مسطول بيجاوب فى السياسه.............هههههههههههههههههههه......جامده مووووووووت

مذيع عمل حوار مع واحد مسطول سئله فيها فى الكلام الكبير و هو ده الحوار المنيل

المذيع= هاسئلك على حبة مصطلاحات و تقولى معناها نتبدى؟
المسطول=تحت امرك ياغالى

عملية السلام## عملية سهلة زى عملية اللوز كده يا باشا

غسيل الاموال## عملية بتضايق الواحد اوى ياباشا لما يقلع هدومه عشان تتغسل و يكون ناسى فيها المحفظة بتاعته

التغيير## و لا مؤاخذة يعنى مش لما بيغيروا للعيل لما يكون مبلول
طب

الحضارة##ايوه يا باشا مش ديه الى بنخشها و احنا صغيرين الى فيها كى جى 1 و كى جى 2

الجمهورية ## مش ده الجرنان ابو 75 فرش ده و لا بجنيه تقريبا يا باشا
برضه

و البيئة## شتيمة بتتقال لاى حد من منطقة على اد حالها

و المصريين## لا سهلة اوى ديه يا بيه مش ديه جبنة تلاجة
طب
جامعة الدول العربية## تقريبا كده دى جامعة خاصة ما بتخدش مجموع عالى

رمسيس التانى ## يا يابيه اى مكروباص من عالناصية هنا هينزلك مكان ما انت عايز فى رمسيس

شهادة الايزو ## اهى دى بقى الى بتاخدها لما تاخد البكلوريوس من جامعة الدول العربية
طب

العمل بالسياسة## ايوه يا بيه ديه بتتقال على الى بيشتغل سايس فى جراج

صندوق النقد## حاجة كده زى صندوق الزبالة
يادى النيلة
طب

المبايعة## ورقة الواحد بيكتبها لما يبيع عربيته القديمة و لا البيت الملك بتاعه

سلام عادل و شامل## طب عادل و عرفناه مين شامل ده بقي

الارهاب## نوع من السلطات بيتقدم مع الكباب

الشريط الحدودى ## تقريبا الشريط الى جاى بتاع عمرو دياب

عصر المعلومات## العصر الى بتاخد فيه الى انت عاوزه اذا دفعت المعلوم

الخصخصة## مش بتاعت شم النسيم ديه الى بعد ما تاكل الفسيخ و الملانة

طب الاهرامات ## لا سهلة اوى ديه يا باشا مش الاربعة الى شبه الجبنة النستو دول و بالامارة كمان جمبيهم تمثال ابو عزة الى هو منه راجل و منه قطه مش كده

قصور الثقافة## ديه بقه البيوت بتاعت الناس الاكابر الله يسهلهلهم

قناة الجزيرة## تقريبا كده فرع من قناة السويس

العولمة ## عملية فنية محترمة تحت ادارة فيفى عبده و سهير زكى

الشفافية## من اهم صفات الهدوم المستخدمة فى العولمة

طيب المرشح ## دي بتتقال على الحاجة الى بتبوظ فى الحمام و بنجبلها السباك

التصويت ## الى بتعمله الستات لما حد بيموت عندهم

التزوير ## تاخد الحتة بتاعتك تزورها مكان فى هوا و كويس كده

حرية النشر## بتعملها الستات على حبال الغسيل فوق السطوح

التعمير ## اهى ديه بقى يا باشا لما نغير الحجر للشيشة فى الغرزة(القهوة )و

العمل الثورى ## مذكر العمل البقرى

قطاع الاعمال ## دى حاجة غير قطاع الطرق تقريبا

احمد زويل## صنع فى مصر و تقفيل بلاد برة

التربية## كانت زمان مسئولية وزارة التعليم دلوقتى مسئولية تجار المواشى

القانون## الة موسيقية بتطلع اصوات حلوة

دستور ## الهم احفظنا يا باشا لما يبقى فى بيت مسكون اهله بيقولوا الكلمة ديه للاسياد

طيب التاريخ ## مادة بيخدوها العيال فى المدارس

و العراقة ## الى بيلبسها بتاع التنس يا باشا عشان ينشف فيها العرق

و الاصالة ## يا باشا دى مرات طارق العريان و بلاش نجيب سيرة الناس

طيب التحف ## دى شتيمة كانوا زمان يا باشا المدرسين بيقلوهلنا فى المدرسة

و الانتيكة ## يا عالتفاهة يا باشا الى بتمسح بيها لما تكتب بالرصاص

طيب السياحة ## اهى ديه يا باشا ساعة ما حد يعمل حاجة مش كويسة نقوم نسيحله و نفضحه بقى

و القلعة## لا مواخذة يا باشا دى كلمة عيب بتتقال على الحد الى لابس من غير هدوم

وده بقى النشيد الوطنى للبلد العايش فيها المعلم ده

بلدي هيا امي وجوزها يبقي عمي

وجوز بنت ابن عمي بنقولوه يا عم عم

تلاقيها رايحها كل يوم العصر

ع الترعه اللي جنبي تاخد فيها غطس

فجالها بلهاريسيا و فقر دم و نقص

متلاقي في تعبها مرض في كل عصر

عصر عصر

بلدي هيا امي وجوزها هوه عمي

ولو عمي مات هيجي واحد غيره و هنقله يا عم عم

نص نص

lost angel كتب:

الموضوع دا جامد يا
lost angel
ودول اجمدهم
بس جمده السياحه
واجمد بتاعة
حرية النشر
تقبلى مرورى

جامد اواى
وحلو حكايه احمد زويل دا
وتقبلى مرورى

هههههههه
هوا بجد توبيك جامد ولهذا انا تشبثت بيخه ونلته
ويار ب يكون عجبكو
ومنورين يا رجاله

طب يعنى ايه تشبثت دى

ههههههههههههههههه
تشبث اى تمسك واصر على شئ ما
يعنى شبط يا اخ

براحه علينا يا حجه
احنا مخدناهاش فى الكلاس
هى هى هى هى هييييييييييه

» نكت جامده جداً
» نكت جامده آخر حاجة
» قصه انا مسلمه ولكن؟؟؟؟؟؟؟؟ جامده
» جامده جدا جدا تامر عاشور"اجرح اكتر"