هو انت بتصلى؟

عضو فعال

بسم الله الرحمن الرحيـــم

[size=25]**
هو انت بتصلى؟

ايه اللى بتقوليه ده
...
طبعا بصلى اومال مسلم ازاى

طيب الحمد لله بدل ما ادخل معاك فى نقاش

واقولك مش بتصـــــــــــلى ليه

طيب سؤال تانى بتصلى ليه بقى؟

اختلفت الاراء والهدف واحد

واحد قال عشان اقرب من الله

واحده قالت عشان اذكر الله

تالت قال عشان مسلم وده فرض

رابع قال تعـــــــــود

صدقونى قالوا كده

بجد اختلفت الاراء
بس
المهـــــــــــــــم
اننا بنصـــــــــــــلى
الحمد لله

نيجى بقى لاهم الكلام

هديكوا مثال بسيط

فى واحد بيروح الشغل

عشان متعود يروح كل يوم

وفى واحد تانى بيروح عشان بيحب شغله

وفى واحد بيروح عشان
بيحب شغله وعشان اتعود عليه
وعشان حابب يفيد نفسه ويفيد اللى حواليه

؟ ايه رأيك مين افضل؟

مين اتميز عن التانى؟

كل ما زادت اسبابك كل ما زاد امتيازك

فكر انت بقى كده

بتروح تصلى ليه؟

قول جواك وانت واقف على مصليتك

انا واقف هنا

ـ عشان بحبك يارب

ـ اتعودت اقابلك 5 مرات واكتر فى اليوم
عشان بشتاقلك

ـ واقف عشان اقرب منك اكتر

ـ واقف عشان عارف انك هتدينى على صلاتى ثواب كبير

ـ واقف عشان خايف اقصر فى صلاتى واتعاقب

ـ واقف عشان ده فرض عليا ولازم اقول
سمعت واطعت يا الله

ـ واقف عشان عندى هموم نفسى احيلك يارب

ـ واقف عشان انت سبحانك نعم المولى ونعم الوكيل

شايف اد ايه اسباب؟
يمكن دى تكون اسبابى انا
ممكن غيرى يكون عنده اسباب اكتر بكتيـــــــر

وياخد حسنات فى صلاته اكتر منى كمان

لازم تتعودوا تحطوا اسببابكم قبل كل صلاه

يا كل اللى بتشتكوا من عدم الشعور بلذه الصلاه

اذكروا اسبابكـــــــــــــــــم تحلو صلاتكم

[/size]

تقبل الله منا ومنكم ..

**

امممممممممم موضوع فى غايه الاهميه يارب الناس كلها تقراه

عضو فعال

ميرسيه جداا لمرورك
نورتني

بجد موضوع هايل جدا
بس انا حاسس انى سمعت الموضوع دا قبل دا
هو دا موضوع لاستاذ معز مسعود اصل نفس الطريقه بتاعته
انا كنت فى ندوه دينيه فى معسكر ابو قير اللى فات وكان فى شيخ من الازهر وامام مسجد كبير فى اليكس
وسألته عن نفس السؤال دا اللى هو الخشوع فى الصلاه
رد وقالى لازم اهم حاجه تحس وانت رايح تصلى بعزمه ربنا
بجد شكرا على الموضوع دا جدا

عضو فعال

ثانكــس ع ــالمرور يا ميدو
نورتني