قصيده البتاع ...... لشاعر الفاجومى

قصيده البتاع

يا للي فتحت البتاع

فتحك على مقفول

لأن أصل البتاع

واصل على موصول

فأى شئ في البتاع

الناس تشوف على طول

والناس تموت في البتاع

فيبقي مين مسؤول ؟

وإزاي حتفتح بتاع

في وسط ناس بتقول

بأن هذا البتاع

جاب الخراب مشمول

لأنه حتة بتاع

جاهل غبي مخبول

أمر بفتح البتاع

لأنه كان مسطول !

وبعد فتح البتاع

جابوا الهوا المنقول

نكس عشوش البتاع

وهد كل أصول

وفات في غيط البتاع

قام سمم المحصول

وخلا لون البتاع

أصفرحزين مهزول

وساد قانون البتاع

ولا عله ولا معلول

فالقاضي بتع البتاع

فالحق ع المقتول

والجهل زاد في البتاع

ولا مقري ولا منقول

والخوف سرح في البتاع

خلا الديابه تصول

ويبقي البتاع في البتاع

والناس صايبها ذهول

وأن حد قال دا البتاع

يقولوا له مش معقول

وناس تعيش بالبتاع

وناس تموت بالفول

وناس تنام ع البتاع

وناس تنام كشكول

آدي اللي جابه البتاع

جاب الخراب بالطول

لأنه حتة بتاع

مخلب لراس الغول

باع البتاع بالبتاع

وعشان يعيش على طول

عين حرس بالبتاع

وبرضه مات مقتول

قال الشاعر أحمد فؤاد نجم هذه القصيدة على الرئيس انور السادات

زائر

الله عليك
بصراحة قصيدة البتاع دي عاملة زي البتاع بالظبط
عموما كل بتاع هيلاقى بتاع بعد البتاع ما يجي

نيس توبيك تقبل مروري

ايه يا متمس هو انتى اتعديتى

على العموم شكرا على البتاع (يووووووووووه) قصدى الرد

البتاعه دى جميله اوى ويارب تبقي بتتاتيعك كلها جامده
تقبل بتاعتى

شكرا يابتر فلاى
وان شاء الله كل البتاتيع بتاعتى حتبقى حلوه

هههههههههههههههه

بجد البتاع ده جامد

انتو لو فهمتوا هتحبوها بجد
على فكره هو بيسخر من الناس وكلمتها اللى لا بقى ليها طعم ولا معنى

مش عارف بس انا حاسس قصيده البتاع ...... لشاعر الفاجومى Icon_rolleyes

تقبل مرورى

ياريتك ما رديتى يا بلاك هارت

مش عارف اقولك ايه بس انا حاسس