خبر عاجل: كاااارثه تهدد بارتفاع معدل العنوسه بشكل خطير..الكل يشارك وبسرعه

ياااااه
دى فعلا مشكلة بجد
انا متهيقلى ان زمن التتار هيرجع من اول وجديد
بس المرادى بطرقه الملتوية
يبداو الاول بالفوانيس وبعدين يختموها بالعرايس
ويا عالم بكره ايه يحصل كمان
وخصوصا ان ان اليومين دول محدش عارف يتجوز
ودول حلوا المشكلة وجابوا عرايس بلوشى
بس بردك الشعب المصرى مش هينخدع بسهولة كده
يعنى اولا دى بتتكلم صينى يبقى هيتواصلوا ازاى ولا هيجيبوا العروسة ومعاها المترجم كمان
وكمان يعنى لو ربنا اراد وجابوا ولاد الولاد هيتعلموا انهى حضارة وانهو دين
دى مشكلة خطيرة فعلا وعايزة وقفة
وعموما يا ايسو نيس توبيك وميرسى ع التغطية

عندى تعليق صغير على كلامك يا احمد

الجواز مش لعبة الجواز ده رابط مقدس بترتبط بيه مدى الحياة
صحيح انا معاك فى ان المهور زادت عن حدها والطلبات كتيرة
بس انت بتشترى ام لاولادك بتشترى ادب واخلاق واصل وسمعة
انما مش تدورلى على واحدة صينية وتقولى عروسة ببلاش
الكلام ده مينفعش
يعنى بزمتك ترضى لاولادك انهم تربيهم واحدة مش من بلدك ولا عارفة طباعك
عموما نيس توبيك لتانى مرة يا ايسو

لا طبعا يا روز
بس الشباب مبيلاقيش حل
يعنى الولد يعنس يعنى
فبيلاقى الصينى الرخيص فيشترى
اهو احسن من مفيش يعنى

انا مقصدش علينا
قصدى على الموظفين وغيرهم
يجيبوا المهر المهول ده منين
والشبكه
يروحو الصحرا ويحفرو عشان يلاقو ذهب

الواد يا عينى يبقى لسا متخرج وبيشتغل ويكافح عشان يكون نفسه
وييجى يتجوز يقلوله مهر تـــــــــييــييـــت وشبكه تـييـييـــــــت ولازم الفرح يتعمل فى احسن قاعه فى اسكندريه الى تمنها ضعف المهر مرتين وحجات كتير ولا الشقه والعفش وحااااااااااجه تييييييييييييييت

طب هو يسرق يعنى عشان خاطرهم ؟؟؟؟
مش عارف انا والله

فى الحاله دى يبقى صينى احسن من مفيش

والله يكون فى عون الشباب
اصل الجواز بقى جريمه

تعليق بسيط على كلام أحمد
والله أنا شايفة انكوا تعنسوا أحسن ما احنا نعنس وبعدين أنا معاك ان المهور غالية والعيشة صعبة أوى بس العروسة الصينية مش الحل المفروض ان الحل ييجى مننا احنا مش من الصين دا الرسول عليه الصلاة والسلام اتجوز بدبلة نحاس وكان ساعات يدخل بيته ما يلاقيش أكل فيه أنا مش عارفة الفشخرة دى كلها على ايه وكان فى صحابية مهرها القرأن يا جماعة حتى لو البنات مبتتشرطش اللأهالى بيعقدوها وبعدين تعالى هنا انت الموضوع داخل دماغك كدا لية انت ناوى ولا اية لو ناوى ابقى رسينى ع الدور
التوقيع
love is life if you miss love you miss life

شكرا لإثارتك الموضوع دا يالوست

وشكرا لكل إللى علقوا

بس أحب أقول أن الموضوع من أوله لآخره هزار فى هزار

مافيش راجل عاقل حيعمل كدة وإحنا كلنا عارفين

وبالتال نقفل الموضوع أحسن

بس عموما المناقشة حلوة بردو بتطلع حاجات من دماغ كل واحد وواحدة فى المنتدى بتاعنا

عشان نعرف دماغهم فيها إيه

أما روزا باقولها أنتى ليه مصممة تقولى أن الجواز شروة وبيعة

من كلامك بتقولى أن الراجل بيشترى أم لأولاده وبيشترى واحدة تحافظ عليه؟؟؟؟؟

أنتى كدة بتزعلى البنات منك ههههههههههههههههه