الفرق بين باباكى وجوزك

ادخلي وشوفي الفرق بين أبوكي وجوزك ونصيحة للي متجوزتش ما تفكريش في كدة هههههههههههـــــــــــ

مع ابوكى .. دخلتى المطبخ ما دخلتيش .. كله واحد وممكن باباكى يساعدك ..
انما مع جوزك .. مش بمزاجك .. ها تدخلى .. هاتدخلى ..

* مع ابوكى .. فى العيد بيديلك العيديه وفوقيها بوسه .. لكن مع
جوزك .. بيقول انت خلاص كبرتى على الحاجات دى

* مع ابوكى .. بتنامى وتصحى وقت ما انتى عايزه ..
مع جوزك .. وقت ماهو عايز .. او مع مواعيد شغله.

* مع ابوكى .. بتشترى هدومك ومكياجك وكل اللى انتى عايزاه .. ويقولك حلو قوى عليكى ..
مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى

* مع ابوكى لو حصل وكنتى زعلانه .. بيزعل عشانك .. لكن
مع جوزك .. بيزعل منك .. ويلومك ازاى تزعلى اصلا

* ابوكى .. كلمه حلوه ترضيه ..
وجوزك .. طول الليل تحايلى فيه.

* ابوكى.. وانتى عيانه .. سهران جنبك طول اليوم ..
انما جوزك بيروح ينام فى الاوضه التانيه.

* ابوكى.. لما تكونى فى مشكله .. بيسيب كل اللى وراه ويتفرغ لمشكلتك ..
وجوزك .. بيحط مشكلتك اخر بند فى اجندة يومه.

* أبوكى .. لما تدلعى عليه .. بيفرح بيكى ..
انما جوزك .. بيقولك ..اكيد عايزه حاجه .

* ابوكى.. لما تقولى له .. ده حصل كذا وكذا .. بيهتم ويصدقك ..
انما جوزك .. بيقولك .. الموضوع دا وراه ان .. ويشك فى كلامك.

* ابوكى .. لو شافك بتعيطى ها يمسح دمعتك ..
انما جوزك .. ها يقولك يادى النكد .

* مع ابوكى .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص ( يا حبيبى يا بابا ) ..
لكن جوزك .. ها يقولك شكلك زى عروسة المولد .

* مع ابوكى .. لو طلبتى دوا من الصيدليه . جرى ها ينزل يجيبه ..
لكن جوزك ها يسالك بكام.

* مع ابوكى .. نفسك تخرجى مع صحباتك .. ها يقترح عليكوا تروحوا فين.. ويجى يوصلك كمان ..
لكن جوزك .. ها يقول مالوش لزوم .. والبيت ماله

* ابوكى .. لو طلب منك كوباية ميه .. بيقولك لو سمحتى عايز ميه ..
انما الرخم .. بيقولك قومى هاتى ميه.

* لو ابوكى نايم .. وانتى صاحيه لسه وعامله شوية دوشه .. ما بينطقش ..
لكن جوزك .. صوت زعيقه ها يسمع الشرق الاوسط كله

* ابوكى.. فى كل الاحوال بيتناقش معاكى ..
جوزك مناقشته معاكى قائمه على انه لازم يطلعك غلطانه حتى لو الموضوع مالوش علاقه بالغلط والصح.

* لو بتتفرجى مع ابوكى على التليفزيون ... ها يسيب لك الحريه تتفرجى على اللى انتى عايزاه ..
لكن المحروس .. مافيش قدامك غير يا الاخبار يا الكوره .. يا ميلودى

* ابوكى لو نازل مشوار .. بيعمل ليكى اعتبار ويديكى خبر ..
لكن جوزك .. بيختلس عدم وجودك قدامه عشان ينزل من وراكى.

* ابوكى دايما شايفك حلوه ..
جوزك مش بيشوفك حلوه الا فى الحالات النادره .. او اذا كنتى صاروخ وهو مضطر يعترف وفى الاغلب مش ها يعترف

* لو محتاجه فلوس فى حاله طارئه .. ابوكى ها يديكى من عينيه ..
لكن جوزك .. ها يقولك خدى من ابوكى

* لو جالك مكالمه غلط على موبايلك.. ابوكى ها يقولك حصل خير ..
لكن جوزك .. ها يتهمك بالخيانه ...

* لو جبتى كحكه اخر السنه وطلعتى بماده .. ابوكى ها يشجعك ويهدى اعصابك..
لكن جوزك.. ها يقولك .. يا ادى المصاريف اللى مالهاش لازمه

* لو ما فيش فى التلاجه غير ازازة بيبسى واحده .. ابوكى ها يسيبها لك بنفس راضيه ..
لكن جوزك ها يقول معلش انا لازم ابلع او ها يقسمها معاكى

* لو غصب عنك صوتك على على ابوكى .. هايلومك بذوق ..
لكن جوزك ها يسمعك قاموس شتايم

* لو اتزحلقتى على الارض .. ابوكى ها يجرى يشيلك ..
جوزك ها يقعد يضحك ويقولك ما انتى اللى مش منشفه الارض كويس منك لله يا اخى

* لو نفسك تغيرى مكان السجاده .. ابوكى ها يقوللك عنك دى تقيله عليكى..
لكن جوزك ها يقولك مش ضرورى وجع القلب دا

* لو عامله عزومه لاصحابك فى البيت .. ابوكى ها ينزل ويقولك خليكوا براحتكوا ..
لكن جوزك ها يشترط مين اللى يجى او ها يرفض من اساسه

* ابوكى.. ممكن يكتبلك حاجه باسمك.. او يحطلك مبلغ فى البنك ..
جوزك .. لا لا لا يمكن نفسه تطاوعه على الفعله الشنعاء دى

* لو العربيه عطلت بيكى .. ابوكى.. ها يقولك اقفليها وتعالى وانا ها اتصرف..
جوزك .. ها يقولك متركبيش العربيه تانى

* لو ابوكى شافك بتتخانقى فى الشارع مع واحد .. ها ينزل يقطعه ..
لكن جوزك .. ها يقولك انتى قليلة الادب

* لو حكيتى لابوكى على واحد عا*** .. ها يقولك معلش .. وبعدين عنده حق .. انتى جميله
انما جوزك .. ها يقولك انتى اللى ماشيه مش محترمه

* لو مقدمه على شغل .. ابوكى.. ها يوصى عليكى طوب الارض ....
لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره

* ابوكى لو لاحظ انك متخانقه مع اختك .. ها يصالحكوا على بعض ..
لكن جوزك .. ها يقول خليهم يولعوا دول عيله عجب

* لو عندك مشوار والبيت ما فيهوش غير عربيه واحده.. ابوكى.. ها ينزل يروح مشواره بتاكسى ويسيبلك العربيه ..
لكن جوزك.. ها يقولك استنى لما اخلص اللى ورايا وارجع انام وابقى خديها بعدين ( يكون الميعاد طبعا طار )

* مهما ابوكى كان متضايق .. لا يمكن تكلميه وتلاقيه مكشر ..
لكن جوزك.. لو متضايق .. مصر كلها هتنكد عليكي

زائر

لالالا معتقدتش ان كل الاباء كدا
دول عايزين يخلصوا مننا

يا ستى ده كلام لكن ساعه الجد هتلاقى والدك حزين

زائر

ايه الابهات المثاليه دي احنا معندناش النوعيه المثاليه اوي دي من الاباء

زائر

عندك حق ماله بيت الاب ما احنا اعدين ومستريحين خالص اهو دا احنا بقة الى عايزين نجيب النكد لنفسنا بالمنظر ده

لا كلهم كده بس مش بيحبه يظهره كده ليكم عشان متسقوش فيها

زائر

لالالالا مش كلهم كدا

ههههههههههههه نيس توبيك

ممكن استلف الاب ده يومين بس؟

تقبل مرورى

ايه الاباء الجميله ده
ومش اى جوز اللى يقدر يعمل كده برده فيه وفيه
الموضوع حلو جدااااااااااااااااااااااا
تقبل مرورى

بما اني الوحيدة المتزجة في المنتدي فاسمحولي اقولكم وبكل صراة ان فعلا كل الاباء كدة وكل الازواج زي ما جه في التوبيك

اولا التوبك جميل بس انا عندى طلب لما
BLACK HEART
تستلفه هستعيره منها
اممكن؟
نايس توبك تقبل مرورى

» ما الفرق بين الرومانسيه والحب ؟
» الفرق بين الحب والإعجاب
» (( الفرق بين حب الرجل وحب المرأة ))
» الفرق بين المدير العربي والمدير الغربي
» الفرق بين الشباب والبنات