنحني الموت الجزء الأول اللي هي ( رسالة قلب حائر )



حد لو فقدته مش هتعيش بعده ؟ أمي



لو انته زعلان هتشكى لمين ؟ لإسكتشي



اكبر غلط عملته فى حياتك كان ايه ؟ متهيألي انا جاوبت عليه قبل كده ، بس أحب أضيف اني مكنتش بتكلم



انته كداب ؟ مش أوي



اكتر صفه بتكرها عموما ؟ الكدب أو ان حد يغشني



اتيه الى ممكن يجبلك اكتئاب؟ الحقيقة مجربتش قبل كده ، بس متهيألي أني أفقد حد بحبه أوي ، بس أوعدك لما يحصل واكتئب هقولك يا ايسو



لو عايز تفك عن نفسك وانته مضايق هيكون فين؟

طبعاً هعمل حاجة من الاتنين ، لو احنا مثلاً الصبح هطلع فوق السطوح اقعد علي كرسي وامدد رجلي علي التاني ، احط الهاند فري في ودني اي اغنية رومانسية كده ولاحاجة لغاية ما انام ، وميصحنيش الا لو الشمس ضربت في عيني ، أما بقي لو بليل هعمل نفس الموضوع دا بس في سريري وانام ، او انزل اتمشي دا لو احنا الساعة 2 او 3 بليل بتبقي احسن تمشية والشوارع فاضية كده .



شئ كل تفتكره تتحسر ؟

يوم ما مصر انهزمت من امريكا ، لأن كان اسهل خطوة عشان نصعد وكان قدمنا فرص كتير بس للأسف ضاعت ، يالا " قدر الله وما شاء فعل "



قصه قريتها وعجبتك ؟

لو كتاب مثلاً هيبقي كتب " أخبار الحمقي والمغفلين " ولو سيرة ذاتية " هيبقي سيرة عمر بن الخطاب " أو " معجزات سيدنا محمد " أما بقي لو قصة هتبقي رواية من روايات سلسلة زهور يا طائر وفقد اجنحته .

ماذا يعنى لك كل من الالوان الاتيه:

هيا الألوان لا تعنيلي شئ بس هقولك هيا بتديني إيحاء بإيه

الاحمر : بيديني ايحاء ال STOP بحس كمان انه لون رومانسي ولون بيوحي بالسخونه والحراره
البمبى : لون الجمال والشيكة بيديني ايحاء بالذوق الرفيع
اللبرتقالى : بيديني ايحاء بالفاكهة الحلوة او ممكن حاجة مسكرة
البنفسجى : لون كاتم بس شيك اوي وبرده لون رومانسي
لاازرق : بحس انه لون اسلامي خصوصا لو دخل معاه اللون الاحمر الغامق
اللبنى : بحس فيه بتغير بحس بانه يوم جديد او حياة جديدة بيديبي ايحاء بالأمل والتفاؤل
الاخضر : طبعا بيديني ايحاء بالحيوية
الاصفر : لون كوميدي اوي
البنى : لون يديني ايحاء بالقوة والصلابة
الاسود : لون اكتر من شيك ، لو دخل في اي حاجة بيديها طعم ، رومانسي وفي نفس يجيب كآبة
الرمادى : يديني ايحاء بالفانء والنهاية
الابيض : بيديني إيحاء بالصفاء والنقاء


ااكتر فيلم عجبك ؟ فيلم واحد من الناس لكريم عبد العزيز دا بالنسبة للعربي ، أما الأجنبي بقي فيلم إمبوسيبل لتوم كروز الجزئين وطبعا SAW وفيلم TRAMSPORTER الجزئين


بتحب الافلام الاجنبى اكتر ولا العربى؟ الأفلام الأجنبي


بتحب المسلسلات العربى اكتر ولا الاجنبى؟ المسلسلات العربي



بتفضل نوع الافلام ايه ؟ لو فيلم عربي يبقي الرومانسي أو الدرامي أما لو أجنبي يبقي الأكشن والرعب والدرامي



ايه نوع المزيكا الى بتحبها ؟ المزيكا الكلاسيك و الرومانسية مع انهم تقريبا عكس بعض بس احبهم

الاجوبه جامده

بس التمشيه الساعه اتنين تلاته دى مفيده

بتخلى باباك يتمشى وه كمان لحد القسم عشان يجى يضمنك

لما تتاخد تحرى يا برنننس

لا محدش يقدر ياخدني تحري يا برنسيسه
انا دلوقتي عضو في برلمان الطلائع
يعني حصانه يا بنتي
اوريهم بس ال ID وهما يسيبوني علي طول
فكرتيني عشان ابقي انزل بيه بليل عشان لو حصلت حاجة زي دي