أدخل ، جاوب ، واعرف انتا ايه

ادخل ، جاوب ، وأعرف انتا ايه

لعبة بس بجد ، وفعلا مسلية جداً لدرجة انها اهم من كدا

جاوب علي الأسئلة اللي قدامك ديا بس بكل صراحة

لو قدرت انك تصفي عقلك وتجاوب علي الاسئلة بكل صراحة

بعد 24 ساعة هتلاقي وصف دقيق جدا لشخصيتك

ودي بعد تجارب كتير طبعاً





1- لو انتا مسافر أسوان تفضل انك تروح بايه ؟

- بعجلة
- توكتوك
- سيارة
- قطار


2- لو انتا عايز تجمع 9876 + 25134 + 7325 + 8437 تفضل انك تستخدم ايه ؟

- عقلك
- تعمللها مسودة
- تسال زميلك
- تستخدم الالة الحاسبة


3- لو عايز تقضي اجازة نص السنة تقضيها فين ؟

- الدلنجات ( مكانك يعني )
- أسوان
- اسكندرية
- تسافر بره ( تروح ايطاليا او كندا مثلاً )


4- لو حد طلب منك المساعدة ، بس هتيجي عليك بغرامة تعمل ايه ؟

- تساعده عادي
- متسعدهوش خالص
- تتهرب منه بذوق
- تدبسة لواحد من زمايلك


5- لو واحد إداك اربع حاجات تعملهم ، تختار إيه منهم ؟

- تسافر القمر
- تعيش لوحد في جزيرة في نص البحر
- تسوق طيارة لأول مرة في حياتك
- تسافر لبلد بعيدة بالعجلة


يالا جاوب واعرف انتا ايه بعد اربعة وعشرين ساعة بس

1- بالقطار

2- هى مش فرقه ممكن اعملها بعقلى لو عايز
بس افضل الاله الحاسبه

3- اسوان علشان حتكون الاجازه فى الشتا

4- لو صاحبى جامد حسعده
بس لو اى انسان تانى حتهرب منه بذوق
اختار انت حسب السؤال

5- طبعا اسافر القمر لا علشان القمر مفهوش حاجه
تعيش لوحدك فى جزيره طبعا لا مبحبش اعيش لوحدى
وطبعا لو سوقت الطياره ممكن اموت علشان انا مبعرفش اسوق طيارات
بس ممكن اسافر لبلد بعيده حتى ولو ماشى علشان انا بحب المغامره وبحب اشوف اماكن جديد

اوكي يا محمد وقبل مرور دقيقتين هتعرف شخصيتك

إنتا إنسان متعجل ، مش صبور ، دقيق لكن ليس بمعني الكلمــــة وكل ما تحملـــه مـــن معانــــي تضع كل شئ في مكانه المناسب ، خجول لكن ليس بدرجة كبيره ، مغامر ، مساعد ، شديد اللهفة

انت قولت يا باشا فى خلال 24 ساعه دول طلعت فى اربع ساعه


على العموم انا يعنى 80 فى الميه كدا


شكرا يا احمد على الحجات الحلوه دى

1- السيارة
2-عقلى
3-اسكندرية
4-اساعده عادى
5-اسوق طيارة لاول مرة فى حياتى
شكرا للاسئلة يااحمد
تقبل مرورى

1/ القطار لانها هتكون امتع
2/اسخدم عقلي اما لو حسيت اني اتلخبطت اعملها بمسودة احسن
3/عن نفسي اسافر بره بس ياسلام لو كانت فرنسا او انجلترا او هاواي
4/اساعده عادي مش مهم الغرامة
5/ اعيش لوحدي في جزيرة في وسط البحر اكيد

تقبل مروري وشكرا ع اللعبة الجامدة دي

1- القطار

2- عقلي الاول وبعدين مسودة



3-اسافر ايطاليا


4- لا يا عم عادي اساعد



5- اعي لوحدي في جزيرة في وسط البحر

دا بالنسبة لميزو اللي هسميه ميزو البسيط

مغامر ، ذكي ، نشيط ، يحب البساطة ، غير متعجل في معظم الأحيان ، متعاون ، بيعرف يخطط ويفكر صح لكنه لا يجيد التنفيذ ، بس ممكن تضر نفسك لأن عندك أفكار شبه رجعية


ثانكس للمرور

أما بقي الغامضة متمس فاقدر اقول عليها


مغامرة ، متعجلة في رد فعلك ، زكية ، هادئة ، تعرف تتصرف صح لو اتحطت في موقف شده او ضيق ، متهورة ، لها عالمها الخاص لكنها تعيش عالم الآخرين وربما تعبث به

البيج بوس ، الأدمين ، يعني النجوم ، يعني الأبراج ، يعني الطول والهيبة كلها ، يعني الأرصاد الجوية شخصيته بقا كدا


متعجل ، ذكي ، يفعل ما يريد للوصول إلي ما يريد ، مغامر ، يتصرف بحكمة بالغة عند الوقوع في خطأ ، خياله واسع ، متعاون ، إن وقع في مشكلة يعرف مكان الطريق الصح للخروج من محنته ، لكنة لا يجيد السير فيها ، وإن تساهلت معه خطاه في بادئ الأمر ، لكنها تبوء بالفشل

برافووووووووووووووووووووو

1/عجله

2/عقلى

3/اسكندريه

4/هساعد

5/جزيره فى نص الميه

دورك بقي يا ايسو بس انا متهيالي انك مش مجاوبة الاسئلة دي وانتي مركزة ميه ميه
بس المهم انتي كده :

1/
السيااااااره
2/
لو فى اله حاسبه ح استخدمها لو مفيش ه اعمل مسوده
3/
هولندااااا
4/
لو الغراااااامه كبيره:
*هشوف لو محتاجها اوى هساعده
*لو صاااحبى او حتى يعرفنى هساعده
امااااااااااا لو الغراااااااامه صغيره:
*هسسسسسساعد اى حد
5/
اسااااااااااافر القمر علشااان احس انى خفيف

ميدو بقي الخفيف شخصيته كده


شخصية عادية لا تميل للتعجل أو الصبر ، قد تكون العجلة غالبة أحيانا علي الصبر ، غير واثق من نفسه ، دقيق لكنه دقته تظهر اكتر في استلام المعلومة لا في تسليمها ، بتعاونه يكسب ود الاخرين ، يغامر ويعرض نفسه للخطر لأتفه الاسباب ، شخصيته قد تكون غامضة بعض الشئ في بعض الاحيان