مصر .. مصر .. مصر ليها حق علينا .. لينا حق عندها

مصر .. مصر .. مصر
ليها حق علينا .. لينا حق عندها
ليها أننا نحبها .. أننا نخلص لها .. أننا نضحي علشانها
لينا أنها تحضنا .. تعيشنا فى أمانها .. تضمنا بين جناحتها
أخدنا من مصر حقنا وللآسف لسه مش أدينا لها حقها
تقصير .. لامبالاة .. إهمال .. عدم وعى .. عدم اهتمام
ياترى السبب فينا ؟ ولا فى غيرنا ؟ .. السبب من جوانا ولا من بعيد عنا ؟
الحال ده صح ؟ ولا غلط ؟ لازم يتغير !.. ولا هنقبله كده
العيب مش فى الحكومة بس لأ العيب فينا كلنا
إحنا اللى بنختار وإحنا اللى بنفذ وإحنا اللى بنتعايش مع البلد دى
فى شوارعها .. فى مداينها..فى حواريها .. فى أقاليمها .. فى مدارسها .. فى جامعاتها .. فى نواديها
فى كل حته فى مصر .. فى كل شبر فى بلدنا ليه ذكره حلوة معانا ..وليه حق علينا
علشان التعليم ..يبقى أحلى
علشان المعيشة ..تبقى أحلى
علشان المواصلات .. تبقى أحلى
علشان أكلنا وشربنا ..يبقى أحلى
علشان صحتنا .. تبقى أحلى
علشان حياتنا ..تبقى أحلى
علشان بلدنا تبقى أحلى
لازم مصر تبقى أحلى وأحلى وأحلى
مافيش حد قدر النعمة اللى ربنا أداها لنا
بلد جميلة وللآسف لوثناها
بلد آمنة وللآسف خايفين وإحنا عايشين فيها
بلد سياحية وللآسف بقينا إحنا أغراب فيها
بلد قوية وللآسف بقينا ضعفاء فيها
بلد الحرية وللآسف بقينا سجناء فيها
ليه بقينا كده ؟ .... ليه وصلنا لكده ؟ .. ليه قبلنا أن إحنا نبقى كده ؟
علشان أيه ؟.. وعلشان مين ؟ وفى مصلحة مين حالنا بقى كده ؟