كل سنه بنستني رمضان عشان نتابع المسلسلات تخيلوااا......
كل كلامم البنات بيقي عن ايه .... مثلا عن خلصتي كام جزء لغايه دلوقتي .. ولا صليتي التراويح.. لا خالص الكلام ده انتهي من مده ولو موجود بيبقى قليل اوي
شوفوا بقى كلام البنات في رمضان بيبقى عن ايه؟؟؟
سمعتي حلقتي امبارح في مسلسل كذا كانت تحفه بس شفتي البطل كان فظيع امبارح هو ده اكتر كلام البنات في رمضان
غير بقى الحاجه اللي بتغيظني ...
تلاقوا البنات في رمضان لابسه ايزدال او عبايه وتبقى في منتهي الاحترام وبعد رمضان نرجع بقي للبس القصير والضيق
انما الولاد بقي كل او معظم وقتهم بيبقى بايه انهم يصحوا بدري مش عشان يصلوا الفجر او الصبح وكدا لأ ده بيبقى عشان عندهم دورده رمضانيه(كوره يعني)
وسعات برضوا بتبقى بليل او في اي وقت المهم انهم ميفوتوهاش
وتلاقي كل الناس ماسكه مصحف في منهم اللي بيقرا فيه ومنهم اللي ماسكه منظر (كل واحد بنيته بقى)
طيب ليه منبقاش بطبيعتنا في رمضان يعني نمارس اشغالنا عادي ونبقى طبيعيين ومنسكش المصحف ع الفاضي والمليان يعني نمسكه لما نبقى هنقرا فيه
وحكايه بقى ان احنا نسلي صيامنا تخيلوا بقى بنسليه ازاي ..... طول اليوم قدام التليفزيون بنتفرج ع المسلسلات او نايمين عشان منحسش بصيامنا
اذا كان هو اصلا صيام عشان نحس بيه عشان لما نحس بالجوع نعرف احساس الفقير واللي مش لاقي ياكل
طيب ده كلام ينفع ولو احنا بنبقى مؤمنين في رمضان طيب مانخلينا مؤمنين ع طول يعني الايمان ده مش هيعطلنا ولا هو حاجه وحشه عشان نتخلي عنها
طيب هو رمضان دلوقتي زي ماكان زمان يعني ايام الرسول ؟؟؟
مفيش كلام يتقال غير ربنا يصلح حالنا جميعا ... اّمين
![♂♂l][Ξ¯▪ـ‗_Barlaman_‗ـ▪¯Ξ][l♂♂](https://2img.net/s/t/11/44/70/i_logo.jpg){kind=logo}
موضوع: رمضان قرب .. شفتوا مسلسلات ايه اللي جايه >>هو ده رمضان عندنا تخيلوا..<< 
الجمعة أغسطس 14, 2009 5:38 pm
