هل لبس المراة يحدد اخلاقها

لبس الشعوب بانواعه يعتبر منظر حضارى وتاريخى
فاحيانا يتم التعرف على الشخص من خلال لبسه
ولكن بعد ظاهرة الانفتاح والعوامل
التى ادت الى جعل الكرة الارضية قرية واحدة
تداخلت الحضارات مع بعضها وغيرت ازياء واشكال الملابس
ولكن..........

هل اصبح اللبس وسيلة لتحديد شخصية الانسان واخلاقه...؟!
الفتاة لبسها قصير=غير شريفة وتهين سمعة مجتمعها...!
الفتاة لبسها ضيق=غير شريفة وتهين سمعة مجتمعها.....!
الفتاة لبسها واسع=انها حقا 100%...!!
الفتاة لبسها اسلامى =هذه الفتاه اية من الاخلاق.....!!؟
هل هكذا اصبحت الاحكام الان......؟؟؟!!!

هل هى بنظركم صحيحة......؟

بانتظار تفاعلكم ومشاركتكم
روز

انا بوافق الكلام ده

عشان الى بتلبس لبس مش محترم اكيد هيا مش محترمه
والى بتلبس لبس اسلامى يدل على انها مسلم وتعرف ربنا فاكيد هتكون واحده محترمه

انا فى رايي مش محترمه لبسا محترم
احسن من واحده محترمه بس لبسها زفت

وطبعا احسن لبس هو اللبس الاسلامى
الفضفاض
مش المحزق والملزق

هو طبعا يا روزى
لبس مش مقياس بس اعتقد ان مفيش واحده محترمه بتلبس لبس محزق وملزق
بس ممكن العكس
يعنى ينفه واحده مش وتلبس فضفاض عشان باباها مثلا هو اللى قالها

Mr.EMINEM كتب:: انا بوافق الكلام ده

عشان الى بتلبس لبس مش محترم اكيد هيا مش محترمه
والى بتلبس لبس اسلامى يدل على انها مسلم وتعرف ربنا فاكيد هتكون واحده محترمه

انا فى رايي مش محترمه لبسا محترم
احسن من واحده محترمه بس لبسها زفت

وطبعا احسن لبس هو اللبس الاسلامى
الفضفاض
مش المحزق والملزق

اولا اشكرك على مداخلتك وردك
ثانيا انت بتقول ان اللى بتلبس لبس محترم تبقى محترمة وعارفة ربنا
مش شرط ماهى ممكن مثلا تكون لبساه غصب عنها واللبس مفروض عليها
وبالرغم من لبسها المحترم تلاقى اخلاقها مش كويسة بالمرة
مش معنى كلامى ان الكل كده ولا معنى كلامى ان المحزق والملزق احسن
بس القصد اننا مش هنحكم ع الواحد من خلال لبسه

باربى كتب:: هو طبعا يا روزى
لبس مش مقياس بس اعتقد ان مفيش واحده محترمه بتلبس لبس محزق وملزق
بس ممكن العكس
يعنى ينفه واحده مش وتلبس فضفاض عشان باباها مثلا هو اللى قالها

انا معاكى فى الكلام اللى قولتيه
وهو ده القصد من موضوعى اننا مش هنحكم ع الناس من اللبس والمظاهر
وشكرا لمداخلتك باربى

طبعا عارف ان فيه بنات بتلبس لبس محترم وتكون مش محترمه
بس قليل وبيتعرفوا

و زى ما روز بتقول
اختلاف الرأى لا يفسد للود قضيه

نيس توبك

Mr.EMINEM كتب:: طبعا عارف ان فيه بنات بتلبس لبس محترم وتكون مش محترمه
بس قليل وبيتعرفوا

و زى ما روز بتقول
اختلاف الرأى لا يفسد للود قضيه

وبكررها لعاشر مرة اختلاف الراى لا يفسد للود قضية
وبجد ميرسى على مرورك العطر اللى دايما بينور صفحتى

AHMED OSSAM كتب:: نيس توبك

شكرا لمداخلتك اخ احمد

احيانا ميكنش مقياس

بس الانطباع الاول بيجى من خلال اللبس

على الاقل يبكون محتشم

لكن للاسف فى بعض الفتيات سوءو سمعه النفقاب وبق بيطلق على الى بيلبسو نقاب ان معظمهم مش كويس

بس انا من رايى ان االنقاب افضل حاجه فى زمنا ده عشان الفتن

وبجد من امنيات حياتى ان زوجتى تلبس نقاب

شكرا لمرورك
ومع احترامى الشديد لرايك
وربنا يحققلك امنياتك يا رب

thnx

اولا انا بايد راي باسم مش علشان رئيس البرلمان ولا حاجه لا
ثانيا هي لو تيييييييييييييييييييييييييييييت حتلبس لبس محترم ليه
ولو محترمه حتلبس لبس تييييييييييييييييييييييت ليه
ولكن في بعض الاحيان طبعا
نيس توبك

AHMED OSSAM كتب:: اولا انا بايد راي باسم مش علشان رئيس البرلمان ولا حاجه لا
ثانيا هي لو تيييييييييييييييييييييييييييييت حتلبس لبس محترم ليه
ولو محترمه حتلبس لبس تييييييييييييييييييييييت ليه
ولكن في بعض الاحيان طبعا
نيس توبك

اولا مشكور على ردك وتشريفك للصفحة
ثانيا انا مقولتش ان اللى لابسة الزى الاسلامى مش محترمة ولا قلت برضه ان اللى لابسة الزى العادى تبقى مش محترمة
بس انا قلت ان احيانا بتبقى لابسة الفضفاض غصب عنها
او مثلا انا اعرف بنات فوق العشرين بيلبسوا اللبس الاسلامى عشان يتجوزوا وبس
لعلمهم ان الراجل بيدور ع المحترمة
كل اللى قلته اننا مش هنحكم ع الناس من اللبس انصحك تقرا الموضوع كويس وتقرا باقى الردود
وشكرا لتانى مرة على مداخلتك

انا راى يعنى قريب من شكل باسم
انت علشان تعرف البت دى مترمه ولا لا دا مش هتعرفيه غير باسلوب الكلام
او حتى من طريقه كلامها ودا اللى بحدده اللى بتعملوا مع البت دى

بس كواحد مش بيتعامل مع الواحده دى اكيد علشان يحدد انطباعه بياخد انطباعه من لبسها
وعلى فكره البنت الملتزمه بتكون ملتزمه فى كل حاجه
ممكن يكون اللبس ضاق مره بس اكيد مش هيكون زاى مابيقول محزق
بس لازم البت تاخد بالها من لبسها علشان هى اكيد عارفه ان مش كل الناس يعرفوا هى تبقى ايه
وشكرا على التوبيك الجميل دا

ميرسى يا محمد على مرورك العطر اللى دايما بينور صفحتى

أولا شكرا على إثارتك هذا الموضوع

ثانيا بالنسبة لرأيى

البنت المحترمة محترمة مهما كان لبسها

بس مش لدرجة المحزق والملزق والمكشوف أنا مش باحترم أى واحدة بالشكل دا

ولاباحترم إللى بيلبسوا نقاب لأنهم مش واثقين فى نفسهم وكم من الجرائم ترتكب بإسم النقاب

عموما الموضوع دا طويل وكبير جدا وعاوز صفحات وصفحات ليس هذا مجالها

نبقى نعمله موضوع عام للمناقشة فى أى جلسة

يااااه
وانا بقول الصفحة نورت ليه
اتارى القائد والاخ الاكبر
الكابتن محمد منورها
ميرسى كتيييييييييييير يا كابتن على مرورك
وان شاء الله هنبقى نناقش الموضوع فى الجلسة
ومشكور لتانى مرة على تشريفك الصفحة واتمنى اشوفك فى باقى المواضيع

سلام عليكم
موضوع مهم جدا جدا شكرا لاثارتةفى منتدانا
اولا انا خايف قوى انى اكتب راى فى موضوع زى كدا بس بعد ماشوفت راى الكابتن محمد والاستاذ باسم حبيت اقول راى
اولا , من منظور اسلامى ... الملابس التى امر بها الاسلام واضحة ولامجال للنقاش فيها
ثانيا ... من الاخطاء الكبيرة التى نقع فيها ان تحكم على شخص من خلال ملابسة او شكلة او اسمة او عملة او غير ذلك من الاشياء العارضة التى من الممكن تغيرها ....
ثالثا فى مصر خاصة وفى العالم العربى عموما لدينا ما يطلق علية امية التقليد يعنى مش بنعرف نقلد او نقتدى ...
رابعا اننا كشخصيات عربية او شرق اوسطية نهدر الكثير من الوقت فى التفكير فى اراء الاخرين بل من الممكن ان يصل الامر ان تغير حياتك بناءا على اراء اصحابك تاركا الشىء الذى ميزنا الله سبحانة وتعالى بة عن سائر خلقة دون ان تستخدمة .
الموضوع طويل جدا محتاج ورشة عمل او اى حاجة زى كدا
وان اسف انى طولت عليكم [justify]

» قيل في صمت المراة
» المراة...بمنظارى الخاص
» حقوق المراة النفسية فى الاســــــــلام
» المراة التى ابكت ملاك الموت