قول الحقيقة

اية اخبار اعضاء المنتدى الكرام
يارب تكونوا بخير
ادخل في الموضوع
هو التوبيك دة يعتبر خاص بيا من طبيعتي اني بحب اعرف اراء الناس فيا
فبطلب من كل الاعضاء انها تشارك وتقول رايها فيا بكل امانة يعني تقول عيوبي ومميزاتي اية اللي مش عاجبهم فيا وكدة

بص يا احمد
انت من الشخصيات اللى انا بعزها جدا وبحترمها وبقدرها
واتمنالها كل خير
بالنسبة لمميزاتك انت طيب بس مش اوى يعنى فى برضه شوية خبث كده وظريف دمك خفيف وبتهتم بشكلك وبمظهرك وعارف ربنا وخجول وجدع فى وقت الشدة وكتيييييييير والله بس ده حسب معرفتى بيك وتعاملى معاك
بالنسبة لعيوبك بقى اول حاجة بكرها فيك هو الخجل الزائف هو الصراحة معرفش اذا كان زائف ولا لا بس هو زيادة عن اللزوم اوى يعنى هو الخجل مطلوب برضه بس مش للدرجادى
ويمكن كمان منتش عارف مصلحتك فين يعنى عايش يومينك وبس
اممممممممممممم
الصراحة انا مشلقية عيوب تانية
عموما انا قلت اللى عندى ولو عندك اضافة او تصحيح يا ريت يقول
تحياتى

اولا بشكرك على ردك
ثانيا حكاية خجول دي بتبقى مع الناس الغريبة او في موقف مش عارف اخد فية قرار يعني خايفة اعمل حاجة اضر بيها حد
ثالثا اني عايش يوميني وبس بالعكس خالص دى انا ببقى مرتب انا هعمل اية انهاردة وحاطت قدامي كلية
وبشكرك مرة ثانية على مرورك
منورة التوبيك

بص يا احمد انت من الشخصيات الممتازه الموجوده معانا
مميزات انك طيب خفيف الظل جدع بحس انك بتعرف تخطط لحياتك ومنظم
اما عيوبك
بتخبى افكار حلوه اوى جواك

ميرسي لمرورك ومنورة التوبيك

بص يا بيسو لما بهزر في وقت جد دة مابيحصلش غير مع صحابي بس علشان بلاقي حد بيشد فبحب اضحك الناس مش اكتر لكن مع اي حد تاني مابعملش كدة
بس علشان انتو حطيتو في دماغكو ان انا بهزر علطول ف بقى اي موقف يحصل واضحك فية يبقى انا بهزر في وقت الجد
وميرسي لمرورك يا بيسو
ومنور يا واد

لا يا احمد بجد من غير بكش ده بيحصل ومش لازم تبرر حاول تصلح من نفسك

معلش يا احمد
هو انت عامل التوبيك ده عشان تجادل اللى بيطلع فيك عيوب ولا عشان تصلح من نفسك
اتمنى انه يكون السبب التانى
لانى مردتش الاعشان كده
وحاول تكون ايجابى اكتر

بص ياأحمد إللى بيحصل ع الصفحة دى تهريج ومش ينفع كدة ياشباب

إللى عنده كلمة مفيدة يقولها وإللى مش عنده بلاش يدخل أصلا

أما عن رأيى

حاقولك كلمة واحدة بس
أنت جدع

يا روز انتي وباسم انا بوضح الفكرة الغلط بس مش بجادل ولا حاجة
وتسلم يا كابتن منور الموضوع

نيس توبك يا احمد
رأيى فيك بصراحه ومن غير مجملة
انك حد جدع اوى وشهم كمان فى الشدة بتحب تفرح الى حوليك من غير متضايق ناس
وكمان طيب بس مش جامد اوى فيك شوية خباثة بس بسيطة اوى
اما عن عيوبك فانا مش شايفة فيك عيوب كتير يعنى ممكن اقول
انك بتزعل بسرعة وكمان بتتنرفز بسرعة ومش بتعرف تخرج المعلومات الى جواك كلها
او الاصح مش بتعرف تطلعها اصلا
نيس مرة تانية وتقبل مرورى