ضي القمر ( ضي الجمر )

طبعا في العنوان اكيد في حد استغرب ايه ضي القمر وبين قوسين ضي الجمر

دا لان القصيدة دي مختلفة خالص عن اي حاجه كتبتها

يدي اسمها ضي الجمر فعلا مش ضي القمر ، لاني كتبتها علي لسان واحد نوبي

طبعا افتكرت بقي ايام اسوان وافتكرت كلامهم النوبي

واقعدت علي فكرة اكتر من شهر اتكلم باللغة دي عشان اتعود عليها واكتب القصيدة دي

فانا عاوز اللي يقراها يعوج لسان بقي ويقراه كانه واحد نوبي

وياريت اللي يقراها يكتب هوا فهم من معناها ايه لان ليها معني مش اي حد يفهمه وفي الاخر هبقي اكتب انا معناها

- ضي الجمر -

علي ضي الجمر
ياحبيبي علي ضيه
في ليل سهر
ما شفت ليل زيه

جاعد تحت الشجر
باكل بلح أمهات
ماسك بايدي حجر
برميه علي الطرجات
يمكن يكون الجدر
رايد غزالي يعود
لما تعود البشر
ترجص بطبلة وعود

علي ضي الجمر
ياحبيبي علي ضيه
في ليل سهر
ما شفت ليل زيه

وأما عدت لداري
غلب عليّ النوم
نمت وشفت بمنامي
غزال جاعد مهموم
شفته ياناس جدامي
شفته ياناس محروم
من ضي الجمر
اللي ما طلع اليوم

علي ضي الجمر
ياحبيبي علي ضيه
في ليل سهر
ما شفت ليل زيه

جلبي جاللي يا احمد
متجوم وتتعجل
جوم روحلها
يا راكب يا مترجل
مكدبتش خبر
وجمت متهرول
استنين الجمر
غيابه ليه طول ؟!

علي ضي الجمر
ياحبيبي علي ضيه
في ليل سهر
ما شفت ليل زيه

جعدتله اغنيله
واعزف بمزماري
ياجمر متعود
نورلي لي داري
واما لساني اتعوج
ورخيت اوتاري
ملي اليأس جلبي
وسري في شرياني

علي ضي الجمر
ياحبيبي علي ضيه
في ليل سهر
ما شفت ليل زيه

فجأة لجيت الجمر
ضيه مالي الكون
وانا تحت الشجر
نايم ولا المجنون
رحت رامي الحجر
ومسكت وردتين
كل وردة فيهم
تحمل مية ألف لون

علي ضي الجمر
ياحبيبي علي ضيه
في ليل سهر
ما شفت ليل زيه

يارب تعجبكم بس ياريت وانتوا بتقروها كدا ت

خيله ان فيلم شغال ادامكم عشان تفهموها اكتر

هههههههههههههههههههههههه

لا جامده خالص

بس واله ايام الاقصر دى متتعوض اصلا

وقول للزمان ارجع يا زمان

ميرسي لمرورك يا جمر

بجد رائعة يا احمد و بشكرك عليها و عاوزين ديوان ينزل قريب ماشى و انا بتنبأ لك مستقبل رائع فى الشعر

تقبل مرورى