عملونا حقل تجارب !

بعد تفشي وباء مرض انفلونزا الخنازير المشهور باسم ( فيروس AH1N1 )

وبعد ظهور نتائج الاحصائيات المذهله بالمرة والاعلان باحتلال مصر المركز الثالث عالمياً من بين دول العالم لاكثر نسبة اصابة بمرض انفلونزا الخنازير

فقد صدرت فاكسات من وزارة التربية والتعليم لمدارس الجمهوريه لتأجيل المدارس عشرة ايام

من يوم 23 / 9 إلي يوم 3 / 10 / 2009 م

الي حين اجراء اي تعديلات اخري فور ظهور اي حالات اخري

وعلي علمي فقد سمعت من صديق لي قصة انه نادي للسباحة بمدينة الاسكندرية اصيب باكمله بهذا الفيروس

لان لاحد السباحين قريب اتي من بلد اجنبي حامل للفيروس فانتقلت العدوي لهذا السباح واثناء انتقالهم من مكان لاخر عن طريق الاتوبيس

فقد نقل العدوي لباقي السباحين

وقد قفل هذا النادي تقريباً

والان ثلاثة حالات مصابة بالمرض بقرية المسين التي لاتبعد عن مدينة الدلنجات كثيراً

وليس هذا فقط فقذ ذكرت مسبقا ان مصر في المركز الثالث عالميا من حيث الافراد حاملي المرض

والفيروس سريع الانتشار

فهل وزارة التربية والتعليم تجعل ابنائها - والتي تدعي انهم مستقبل مصر - حقلاً للتجارب حين ظهور اي اصابات اخري ثم تأجل المدارس

وعند ظهور اي حاله اخري تؤجلها مرة اخري

ولما لا تقوم الوزارة بالغاء المدارس هذا العام

فالحفاظ علي مستقبل مصر ( ابنائها ) يستوجب ذلك

ان نؤجل المدارس عاماً حفاظا علي المستقبل لا يؤثر علي مستقبل مصر ما دمنا سنتخطي خطورة هذا الفيروس الخطير

وحين قام وفد من أعضاء برلمان شباب وطلائع الدلنجات بعمل استطلاع آراء في شارع الدلنجات

فرأينا ان الغالبية العظمي ترد رداً واحداً وكأنهم في الاتفاق متواعدين

" جعلونا حقل تجارب "

وفي حين آخر ولان البرلمان هو صوت الشعب للمسئولين

فبرلمان شباب وطلائع الدلنجات يدعو وزير التربية والتعليم سيادة الوزير / يسري الجمل

بعدم خوض اي مجازفات او مخاطرات ويقوم بالحل الاصوب

بالغاء التجمعات الكبري التي تنتشر في المدارس

فقد بلغت كثافة الفصل الواحد في احد مدارس المدينة خمسون تلميذاً

فهل هذا ليس تجمعاً من التجمعات الكبري

نطالب رسمياً بالغاء المدارس هذا العام الا وحدثت ما يقارب الكارثة بسبب هذا الوباء الفيروسي

قدمها لكم مشرفي منتدي كلا × كلام

احمد فرحانه

بلاك هيرت

فوكك مني

مرسي على المجهود الجبار يا دنجوانوالصراحه الاسم جااااااااااااااااااااااامد جدااااااااااااا
وبشكر كل من بلاك هيرت وفكاك منى

شكرا على الموضوع الرائع

وفعلا الاسم الموضوع جامد

وانا اتفق معك يا احمد
لازم تتلغى المدارس السنادى
احنى جيل المستقبل
مينفعش نطلع جيل عيانين

ولا ايه يا جماعه

ياجماعة احنا اتعرضا لمواقف اكتر واصعب من دى ازاى احنا شباب المستقبل ومش عرفين نعدى اول مطب انا ضد موضع قفل المدارس تقبل مرورى

هيه الحيقه حاجه تحير
يعنى نلغى المدارس ونلغى سنه من عمرنا ونعطل نفسنا
ولا نقيم المدراس ونبدا الدراسه ونتوكل على الله ونسيب احتمال تفشى الوباء
بجد حاجه تحير

شكرا على الموضوع المهم ده يا دنجوان

تقبل مرورى

في توضيح صغير يا احمد ان الغاء الدراسة هذا العام بايد وزارة الصحة وليس وزارة التربية والتعليم

شكرا

ثانكس لمروركم جميعا

بس في حاجة يا حماده

احنا مش محتاجين نجرب ولما تقع الفاس في الراس نقول ياريتنا

لازم ناخد حظرنا كويس اوي

لانها هتبقي مشكلة كبيرة اوي لو تلميذ واحد صابه المرضومحدش خد باله

شوف بقي التلميذ دا هيعدي كام واحدة في المدرسة بتاعته

والتلميذ دا بياخد كام درس وكام واحد معاه في كل درس

وشوف بقي ان كان بيلعب مع مين من اصحابه في الشارع او النادي او ـ او

وغير قرايبه وكدا

وعد بقي كام واحد اتعدي من التلميذ دا

وهيعدي كام واحد

مع العلم ان المرض سريع الانتقال

وقد ينتقل عن طريق التنفس

ويا بلاك هيرت هيا مش حاجة تحير ولا حاجة

لان احنا لازم ناخد حذرنا ولما سنه تضيع من مستقبلنا احسن من لما مستقبلنا كله يضيع

ويا ادمين انا عارف وواخد بالي من النقطة ديا بس برده لازم هيبقي القرار قرار وزير التربية والتعليم

لا برده لو سنه ضاعت منى يبقى سنينى كلها ضاعت
عموما ايه منا مش بيضيع مش هتفرق كتير يعنى لما تضيع بارادتنا عن انها تضيع غصب عنا

عموما يعملوا اللى همه عايزينه واحنا مستنين القرار اذا كنا هنموت ولا هنتقتل!

تقبل مرورى

لا لا يا ايسو

لما سنة تضيع احسن ما عمرنا كله يضيع

وخصوصاً ان اخر معلوماتي ان الحالة رقم 37 في البحيرة كانت يوم السبت اللي فات

واول حالة كانت قبلها باسبوعين من راجل جاي من الاردن بقرية المسين

طيب لو اعدنا سنه كاملة

كام واحد هيصيبه المرض

هو فعلا الموضوع ده بالنسبه للطلاب موضوع مهم
بس على راي ايسو ليه نضيع سنه من عمرنا احنا نروح المده ونتوكل على الله Very Happy

وانا برده بقول ان لما سنه تضيع من عمرنا احسن واخف من ان عمرنا كله يضيع

وبعدين نتوكل علي الله دي ونعم بالله

لكن ربنا برده بيقول " ولا تلقوا بانفسكم الي التهلكه "

صدق الله العظيم

وشكرا لمروركم كلكوا يا جماعة